اكحل عيوني فيه لا صابني ضيق ويطيب م في خاطري من عيونه

بسم الله الرحمن الرحيم ( ٣٣ )

الرجال الثاني بتهديد : بكره باي طريقه لازم تخلينها تطلع معش واحنا بنكون ننتظرش بالمكان الي اتفقنا عليه
ساره : تمام خلاص بحاول روحو الحين لا احد يشوفنا

ساره رجعت بسرعه وصارت تدور البنات ولما شافت نجد واقفه تدور بعيونها عرفت انها تدور عليها وركضت لها وحضنتها وجلست تصيح
نجد خافت : بسم الله عليك وش صاير وش فيك
ساره بعدت عنها ومسحت دموعها : اختي شفت اختي

عند ذياب بعد ما خلص من اشغاله وشاف اخر الاخبار عند الشرطه رجع للمجلس ينتظر صقر لعله عرف شي عن البنت لن قلبه مو مطمنه
كان المجلس مافيه الا قليل من شيبان الديره وخلف وعبد الحلم
ذياب كان سرحان وتفكيره ماخذه بعيد عنهم وعن سوالفهم
رفع راسه لما سمع صوت سياره وقفت قدام المجلس عرف السياره وصاحبها : يالله انك تعين هاذا وقتهم
هز راسه باسف لما شاف طقمه الوردي دائما يجيب الوان غريبه تجيب المغص
الرجال : سلام عليكم
ذياب والرجال الحاضرين ردو السلام
ذياب : حياكم تفضلو
دخلو وجلسو قريب من ذياب الي شاف ولد دخل المجلس وراح لابوه اشر له ذياب انه يصب لرجال قهوه
الولد ترك الشغله الي جاي لها وراح له وبدا يصب لهم القهوه
ذياب : ايه استاذ هاني هل في مشاكل
هاني : ابد كل شي مثل ما اتفقنا بس جيت اقول لك ان الجمال و اصحابها راح يجون بعد يومين لازم تامن لهم مكان
ذياب : ضيوفي مكانهم موجود لا تشيل هم
هاني اخذ القهوه ونزلها بعد ما شرب منها : حلو

باليل

رجعو البنات البيت وكانو تعبانين من المشي والفرفره دخلو على المطبخ على طول عشان يسوون العشى الا نجد الي ما تركت ساره من بعد ما بكت عندها وانهارت دخلت معاها الغرفه لن ساره قالت لها ما تبي احد يعرف
نجد : ها قولي لي وش صار معك
ساره بتمثيل الحزن : شفت اختي بصدفه وقالت لي ان اهلي يدوروني للحين مع ان لي ثلاث اسابيع هاربه ما يدرون عني
نجد : واختك وش جابها اهلك كانو موجودين بسوق وقتها
ساره هزت راسها بلا : لا محد كان موجود غيرها قالت لي انها راح تعطيني بكره شي مهم ولازم اقابلها بس انا خايفه اقابلها لحالي
نجد : لا تخافين انا وذياب بنروح معاك
ساره : لا مابي الشيخ ذياب يدري اذا تبغين تساعديني راح تروحين معاي لحالش ومابي احد يعرف
نجد ترددت انها تقول لها بروح معاك بس بنفس الوقت ساره كاسره خاطرها : مدري راح افكر اليوم وارد لك خبر اذا اقدر اروح معك ولا لا
ساره مسكت يدها بترجي : تكفين لا تخليني لحالي

نجد سحبت يدها لما سمعت دق الباب قامت وهي ساكته وطلعت
ساره تاففت وهي تمسح دموعها: يالله خلصت دموعي المزيفه وذي البنت شكلها مو ناويه تروح الله يستر بس لا تعلم زوجها ومحد راح ياكلها غيري

الهنوف : وين كنتي وش قالت لش
نجد وهم بقلبها : ولا شي تقول خايفه وكانت تفضفض لي ها خلصتوا ولا اساعدكم
الهنوف بشك : متاكده ما قالت لش شي ترا والله ماني مرتاحه لها ابدا
نجد ابتسمت لها : لا تخافين هي حبوبه ومسكينه بس انتي واخوك مو راضين تصدقوني
الهنوف : لنا نفهم اكثر منش امشي بس البنات يسالون عنش