أمّا الحُب ||

شُكر..

عاوزه أقول حاجه بقا..
طبعاً كلنا عارفين أن دي روايه، ملهاش علاقه بالواقع..
الناس والتصرفات والطيبه وكل دا مش موجود للأسف في حياتنا..

لو في الحياه الحقيقيه اللى احنا فيها معتقدش أن زياد كان هيبقى إنسان كويس أو كان هيحاول حتى يبقى إنسان كويس
معتقدش أن دلال كانت هتسامحه كمان..

اللى عاوزه أوصلوا أن الروايات مش مقياس للى احنا عايشين فيه..

وكمان عاوزه احكي حاجه ممكن تكون ضايقت البعض
وهي أن عمر كمل حياته بعد ما شمس أتوفت..

عندي مستر مراته وبنته اتوفوا في حادثه، وهو دلوقتي متجوز تاني وعنده اطفال تاني ومبسوط في حياته، بس دايما بشوفو ينزل ادعيه لمراته ولبنته، ربنا يرحمهم يارب

الحياه مش بتقف غير لو احنا اللى قررنا نوقفها، الناس لازم تكمل، والشخص اللى انت خسرته لو بيحبك فأتأكد أنه اكيد هيكون مستني انك تكون مبسوط وتعيش حياتك..
طبعاً دا على الأشخاص اللى بيبعدوا بغير رضاهم..

اخر حاجه حابه اقولها..
البنات اللى كانت بتعمل كومنت أو ڤوت، و حتى اللى بيقرأو بصمت
إن مفيش غيركوا اللى كان بيخلى عندي شغف اكمل والله..
شكراً من كل قلبي وأتمنى النهايه تنال رضاكم يا حبايبي واكون عند حسن ظنكوا..
بحبكوا كلكوا بجد 🥺❤️.
اشوفكوا بخير ❤️