كنت سرحانه وقاعده مشيت اعمل لي شاي وانا في طريقي للمطبخ لاقيت قصي قلت ليهو: صحح وريني الموضوع شنو!
قصي سكت شويه وقال لي: صراحه كدا انتي شايفه حاله اختك شجن وهي زوله ممتحنه تالت ولازم نراعي لحالتها النفسيه وكدا وغير كدا الظروف الهي فيها دي والتوتر الحاصل دا م كويس عشانها، فأنا بفكر انو اخدها معاي شهرين وهنجي راجعين قبل المدارس
عاينت ليهو شديد وقلت ليهو: وليه قررت تعمل كدا؟
قصي حرك كتفو وقال: عشان بت خالي وخايف عليها ؟
سكت وقلت ليهو: طيب لو كدا م مشكله شوف رأي احمد وابوي شنو!
قصي قال لي:طيب،، وبمناسبه ابوك استحمليهو شويه في النهايه هو غلطان وكلنا عارفين
قلت ليهو: غلطان اي م علينا المهم تصبح على خير
ومشيت منو قبل اسمع ردو عملت الشاي ورجعت غرفتي وسرحت تاني
#FLASH_BACK↪️
كنت جعانه شديد وامي لسه متوفيه وامجد صحى لي بليل مشيت المطبخ سمعت صوت ابوي بيتكلم : اقول ليهم شنو انا يا ابتهال؟اقول ليهم اتزوجت قبل امكم تتوفى؟
سكت مسافه وانا بقيت م قادره استوعب يعني ابوي متزوج قبل امي تموت وقال هيجيبها عشان تاخد بالها مننا! مشيت ورجعت غرفتي اصلاً واديت امجد لخالتي ورقدت وبقيت بفكر ، ليه ابوي اتزوج قبل امي تتوفى، وهي منو اللعبت في راسو للدرجه دي، اتنهدت واستغفرت ورقدت نمت وانا بفكر
#BACK↩️
في نص سرحتي دي وبتذكر كيف عرفت انو ابوي كان متزوج قبل امي تتوفى وليه بيقول لينا تاخد بالها مننا وكيف طلعت، فجأه في زول نط فيني ابتسمت وحضنتها علي وقلت ليها: وسن حبيبتي اشتقنا والله
سقتها وطلعت برا لقيت هاني قاعد وجنبو امجد قاعد لاحظت ليهو زي البيبكي كدا وابوي قاعد جنبو وبيتكلم معاه
ابوي: مالك يا ولد الحاصل شنو؟
هاني وهو بيشهق قال: امي هي الدقتني، عشان قلت لجدي عايز اجي هنا
ابوي طبطب عليهو وسكت بيفكر
مشيت عليهو سلمت عليهو وشلت وجن القاعده جنبو بستها وبقيت بلعب معاها فجأه الباب دق احمد مشى فتح الباب وجا صوتو من برا
احمد:اتفضلو اتفضلو
وانا شايله وجن وقفت على حيلي وسلمت عليهم، لاحظت لعزام زي السرحان كدا ، مشيت ضيفتهم وسقت هاني ووسن ومشيت، بقيت لافه في الغرفه ومتوتره وم عارفه لشنو اصلاً بس بعد شويه جا قصي دق لي الباب فتحتو وقال لي: ارح عشان اكلم ابوك واخوك ان شاء الله يوافقو
قلت ليهو: طيب ارح لكن دقايق انادي شجن
قال لي: شجن ناديتها وقاعده هناك ارح انتي بس
