الم احل لك بعد

بارت ٤٧

b𝓪𝓽𝓸𝓾𝓵 𝓪bb𝓪𝓼:
ألم_احـل_لـك_بعـد
جـ الثاني/بارت ٤٧
بقلم.... المـيࢪزا بتـــول
@user80208178
عن أميࢪ المؤمنين علي عليه السلام
((الجنة افضل غاية))

وارث
.. .بيومها ما طلعت للخدمة على الشفت الليلي
ضلينا متانين جدي لجن انعزم عد شيخ من ربعه
راح يمه وتانينا لـ ليل لمن رد يلا كعدنا وياه وردنا نحجي عود اگوي بـ عگاب شو من صارت صدك
انا احتاريت منين ابدي بالسالفه شكل اله
عدك حفيد ضايع يو مطينا عطية لوادم غربة وانتم ما تدرون
والحفيد صار زلمة ويريد يرد لـ اهله
شون تردون تكابلونا وجه لوجه وشتكول للوادم يو نشدوك عنه منين ما اريد ارهمها بـ عگلي ما تـرهم

علمـا عگاب نطق اول حجـاايه انا تيبس دم بعروگي ومن اعاين لـ عگاب يحج ويعصر بجف ايده وجدي يعاين النا ونظرات عيونه ما تتفسر
وجن ما مصدك حجينا ومتانينا نكول جذب...نشاقه...لجن كلهن ما صارن عبن الحجـي صدك

.....بيوم ولادة فارس مو بس فارس انولد مرة عمي جانت حبلة بـ تؤام وكبل ما جـان اكو سونار يو شي المره تحبل واتاني ليمت تخلص التسع شهور وتجيب هاي السالفه كلها
اخت مرة عمي هم جـانت حبلة وصار الها ١٥ سنة بلايه بـزر كلما يصير عدها يموت ورا الولادة بأيام يو ما يكمل تسع اشهر وهم يموت

.... من رايحة وي اختها يكولون خايفة ومخترعة من شايفة النسوان كلها تتصارخ وتتباغج صاير عدها طلك بالسابع لجـن الله ما قاسم الها بزرها مات مختنك بالولادة

...... يو ما حطت مرة عمي الوليدات اثنينهم حن گلب اختها على بزر ضاله الاماية ام مرة عمي تحجِ براس ام عگاب علمود تشيل واحد من ويلادها وتطي لـ اختها وجانت زغيرة وما تعرف عواقب هاي السالفه شالته وانطته لاختها وما احد عرف بسالفة خوات وجابن بنفس اليوم طشت بالولاية هجي السالفه وما احد شك بيها

......لجـن الله عادل وما يحب الظلم والحك ينراد والدم يحـن لولد عرف هو موش ابن لاهله ويريد يرد هساعة هنانه لجـن شنكول للوادم وشنحجِ ما ادري والحيرة قريتها بعيون جدي بـ ليلتها ارتفع ضغطه وماا شاف النوم الليل كله ومناوب انا وعگاب فوك راسه وكل واحد بينا يلوم روحه عبن حجينا

....بينه وبين الموت من عمري على عمره شعره كلسااع يشهك شهكة مووت ونفز انا وعگاب عليّ وما يرضا ناخذه للمستشفى يو ما صبح،صبح الله مشيت جبت مضمد صااحب اليه وخوش وليد خدوم اجه شافه وقاس اله الضغط وانطاني علاج اجيبه اله

.....وعگاب سوا اله شوربة ماصخة للعصر يلا كعد على حيله وكدر يفج عيونه لجـن عگب ما سحب من عدنا العافية ردنا يحج شي يكول النا ماكوو وانا وعگاب واحد يصفن بالثاني نخاف نحج شي ويرد يتخربط علينا شوي وكام توضئ ولبس سلاباته وانا وعگاب ركضنا لبسنا الدشاديش والغتر لفيناها وتوضينا وطلعنا بـوراه نركض ركض