قاعدين كلنا وملمومين بعد ناس عمتي وصلو والحمدلله القعده كانت حلوه شديد ومبسوطين كلنا خصوصاً بعد حددو عقد قصي وشجن وفي قعدتنا انبسطنا شديد بجيه رنا اول م جات داخله سلمت علينا كلنا وجات قعدت جنبي واتونسنا كلنا وحسيت احمد م مرتاح وسرحان طوالي المهم القعده انتهت واي شي وناس ابوي طلعو وانا وعزام رجعنا بيتنا ورنا هي زاتها رجعت اول م دخلت البيت فكيت طرحتي بزهج وقعدت عزام قفل الباب وجاني قال لي: مالك يا هتون؟
اتنهدت وقلت ليهو: بقيت بفكر في امجد الهيعيش مع ابوي ومرتو ديل
عزام قال لي: خليهو يقعد معاهم يا هتون ولو حس انو الموضوع م كويس معاه او كدا هيكلمك وانتي نبهيهو للحته دي
قلت ليهو: والله ابوي دا حيرني عديل
عزام قال ليها: انا ابوي كان كدا زمان وقتو كلو للشغل ولي هسي كدا يعني الموضوع م خطير
عاينت ليهو وقلت ليهو: واضح انو م خطير
عاين لي وسكت قمت على حيلي عزام وقف معاي وقال لي: هتون انا م عايز اطلقك
عاينت ليهو شديد قال لي: انا م فاهم نفسي اتزوجتك عشان سبب معين وم عارف بقيت بحس انك قريبه مني وفي حاجات كتيره مشتركه حاسي انا وانتي تايهين في نفس الدوامه وكأني لقيتك عشان تسنديني وتنقذيني قبل اغرق هتون انتي فاهماني؟
حركت ليهو راسي"بمعنى اي" وقلت ليهو: بس انا وانت م بنحب بعض ليه م نطلق؟
قال لي: ومنو القال ليك اني م بحبك؟
بقيت منططه عيوني وساكته وم قلت شي بس قلبي كان بيدق شديد م عرفت ارد ليهو وهو زاتو بيعاين لي قلت ليهو براحه: بس نحن م كان اتفاقنا كدا
قال لي:اعمل شنو لكن مشاعري م بقدر اتحكم فيها
سكت منو وقلت ليهو: بس انا م بقدر ارد ليك هسي
قال لي: م الا تردي المهم تكوني معاي 💙
حركت ليهو راسي ومشيت منو وانا بفكر في الانا فيهو دا وكيف عزام بيحبني وهو م كان بيديني اي رده فعل وكان قال لي هنطلق بس الاتغير شنو اتنهدت وقلت بصوت " يارب لطفك علي"💙..
____
بعد رنا طلعت احمد بقى قاعد بيفكر وم قدر يقعد طوالي طلع ومشى خبط الباب فتح ليهو ناجي سلم عليهو سلام حلو وفضلو احمد بقى بيتلفت منتظرها تجي ناجي قال ليهو يدخل ليها طوالي قام وخبط الباب فتحت ليهو عاين ليها بحنيه وقال ليها: انا بحبك يا رنا م تخليني عليك الله
هي طوالي حضنتو وهو كمان اطمن انها معاهو بعد منها وقال ليها: م نفسك ترجعي لي؟
قالت ليهو وهي مبتسمه: نفسي اكيد
طوالي مشت معاهو واحمد دا اخر انبساطه اتصل على هتون كلمها وفرحت ليهو جداً وبكدا رنا رجعت لأحمد وهو م مقصر منها ابداً💙.
