تاني يوم صحيت مشيت عملت شاي لقيت عزام لسه م صحى مشيت عملت الشاي وختيتو في الصاله وانا شلت كبايتي ودخلت غرفتي شلت تلفوني و اتصلت لإبتهال .المكالمه الاولى م ردت ردت المكالمه التانيه
قلت ليها: الو ابتهال كيفك؟
قالت لي: اهلين شجن الحمدلله وانتي
قلت ليها: الحمدلله ، بس عايزه اقول ليك اتكلمت مع هاني وفهمتو اذا جيتي تاني واتكلمتي معاهم وسقتيهم كم يوم هيمشو معاك
ابتهال قالت : يعني لو مشيت الليله هيجو معاي؟.
قلت ليها:ان شاء الله هيجو معاك لو م مشو معاك اتصلي لي
شكرتني وقفلت الخط طلعت مشيت اودي الكبايه كان عزام طالع يادوب برضو وهو م بيعاين لي قال لي: صباح الخير
قلت ليهو: صباح النور
قال لي:عايزك في كلمتين
اتنهدت وقعدت في نفس الكنبه بس بعيد منو
قال لي: طبعاً زي م عارفه انا وريتك السبب الاتزوجتك عشانوو بس يمكن يتغير مع الزمن ونكون مستقرين لكن شايفك عايزه الطلاق وانا م.عندي مانع يابت الناس بس الفتره النحن فيها مع بعض نتعامل عادي
حركت راسي وقلت ليهو: انت ليه عملت كدا من الاول؟
ابتسم ابتسامه صغيره بالجنبه وقال لي: من وانا صغير عندي 15 سنه ابوي كان شغال على قدر حاالو امي هي الكانت بتشتغل عديل وابوي م كان عندو مانع يشتغل بس م لاقي رزقو زي م بيقولو بس امي بقت تفتش ليهو شغل وفعلاً لقت ليهو شغل وهو م مانع انو يشتغل ، اشتغل لحدي م كون نفسو تاني وبقى يلم قروش وبعد 6 سنوات تاني ابوي عمل الشركه بتاعتو وسماها على اسمي وانا زاتي كان باقي لي زي سنه واتخرج من الجامعه فكنت بشتغل معاه وكدا بعدو لاحظت لأمي وابوي مشاكلهم كترت شويتين تاني قلت عادي يمكن فتره وتعدي بس المشاكل كترت والصغيره بقت كبيره ووصلت لمرحله الطلاق وامي بتقول م قادره تستحمل الوضع الهي فيهو وحتى كانت بتقول لي ابوك دا من زمان انا مستحملاه بس سكتت عشاني انا كنت صغير وكدا وبس لقيت في يوم بقول ليها في مكالمه اني هأتزوج بعد قالت لي عايزه تشوف اولادي وكدا "دنقر راسو وقال" انس كان بيضغط علي وبيفتش لي واول واحده انتي الرشحها لي وانا طوالي عارضتو وقلت ليهو م هأعمل كدا بس والموضوع بقى بين تشغيلات بإسمك وامي بقت تضغط علي عايزه تتعرف على العروس بقيت م عارف اعمل شنو وفي يوم لقيت عمي ابراهيم في الجامع ولقيتو بيكلم عم ناجي وانا قلت ليهو عايزك بس نسيت السبب داك واتزوجتك عشان عايز اتزوجك
عاينت ليهو وانا مخلوعه: يعني انت اتزوجتني عشان انا هتون؟
حرك لي راسي وقلت ليهو: بس انت بتحبني؟
قال لي:لا
قلت ليهو: معناها بتكرهني
قال لي: برضو لا!
