صحيت تاني يوم مشيت جبت خضار للبيت ونضفت البيت وطبخت بعد خلصت حاجاتي احمد جا داخل لي المطبخ عاين كدا للمطبخ لقى الموز في السبت اخد واحده وقال لي: اها م شفتيها لي؟ عدو تلاته ايام يا هتون
قلت ليهو: منو هي؟
حدر وقال لي: بتت قصدي رنا
ختيت السكينه من يدي وقلت ليهو: انت رنا دي م هتقصر في حقها صح؟
عاين لي بإستغراب قال لي: كيف يعني؟
قلت ليهو : عديل كدا متفقه معاك اني هأجيبها هنا عشان تساعدني حبه بس كمان يفترض تعاملها كزوجه!
احمد عاين لي وقال لي: ان شاء الله
قلت ليهو: وهتعمل ليها عرس عديل بزفاف وفنان
احمد اتعصب وقال لي: لا يعني انا جايبها عشان اصرف عليها كل دا؟
حدرت ليهو وقلت ليهو: زي م انت اخوي هي صحبتي يا احمد والما برضاه لنفسي م برضاه لغيري
رفع لي حاجبو وقال لي: لا يعني دي حاجه كعبه يعني انو م نعمل زفاف ولا شنو انا م فاهم
قلت ليهو: لا فاهم انت، قصدي اي بت بيكون حلمها تلبس الزفاف وتتزف للبتحبو
احمد قال لي: وهي م هتتزف للبتحبو
في لحظه كنت هأقول ليهو بس سكت وقلت ليهو: خلاص يبقى م تحرمها من الحلم الاول!
قال لي:يعني انتي هتعذبي راجلك بعدين كدا الا حفله وزفاف وفنان وكلام فارغ زي دا؟
رفعت راسي وقلت ليهو:بلا فخر اجل نعم وبعدين هو لاقي زيي وين لمن م يعمل لي زفاف ؟
احمد ضحك وقال لي: الله يهديك يا هتتون المهم هأكلم ابوي انو هنمشي ليهم وانتي كلمي رنا
قبلت منو وقلت ليهو: انا م كان عندي مشكله لمن اخترت ليك العروس وم كان عندي مشكله لمن مشيت وكلمتها بس ولحدي هنا مهمتي انتهت تمشي تكلمها انت
احمد جا علي وجراني من اضاني وقال لي: هتقولي ليها ورجلك فوق رقبتك
زحيت يدو من اضاني وقلت ليهو: الحركه دي صعبه على فكره
قال لي بإستغراب:ياتو حركه يابت
قلت ليهو: اخت رجلي فوق رقبتي
ضربني في راسي وقال لي: غبيه دي
فجأه تلفونو اتصل قال: دا قصي
ورد عليهو
احمد : اووو ابو الشباب كيفك ياخ وكيف الصغننه ان شاء الله م تكون متعباك !
انا اشرت لأحمد انو يفتح الاسبيكر وفعلاً فتحو سمعت قصي قال ليهو:والله صحينا يادوب تصدق
قلت ليهو: والله ناس راحات انتوو
قصي ضحك وقال لي: ااي م زيكم كدا من صباح الرحمن في المطبخ
