عزام اول م صحى تاني يوم دخل الحمام اتسوك واستحمى وجا لبس واتشيك جا انس داخل وعاين لأنس بإستغراب قال ليهو: على وين ؟
عزام وهو بيرش الريحه رد ليهو وقال ليهو: ماشي الشركه لأبوي
انس حرك راسو وقال ليهو: ماشاء الله تطور ملحوظ "قال بهزار" ولا دي هتون نقت ليك عشان بيتكم"وغمز ليهو"
عزام حمر ليهو وشال مفتاحو وطلع
اول م وصل الشركه سلم على العمال والموظفين ودخل لأبوهو سلم عليهو وقعد
عزام:اها الشغل ماشي كيف؟
مجاهد رد عليهو: كويس يا عزام بس متعاقدين مع شركه كبيره وم عايزين نفوت الفرصه
عزام حرك راسو ابوهو اداهو ملف وقال ليهو: دي معلومات عن الشركه ممكن تتأكد من وجودها وكدا
عزام شال الملفات وعاين للورق ورفع راسو اتكلم مع ابوهو: طيب اانا هأقوم امشي مكتبي
مجاهد حرك راسو وقال ليهو: وعربيتك استلم مفاتيحها من هيثم
عزام قام وحرك راسو بمعنى"طيب" ومشى مكتبو وهو في طريقو للمكتب قال للسكرتيره: اطلبي لي قهوه سكر برا وجيبيهو لي المكتب
ودخل المكتب قعد بقى يراجع الملفات القدامو اتصل عليهو انس رد عزام وقال ليهو:خير يا ابو الشباب
انس قال ليهو: والله امك دي هتجي وتقلبها فوق راسك
عزام ختى يدو في وشو وقال : ماف حل يا انس الا تفتش لي بجد بعد دا
انس قال ليهو: انا قلت ليك هتون بس انت م بتسمع الكلام
عزام سكت وقال ليهو: اسمعني لمن ارجع البيت بنتفاهم
قفل الخط وواصل شغلو💙....
______
ناديت شجن غرفتي واتكلمت معاها
قلت ليها: شجن عشان خاطري خلي بالك من نفسك ومن قرايتك وقصي قال م هيقصر منك
حركت راسها قلت ليها: وعمتي لو قالت ليك شي اعملي منها رايحه وم بعيد تطاعنك بالكلام م حصل قعدت معاها عشان كدا خليك هاديه ورايقه
قالت لي:ان شاء الله يا هتون
ختيت يدي في راسها وقلت ليها: م بتخذليني ولا بتكسري ثقتي فيك 💙..
مشت مني وانا ناديت هاني ومسحت ليهو المرهم ورقدتو يرتاح طلعت مشيت المطبخ ورتبتو ومشيت الصالون لقيت امجد بيلعب قومتو يمشي يستحمى ورقدت في الكنبه فجأه الباب بقى يدق شديد ابوي كان طالع يفتح الباب قلت ليهو: خليك بفتحو انا
مشيت فتحتو لقيت دي ابتهال وبتحسبن علينا لسه ابوي طلع مع كواريكها قالت ليهو: حسبي الله عليك شلت اولادي مني؟
