اكحل عيوني فيه لا صابني ضيق ويطيب م في خاطري من عيونه

بسم الله الرحمن الرحيم ( ٢٢ )

كوثر قالت كلام ترك نجد توقف من الصدمه
ركضت لامها ومسكتها من كتفها بصدمه وعيونها امتلت دموع : من جد ماما راح نروح الديره
كوثر مسكت ضحكتها : اجل بكذب عليك وافقت عشانك ادري انك تحبينها كافي السنتين الي ما رحتيها
نجد حضنتها وصارخت بسعاده : اخخ ماما احبك
خلف ضحك : واتصلت على ذياب قبل شهور وقلت له يجهز لنا بيت وهو تكفل فيه واليوم اتصل علي وقال لي انه جاهز
نجد دق قلبها بلهفه لاسمه : ها اجل متى راح نروح اليوم
خلف : لا بعد بكره عشان يمديكم تجهزون اغراضكم
لن اليوم بتنامون ببيت خوالك
نجد معد فيها صبر : لا لا راح نروح بكره تكفون والله معد فيني صبر
خلف ناظر لندى الي مو هامها الموضوع اصلا : وانتي ندو مالك حس
ندى : مدري بكيفكم ما يهمني الحين ابي اروح لجدتي
خلف وهو طالع بينام : اجل يالله روحو واذا رجعتو اليوم تجهزو
نجد ناظرت امها : ماما تكفين بكره
كوثر : لا لا تخليني اغير رايي
نجد سكرت فمها بيدها: لا لا بكيفك على راحتك
سكتت والحين اول عيد تحس فيه طعم وتكون مروقه ومحد قد سعادتها

بديره

خلص عيدهم قرب الظهر وكل واحد راح لبيته الا ذياب الي راح للبيت الي صار له شهور مشرف عليه فتحه ودخل وهو يشوف كل شي جاهز صممه على كيفه وكان حريص ان البيت يكون جنب بيتهم
لف فيه بتاكد ان كل شي تمام ومثل ما يحب كان ناصه بس الاثاث
طلع وسكر الباب بالمفتاح وراح لبيتهم مشي لقربه
دخل وكانو اهله جالسين بصاله وسوالفهم استقبلته ابتسم لشعور اللطيف الي جاه وترحم على ابوه وتمنى لو كان جالس بينهم حتى لو هاوشهم راضين سلم ورفع يوسف لحضنه وجلس جنب امه وهو يبوس راسها ويعايد عليهم
العنود تذكرت الي سواه ولدها وضحكت : الله يهديه عفس كشخه سلمى كب عليها الفطور
( طبعا سلمى قالت لهم انه يوسف ) مشت عليهم كلهم الا الهنوف لنها قالت لها انه هزاع
هزاع لما سمعها كتم ابتسامته غصب
الهنوف :كملت وهي تراقب هزاع بطرف عينها : الله يهديه لو مو صغير كانت دعت عليه
هزاع قمط العافيه هو يدري انها دعت عليه اكيد
الجده حصه : خلوه حبيب جدته تفداه سلمى وفستانها
عفاف بتمني : الله يطول بعمري لين اشوف عيالكم كلكم
الكل قال بهمس : امين
الجده حصه : ذياب وانا جدتك ما ودك تعرس هرمنا وحنا ننتظر عيالك ابي اشوفهم قبل اموت
ذياب بصوته الهادي المهيب : الله يطول بعمرش الزواج مالي فيه الحين اذا جاء وقته تزوجت
هزاع بلقافه : مالك فيه ولا تنتظر احد ها

ذياب ناظر له بنظرات حارقه وناظر لجدته الي قالت : افا ما بيزوج ذياب غيري وزوجته موجوده بس انتظره لين يبي الزواج طبعا ذياب ما بيطيع الا شور جدته
ذياب ابتسم لها بتسليك: على خير ان شاء الله الا نسيت اقول لكم عمي خلف اتصل وقال لي انهم بيجون بكره
سكتو كلهم بصدمه من الهنوف الي نطت بصدمه وقالت : بذمتك من جدك يعني نجد بتجي
ذياب كتم ابتسامته من حماسها : ان شاء لله
الهنوف صفقت بيدينها بحماس : يالله الحمدلله اخيرا
الجده حصه فرحت انها بتشوف ولدها : الحمد الله كان خله يجي يشوف ولده على الاقل
عفاف : غريبه وش غير رايه وجاء لحاله او اهله معه
ذياب : قال لي انهم معاه
العنود : غريبه شكلها رضت او ان فيها فضول تشوف فاطمه و ولدها
عفاف : بس خلف طلقها اذا بتشوف بتشوف ولد خلف
ذياب لما شاف حشهم بدا استاذن منهم وطلع
رفع جواله الي يدق وما كان الا صقر ورد عليه : هلا
صقر : ذيبان خمس دقايق واجيك اطلع لي
ذياب بستغراب : وش فيك عسى ما شر
صقر بتوتر : مصيبه ي ذيبان مصيبه
ذياب رجع نازل ادراجه بخوف : اهدا وانا انتظرك برا بسرعه
طلع من عندهم بسرعه وهزاع فز طلع وراه مستغرب وش فيه وقف وراه : وش فيك
ذياب : مدري صقر اتصل علي وقال لي اطلع له صارت مصيبه ومدري وش صار له
ما كمل كلمته الا و وقف صقر السياره وهو يناظر حوله مرتبك ويدينه ترجف : والله ما كنت اقصد هو مدري كيف طلع بوجهي
ذياب عرف ان صقر جاب العيد ذي المره وبقوه
هزاع استغرب من حال صقر اول مره يشوفه مرتبك وخايف : وش صار ي اخوي اهدا وفهمنا
صقر فتح الباب الي ورا وذياب تقدم وانصدم من الي شافه كان شخص والدم معبي المرتبه ما عرف وش يسوي من الصدمه
صقر حط راسه على السياره وهو يضربها بقبضه يده بقوه
هزاع تصمر مكانه لما عرف انه توفى
ذياب راح لصقر وسحب لحضنه وهو يطبطب عليه : هونها وتهون ما بيصير الا كل  خير اهدء
صقر تنهد وهو للحين بطور الصدمه قال له الي صار وهو حاضنه : كنت مسرع وهو طلع فجاه بوجهي وصدمته وكنت بسعفه بس لما وصلت لنص الطريق وقبل اطلع من الديره شيكت عليه وطلع متوفي
ذياب قتلت نفس مات بسببي
ذياب بعده عنه وتنهد وهو يحاوط وجهه بيدينه : ما بيصير لك شي ثق فيني لو قلت لهم انه انا الي قتلته ما بسمح يصير لك شي وانا ذياب
تركه وراح لسياره يشوف الولد وعرف انه مو من اهل الديره ناظر لهزاع الي ما نطق بحرف : ادخلو داخل وانا بدبر امره صقر : لا بروح معاك مستحيل تروح لحالك قاطعه ذياب الي قال بحده : قلت لك ادخل داخل ولا تناقشني