صحيت تاني يوم مخلوعه عاينت للتلفون لقيتو في يدي طوالي شفت الساعه لقيتها 7 الا ربع طوالي قمت مخلوعه ومشيت لشجن لقيتها نايمه طبعاً صحيتها بعد فتحت الستاره عشان يدخل ليها ضوء الشمس بقيت بصحيها
انا: بت شجنن قومي سريع الزمن فات والصبح فاتنا قومي
شجن: هممم احمد صحانا وصليناهو كلنا
ختيت يدي في نصي وقلت ليها: وليه م صحيتوني ؟
لقيتها بتشخر لسه طوالي قفلت الستاره تاني ومشيت على غرفه احمد دقيت الباب جا فتح لي الباب قلت ليهو:صباح الخير ... ليه م صحيتني؟
قال لي: صباح النور ... لقيتك تعبانه قلت اخليك نايمه
قلت ليهو: طيب وامجد صحى؟
قال لي: اي مشينا الجامع وجينا
قلت ليهو : طيب انا هأصلي واعمل ليكم الشاي
قال لي: طيب
قبلت عايزه امشي اتذكرت طوالي التفت لأحمد قلت ليهو:جيت متين انت؟
قال لي: جيت زي 1 ونص
قلت ليهو: طييب
طوالي مشيت صليت الصبح ومشيت على المطبخ على طول وعملت الشاي مشيت لأمجد لقيتو ماف في الغرفه طوالي مشيت الصالون وانا بكورك:امجد ااامجددد
رد لي: ااي يا هتون
وصلت الصالون ووقفت في الباب عاينت ليهو لقيتو منتبهه في الشاشه كوركت طوالي قلت ليهو: امجددد من الصباح بلايستيشن؟ عايزني ارفعو منك ولا شنو؟
امجد رد لي : والله يا هتون كنت زهجان بس
حدرت ليهو قلت ليهو: مننن م صحيت من النوم طوالي زهجان؟ هاااا؟
امجد وهو مركز لسه في الشاشه قال لي: اي دا ... دا الحصل والله .. ياخخخخ كنت هادخلها "وضرب الدراع بيدو"
عاينت للشاشه لقيت القيم انتهى طوالي مشيت فصلتو وقومتو قلت ليهو: سريع قوم على حيلك!
قال لي: اوفف يا هتون ياخ زحي لي ووصليهو لي
ربعت ليهو يدي وانا لسه واقفه جنب الشاشه قلت ليهو: لا واتفضل قدامي عشان تشرب الشاي
قال لي: هتوننننن ياخخ😡
مشيت عليهو ورفعت ليهو اصبعي وقلت ليهو: اوعك ثم اوعك ترفع صوتك علي! اول واخر مره فاهم؟
عاين لي ومشى طوالي طلعت بوراه ولقيتو قاعد في الحوش ومكشر احمد جا طالع وقعدنا في العريشه عشان الشمس طلعت وكدا اول م احمد قعد عاين لأمجد وعاين لي لقاني بحمر ليهو قال لينا: الحاصل شنو يخوانا "وشال بسكويته وغمسها في الشاي"
امجد لسه مكشر قلت لأمجد: قول ليهو عملت شنو انت؟
قال ليهو: كنت بلعب في البلايستيشن وجات فصلتو ورفعت صوتي عليها!
