قصي فجأه صحى بليل مشى برا الحوش بعد حس انو في حركه برا مشى براحه براحه وقال بإستغراب: شجن!
مسحت دموعها بحركه سريعه بس هو شافها قعد جنبها وقال ليها: مالك قاعده في البرد دا؟
قالت ليهو بتوتر:ماف برد الجو حلو
عاين للسماء واتنهد وقال: م عارفك مالك ولا عارف ليه بتبكي ولا عارف ليه قاعده هنا بس انا حاسي بالانتي فيهو لانو ملاحظ ليك م بتحكي ويومك كلو نايمه مالك في شنو؟
سكت شويه وم جاهو رد طوالي نزل راسو وعاين ليها بعدو ابتسم بالجنبه وقال ليها: صح يمكن اكون اكبر منك ب5 سنوات بس اعتبريني اخوك
عاينت ليهو وقبلت منو سكت شويه وبعدها قالت : من وانا عمري10 سنوات حسيت بفقد امي شديد وحسيت بفقدها اكبر لمن ابوي جا داخل بمرتو بقيت بحاول ابين انو الموضوع م فارق معاي وفعلا حاولت بس م قدرت كنت دايماً بضعف لمن اشوف اخوي امجد طوالي ببكي وبحكي ليهو بس هو كان صغير وم بيكون متذكر انا قلت ليهو شنو او حتى م فاهم " ابتسمت ومسحت دموعها وواصلت" وقتها هتون م قصرت مننا وحتى احمد، بقول انو احمد ابوي وهتون امي، م محوجننا لشي نهائي، تعبو عشانا وخصوصاً احمد البقى يقرا عشان يمسك شغل ويصرف علينا، اي هو خالك كان بيرسل لينا قروش بس احمد كان لازم يثبت نفسو عشان كان كل م يجي احمد داخل بيديهو كف وكان بيسمع لتحريش مرتو وم بيسألو، وغير هتون الوقفت دراستها عشانا وتمسك البيت وكانت الام والاخت والصاحبه ونهائي م كنت بحس بفقد امي شايله منها كتير هي حتى بتشبهها ويوم ورا يوم كبرت وكنت متفوقه في المدرسه والحمدلله واخوي امجد نفس الشي،واخواني هاني ووسن كانو بيجونا وانا م كنت بطيقهم بقول عشان شالو ابوي مننا بس تاني لمن كبرت فهمت ووعرفت الكان في يدو يبعد مننا هو ابوي نفسو ابداً م اخواني بقيت احاول اتقبلهم بس م قدرت على امهم نهائي بشوفها كيف بتعامل هتون وكيف بتحرش ابوي على احمد حتى لمن تجي هنا بتسيطر، "اخدت نفس وواصلت تاني" بقيت بساهر بليل عشان انوم بالنهار لمن تكون هي في عشان اهرب من المشاكل واالذلل وسكت برضو وكنت كل يوم بجي بقعد هنا وبعاين للسماء ووببكي واحياناً بحكي، وهسي انا حكيت ليك وارتحت شديد 💙..
قصي عاين ليها ومسك يدها وضغط عليها وقال ليها: اعتبريني اخوك 💙.
ابتسمت ليهو بتوتر وبحركه سريعه سحبت يدها طوالي هو حس على نفسو قال ليها: ا.. اسف والله م قصدي
وقفت على حيلها وقالت ليهو: م مشكله ... يلا تصبح على خير💙..
ومشت وهو بعاين ليها وبعد مشت هو لسه بعاين للطريق المشت بيهو ابتسم وقال في سرو" قريب قريب ان شاء الله" ومسك يدو المسك بيها يدها وابتسم وقام مشى ونام وهو مبتسم وبيفكر في الحصل بينهم💙..
_____
انس بيكورك من الحمام : عزام عزاااام
جا طالع عزام من الهول ووقف بزهج وقال ليهو: خيير في شنو؟
