اكحل عيوني فيه لا صابني ضيق ويطيب م في خاطري من عيونه

بسم الله الرحمن الرحيم

غربت شمس النجم عليهم و اهل الديره كلهم بعد ما عرفو ان خلف جا صار المجلس مليان والكل جاء يرحب فيه وهو يستقبلهم بنفس راضيه وابد ما تغيرو ولا نسى احد فيهم

هزاع بهمس لذياب : ليت ابوي صار شيخ من زمان ما تركوني اسوي شي كل ما شلت شي قالو ولد الشيخ ما يشيل وحنا موجودين
صقر سمعه وقال بضحكه : هه ذياب من زمان ما يخلونه يسوي شي قبل الشيخ خليفه يصير شيخ ف ما فرقت معه
هزاع فز : وش قصدك ها
صقر تكتف وهو يلعب بمسبحه ذياب : ولا شي شوف الشيخ يناظر لك
هزاع ناظر لابوه وفز وراح له : امرني
خليفه : روح للبيت وشوف اذا يحتاجون شي
هزاع : ابشر وتركهم وطلع
خلف انصدم انه فهم ابوه من نظره
هزاع جاء بيطلع بس قاطعه دخلو ابو سعاد وعياله وانصدم لما شافهم جلسو وما سلمو ولا شي ناظر لابوه وشافه ياشر له بعيونه يطلع
هزاع راح وهو يناظر ورا ويدعي الله ان ابو سعاد ما يقول شي ويخرب الجو الي كان يشرح الصدر

خلف كان بيقوم بس مسكه خليفه : وين
خلف ابتسم : بسلم على ابو سعاد اكيد ما شافني
خليفه : الا شافك ومليت عينه بس ما يبي يسلم
خلف فهم وجلس : شكله كان يبي يصير شيخ ما يدري انها مكتوبه لاهلها
خليفه : عداوته مالها سبب وانت تدري ما يطلع مني العيب
خلف : داري وانا اخوك بس انت تسكت له عشان كذا يتمادى
خليفه : دام اقدر اسكت راح اسكت مو عشانه عشان الناس
مابي يقولون جت المشاكل يوم صار شيخ
خلف : ما يطلع منك عيب واذا تمادى ذياب بيتكلم قبلك
خليفه ناظر لولده وشاف نظراته الحارقه لابو سعاد : اخذ كل شي مني الا الصبر ما عنده صبر دمه حار

ببيت الشيخ الكبير

نجد كانت منصدمه من الحريم الي كل شوي يجون وصار الحوش مليان طلعت من غرفه الهنوف بعد ما لبست لها بنطلون بني واسع من تحت و من عند الخصر كان عالي شوي مع بلوزع بالون البيج وكعب قصير ورفعت نص شعرها ونزلت لها خصل اماميه وكان شكلها طالع يموت دخلت المطبخ وشافت الهنوف ومعاها بنت
توقعت انها بنت من اهل الديره قالت بهمس قاطعه هرجهم : سلام
سلمى ناظرت لها وطاح الكوب من يدها ومن حسن حظها ما كان قزاز كانت منصدمه من شكلها قالت بهمس للهنوف : بسم الله ماشاءالله هاذي متاكده انها انسانه
الهنوف ضحكت : هاذي نجد بنت عمي خلف
سلمى ابتسمت لها وهي تمسكها من كتوفها وتبوسها : ارحبي يا نجد هي من جانا والله بعدت عنها وهي تناظر لها كيف مستحيه منها : تكفين يا الهنوف ثاني مره لا عاد توصفين لي احد طلعت احلى بكثير من وصفش
الهنوف سحبتها : خلاص اثقلي وتعالي خلينا نطلع نضيف الناس قبل تفقدنا حصه وتهاوش
قاطعتهم ندى الي دخلت تنادي نجد :  ماما تسال عنك
شهقت ندى من سلمى الي اول ما شافتها هجمت عليها وهي تبوسها : ماشاءالله يا ذي الخدود
نجد ابتسمت : الهنوف بروح اشوف ماما وش تبي واجي تمام طلعت بعد ما اشرت لها الهنوف تطلع

كانت تمشي وتدور امها وانصدمت لما حست بالعصى الي تضرب ظهرها بخفيف : مين انتي
نجد ناظرت وراها وشافت جدتها حصه استغربت لما ضربتها بس ما تكلمت
حصه بعصبيه وهي تناظر للبسها : هاذا انتي نجد انتي صاحيه ولا وش بلاش ليه لابس كذا تبين تفضحينا عند حريم الديره يالله روحي غيري لا بارك الله في بليس
نجد انقهرت منها ما صار لهم يوم جايين وكذا تضربها وتهاوشها : اسفه يا جده بس ما بغير لبسي ماني متعريه بعدين انتي قلتيها حريم ما فيها شي وتعدتها وراحت ولا كانها تسمعها تهاوش وراها
حصه انقهرت منها وهي تهز عصاتها : والله وما عرفت تربي بنتك يا خلف بس معليه انا اربيها لك
قاطعتها حصه الي جت لما شافتها : جده وش فيك معصبه وش صاير
الجده حصه وهي تناظر للبسها الي كان فستان : حلو انش مو مثل اختش
حصه بستغراب : قصدك نجد وش فيها
الجده حصه وهي تذكر لبسها وتعصب اكثر : يا فضيحتنا فضحاه عند العرب ما شفتي اختش وش لابسه
حصه توقعت ان نجد جابت العيد : تمام اهدي انا بروح لها واخليها تغير ملابسها ما بيصير الا الي تبينه
الجده حصه ابتسمت والعصبية كلها تبخرت : سميتي وماخذه من اطباعي عاقله ورزينه
حصه ابتسمت لها ولما شافتها راحت طلعت ركض تدور نجد وشافتها واقفه مع امها قالت بريبه : نجد انتي وش لابسه يالله تعالي اعطيك واحد من فساتيني اكيد ما خذي لك فستان
نجد ناظرت امها : شفتي حتى راحت تشكي لحصه خلاص لازم نرجع اذا جاء بابا بقول له
كوثر : ما عليك انا بتكلم مع جدتك انتي الحين روحي للهنوف اشرت بعيونها لحصه تسكت
نجد تعكر مزاجها اول مره احد يمد يده عليها وعشان تعاندها طلعت عند الحريم تسلم عليهم ولفتت انتباه الكل وركزو على جمالها اكثر من ملابسها