الم احل لك بعد

بارت ٤٨

b𝓪𝓽𝓸𝓾𝓵 𝓪bb𝓪𝓼:
ألم_احـل_لـك_بعـد
جـ الثاني/بارت ٤٨
بقلم.... المـيࢪزا بتـــول
@user80208178
عن أميࢪ المؤمنين علي عليه السلام
((‏ثروة الجاهل في ماله وامله))

.....شــــام

......جـنت متمدده بالغرفة بحدي هم صبوا عشه وانا ما ردت بقيت صافنة بالسقف وايدي بيها السبحة اسبح واسمع صوت هوسه صارت ونسوان تهلي وتمرحب شوي ودخل واحد من جهال مؤمل كال
.....عمه شاامه تعاي جووي بيت جدو غامد
شام....اي عميمه جاايه

.... طلع وانا كمت خليت جبه على ثوبي وشال وكمت طلعت سلمت عليهم وكعدت بصف عمتي
مشتاقتلها هــواي وما شايفتها صار مدة شوي واشوف صفاء اشرت الي كمت مترخصة منهم واخذتها وياي دخلنا للغرفة

شام....شبيج خبصتيني
صفاء....هو انا لو حمااي المصيبوب
شام....منو حمااج؟
صفاء....اكو غير سيـد نائل
شام....ليش شبي وبنته شلون صارت
صفاء....والله بنته اخبارها ماتبشر بخير بعد بكيف الله باقية
شام....ونعم بالله والله يشافيها ان شاء الله

وانا احجي سحبت تلفونها من جنطتها وخلت بيدي يهتز والشاشة مفتوحة اسم المتصل نائل
صفاء....اخذي حاجي وانا واكفه الج هنا
شام....شحجي وياه
صفاء....شووفي شنو يريد شبيج ماا راح ياكلج من التلفون
شام....بس صفاء.....
صفاء....لج فتحي الخط راح يسده وانا جيتي هاي كلها علمود يحجي وياج

سحبت اللون الاخضر وخليت الجهاز على اذني اجاني صوته كال

نائل....شاام
شام....اي
نائل....شلوونج
.....الحمدالله ببخير بنتك شلونها ان شاء الله صارت بخير
.....ساعاتها مو سويه مرات تتحسن ومرات لا ما اعرف شنو اسوي اديه مربطه من جهة بنتي لازمتني من ايدي التوجعني ومن جهة انتي
اعرف القصة اذ اطول موو بصالحنا
.....نائل لا تخلي بالك يمي انا ببخير والله وان شاء الله ما يصير شي بس المهم هسه بنتك
......شلون ما اخلي بالي والسوالف كلها تووصلني شام ولا انا غشيم عن اهل بيتكم المهم انا هذا الاتصال كله بس علمود ابلغج واكلج انا لحد هسه شاريج ويشهد الله عليه ما رايحة من بالي بس منتظر صحة تالين تتحسن وراح ارجع للعراق

.....سكتت ما اعرف شنو احجي او ارد حجيه اذاني ما فرحني احس ما اريده احساسي ومشاعري مو اله ما تكون اله غير مشاعر اخوة اليربطني بي فقط صلة القرابة لكن ما كدرت احجي كلمة لان هو مثل حبل النجاة الي من مصيبة ميمون الي خلاني بيها وما اهتـم ختمت المكالمة بسكـوت من عـندي وراها سلم وراح انطيت التلفون لـ صفاء وبقينا كاعدين نسولف

......بس مو كل شي نريده يصير على مرامنا ولا اقدارنا احنا الي نكتبها انصدمنا بيوم من الايام بخبر موت تالين بنـت نائل والقهر اكلنا كلنا طفلة صغيرة ما شافت شي من حياتها اخذها الموت من احضان امها وابوها

.....كلش تاذينا بهذا الخــبر لان الاخبار الي وصلت النا قبلها بأيام هي بخير وصحتها تحسنت نوعاً ما لكن شاء الله ذلك ولا اعترض على امره  والحمدالله على كل حــال