^بعد مرور اسبوعين^
في يوم صحيت لقيت البيت دا جايط وشايفه خالتي كمان جات واحمد دا داخل وطالع مشيت سألت خالتي قلت ليها بإستغراب: الحصل شنو خير ان شاء الله
خالتي انفال قالت لي: معقوله العروس تسأل الكلام دا يوم عقدها؟
سكت مسافه وعاينت ليها بخلعه بعد استوعبت القالتو قلت ليها: عروس شنو يا خالتي ؟
قبل ترد علي جاني احمد داخل قال لي: لاقيت رنا برا هتمشو تتظبطو مع بعض وتعملو حاجات البنات دي "ومد لي قروش" ودي عزام اداها ليك
قلت ليهو: بصفتو شنو يديني قروش؟
احمد قال لي: بصفتو خطيبك!وهيبقى راجلك بعدين؟
قعدت في الارض وقلت ليهم: اقعدو فهموني واحده واحده في شنو وانا مالي؟وعزام مالو؟
احمد رفعني وقال لي: تعالي معاي
مشيت معاهو وانا بحاول استوعب الحاصل شنو احمد قعدني جنبو وقال لي: كل الحصل لمن كلمت ابوي بموضوع رنا الظاهر اتحمس شديد والليله لاقاهو ناجي ابوها في الصلاه وكلمو اننا جايين وكدا بس ابوها قال ليها نعقد طوالي وابوي وافق وعزام كان معاهم وقال نخلي الفرحه فرحتين وطلب يدك وقالو يعقدو لينا بعدين
ختيت يدي في راسي وقلت ليهو: والصح من ابوي يوافق من غير م ياخد موافقتي انا؟
احمد قال لي: م فيها شي ابوي وعارف مصلحتك اكيد
قلت ليهو: مصلحتي في اني اعرس واحد منفسن وفي عمري دا؟
احمد قال لي بإستغراب: عمر شنو يا بت انتي كلها شهور وتبقي 19 الجديد شنوو
قلت ليهو: احمد؟ وقرايتي الوقفتها
قال لي: دا كان شرط ابوي لعزام وعزام وافق
سكت مسافه وقلت ليهو: واخواني هنعمل فيهم شنو يا احمد؟
احمد قال لي: انا اتكلمت مع رنا وقلت ليها ممكن نعقد ونجي طوالي ولمن عزام وهتون يجو نحن نسافر قالت لي موافقه
قلت ليهو: دقيقه دقيقه دا كلو وماف عرس عديل عقد بس؟
قال لي: اي وين المشكله
حدرت ليهو وقلت ليهو: انا م عايزه عقد ولا عرس انا عايزه اربي اخواني واخلي بالي منهم وهسي هأقوم امشي لابوي واقول ليهو المهزله دي لازم تنتهي
وقمت على حيلي احمد مسكني من يدي وجراني قعدني تاني قلت ليهو: خليني يا احمد
احمد قال لي: اهدي اول وبعدين عايزه تصغري ابوي قدام اهل عزام؟
سكت مسافه ودنقرت ودمعتي نزلت قلت ليهو:وليه تعرسوني ليهو غصب انا م عايزاه
قال لي: يمكن ربنا عايز يجمعكم بالطريقه دي لخير يا هتون
