هتون :وبكدا قصتنا انتهت
راجح قال لي: بس كدا ياعمتو؟الحكايه انتهت؟
قلت ليهو: دا الكتاب كلو انتهى حكيت ليكم الفيهو
هيا قالت لي: طيب عمتو شجن اتوفت كيف؟
قلت ليهم: اتوفت في الولاده وبعديها اتوفى ابوي بكم شهر
شجن قالت لي: طيب معناها كلام بابا طلع صح
جضمتها وقلت ليها: يا اروبه متذكره انتي؟
هيا قالت: اصلاً شجن بتحفظ بسرعه
ضحكت وقلت ليها: عمتكم شجن لمن اتوفت كان عمرها 18سنه وكلام ابوكم طلع صح
راجح قال لي: وجابت كم في تالت؟
قلت ليهو: 90.9%
هيا قالت بتعجب: كانت شاطره يا عمتو
قلت ليها وانا مبتسمه: ربنا يرحمها
هيا قالت لي: وانتي وعمو عزام رجعتو عادي؟
قلت ليها: لا لا اطلقنا سنه وكم شهر ورجعنا تاني
حازم قال لي: امي؟ انتي وابوي اطلقتو بجد يعني
حركت ليهو راسي وقلت : ورجعنا تاني واهداني الكتاب دا "رفعتو ليهم"
راجح قال لي: وليه حكيتي لينا القصه دي؟
قلت ليهو: عشان عايزاكم تستفيدو منها م استفدتو يعني؟
حازم قال : انا عرفت انو الزول مهما يزهج ويتعب وتحصل ليهو مشاكل يرجع لرربنا💙.
راجح قال: وانا اتعلمت انو مهما حصل م اسيء الظن بزول و...
قاطعتو هيا وقالت: واسمع قبل احكم
راجح قال ليها وهو معصب: م تقاطعيني 😡
طلعت ليهو لسانها وقالت ليهو: ابيييت
قلت ليها: كداا عيييبب يا هيا
قالت لي: دا هو لكن غياظ
قلت ليها: خلاص معليش يلا يا شجن وريني استفدتي شنو
قالت لي: اضحي بالحاجات البحبها عشان حاجات بحبها اكتر زي م انتي عملتي بالظبط وفي النهايه قريتي وبقيتي دكتوره في الجامعه كمان💙.
قلت ليها: الحمدلله عشان كدا قرايتكم م تزهجو منها في النهايه بترتاحو في ناس كتار نفسهم يقرو وم قادرين
راجح قال: انا اتعلمت اني هأعمل زيك وهأحكي لاحفادي قصص زي بتاعتك
قلت ليهو: حلو شديد
حازم قال: اميي عشان كدا عمو قصي رجع الامارات تاني؟
قلت ليهو: عشان شنو؟
قال لي: عشان عمتو شجن اتوفت هو رجع
قلت ليهو: بالظبط كدا قال تاني م هيتزوج خلاص كدا
