مشيت تاني يوم بيتنا ونضفتو عشان ناس عمتي نازليين خلاص المهم جاني احمد قال لي: رنا دي عندك خبر منها؟
قلت ليهو: لا بس بعدين هتجي تسلم على شجن اكيد
قال لي : ايوا كويس طيب!
قلت ليهو: هتتكلم معاها
حرك راسو وقال لي: يبدو اني ظلمتها شديد
قلت ليهو: رنا بتعزك واكيد هترضى ليك بس زعلت شديد عشان كدا
اتنهد وقال: انا ضايع من غيرها يا هتون حسيت بفقدها بجد
ابتسمت وقلت ليهو: بتحبها؟
حرك راسو وقال لي: م بحبها بس انا بعشقها
كنت عايزه ارد ليهو عاينت بوراهو لقيت رنا داخله وسمعت كلامو انا قلت دي فرصتهم قلت ليهو: دقايق ماشه لعزام
شلت كبايه المويه ودخلت الغرفه لقيتو راقد في السرير عايز ينوم صحيتو وقلت ليهو: شكلنا م هنحتاج لعزومه عشان نصالحهم لكنن اتقابلو خلاص
ضحك عزام وقال لي: ربنا بيحبهم والله
قلت ليهو: يابختهم ببعض🥺💙.
عاين لي وقال لي:يابخت اي زول يحب ويتحب من نفس الزول
سكت وقلت ليهو: فعلاً يابختو
____
رنا من صحت قالت تمشي تساعد هتون عشان دا واجبها اصلاً وكانت خاته في بالها انها هتقابل احمد بس م هتشتغل بيهو المهم لبست توبها وطلعت اول م دخلت البيت عرفت هتون في المطبخ طوالي دخلت للمطبخ بس سمعت احمد قال شنو هي خلاص م قدرت تستوعب القالو طوالي دموعها نزلت تاني هتون خلتهم براهم ومشت كانت عايزه تمشي احمد مسكها من يدها هي مسحت دموعها ووقفت ليهو هو جا قريب منها وقال ليها: اشتقت ليك
قالت ليهو: وانا م اشتقت ليك خالص وعايزه اطلق
احمد حاول يمسك اعصابو وقال ليها: هتقعدي تزعلي كتيير كدا؟
رفعت ليهو حاجبو وقالت ليهو: والحصل دا م بيزعل يا احمد؟
احمد قال ليها: الناس بتغلط يا رنا وانا غلطَ لمن م سمعتك بس انتي ساعديني وسامحيني
رنا سكتت وم قالت ليهو شي تاني هو واصل وقال ليها: انت كنت فاقدك شديد يا رنا زي الشافع الصغير لمن يتوهه عن امو "دنقر راسو"البيت م ليهو طعم يا رنا انا بجد فاقدك ولمن جيتي هسي وانا شفتك حسيت انو روحي اتردت لي من جديد "مسك يدها وقال ليها" سامحيني يا رنا وانا وعد مني م اغلط عليك تاني م هأوعدك اني م ازعلك بس هأراضيك في يومها وم هأخليها تكبر انا حقيقي عايزك وعايز احافظ عليك
رنا سكتت مسافه م قالت شي برضو فكت يدها ومشت منهم طوالي اول م وصلت بيتهم دخلت غرفتها وبقت تبكي جاتها امها قالت ليها: يابت مالك بسم الله؟
