تاني يوم طوالي صحيت الصباح ومشيت نضفت البيت وعزام لسه نايم مشيت صحيتو ابا يقوم لي الا بعد زمن وانا مشيت اجهز اخدت لي زي ساعه وربع وطلعت لعزام كان قاعد في الكرسي ومديني ضهرو مشيت وقفت قدامو وقلت ليهو: يلا يا عزام
عزام وقف على حيلو وبقى يعاين لي قال لي: التوب يخلوهو ليك
خجلت شديد وم عرفت ارد التفت عايزه امشي جا علي ومسكني من يدي ولفتني عليهو وبقى يحصني بعد حصني قال لي: عادي امسك يدك!
حركت ليهو راسي وقلت ليهو: عادي
ابتسم ومسكها ونزلنا على طول اول م ركبنا العربيه قال لي: هنمشي بيتكم اول صح؟
قلت ليهو: اي ضروري عشان اتكلم مع احمد ورنا
فعلاً اتحركنا ومشينا على بيتنا خبطنا الباب بعد زمن ابوي فتح لينا الباب سلم علينا وقعدنا في الصالون قلت ليهو بإستغراب: وين امجد يا ابوي؟
قال لي: مع اخوانو هناك عند ابتهال
قلت ليهو: من متين؟
قال لي: يعني م تم اسبوع
قلت ليهو: ايواااا ووين احمد طيب؟
قال لي : خشي شوفيهو نايم جوا
قمت طوالي ودخلت الغرفه لقيتو نايم بقميص وبنطلون صحيتو قام مخلوع قال لي: الجابك شنو يابت؟
رفعت حاجبي وقلت ليهو: جايه اشووف الهببتو مع رنا
قال لي بزهج: تاني هتجيبي لي سيره الموضوع دا ياهتون
قلت ليهو وانا منفعله: تاني وتاالت ورابع يا احمد االبت اكيد مظلومه
قال لي: عشان صحبتك صح؟
قلت ليهو : لا نهائي م عشان صحبتي يا احمد بس في حاجات انت م عارفها واكيد في سوء تفاهم في الموضوع كلو
قال لي بزهج: والله انا مشيت ليها وطلبت الطلاق وانا عملت العلي وزياده
اتنهدت وقلت ليهو: يا احمد احكي لي الحصل بالظبط
حكى لي وانا منتبهه شديد قلت ليهو: وانت م اديتها فرصه تدافع عن نفسها حتى وبنيت كلامك البتقولو دا على الاحداث الانت جمعتها!
قال لي: م هو الموضوع ظاهر يا هتون تاني في شنو؟
قلت ليهو: واضح شنو يا احمد البت م اتكلمت اصلاً وانت ببساطه اتهمتها وحتى انت قلت لي كانت شايله اكياس وجايز تكون مشت تشتري حاجات!ولاقتو
قال لي: م عارف انا
قمت على حيلي وقلت ليهو: هأمشي لرنا واسمع منها القصه طالما م سمعت انت
وطلعت خليتو كلمت عزام اني ماشه ليها اول م دخلت ليها الغرفه لقيتها نايمه صحيتها قامت بعد زمن قلت ليها: قومي على حيلك واحكي لي الحصل شنو يوصلك لمرحله الطلاق؟
