جا احمد داخل ابراهيم قال ليهو: تعال عايزك
مشى عليهو وقعد جنبو ابراهيم قال ليهو: طبعاً كنت في شهر العسل وكدا وم عارف بالحصل
عاين ليهو بإهتمام وقال ليهو: بالنسبه لشنو طيب
ابراهيم قال ليهو: شجن باقي ليها اسبوع ونازله السودان وهتون بعد دا هتجي وطبعاً عمتك اقبال نازله هنا خلاص وهتستقر هنا وقصي طلب يد شجن مني
وقف على حيلو وهو مخلوع قال ليهو:ابوي وافقت ليهو؟
حرك راسو احمد قال ليهو:ابوي شجن صغيره ع الكلام دا البت لسه قاصر!
ابراهيم قال ليهو: كدي انت اقعد افهم الحاصل شنو
قعد واتنهد بعدو ابراهيم قال ليهو: هيجو يعملو خطوبه ويمكن يعقدو عشان يقعدو هنا معانا عادي وبعد تخلص تالت هيعملو العرس
احمد قال ليهو: الكلام دا م هيحصل حتى لو خلصت تالت هتكون لسه قاصر يا ابوي
ابراهيم هاج فيهو وقال ليهو: شجن هتتزوج من قصي يا احمد
قال ليهو:ابوي انت واعي للبتقولو؟
ابراهيم نهرو وقال ليهو: قصدك شنو ياولد ها؟
وقف على حيلو وقال ليهو: الكلام دا م هيحصل ياابوي
ابراهيم هاج فيهو طوالي وقال ليهو: لمن اموت يا احمد يبقى تمشي كلمتك لكن طالما انا حي يبقى انا المسؤول من بناتي وم عندك دخل فيهم
احمد عاين ليهو مسافه وقال ليهو: بناتك ديل انت ربيتهم ؟
ابراهيم كورك فيهو وقال ليهو: ياولد احترم نفسك
قال ليهو: احترم نفسي؟ لا يعني بعد كبرتهم وعلمتهم وشفت العذاب بعيوني عشانهم جاي تتحكم فيهم هسي؟
ابراهيم عاين ليهو قوي وسكت احمد ضحك بالجنبه وقال ليهو: مش قلت بناتك؟ طيب بناتك يا ابوي بس لمن هتون تجيك مطلقه ولا شجن تموت بعدين بسبب الولاده م تلوم الا نفسك
وقام ومشى منو وهو زهجان دخل غرفتو لقى رنا ماف اتنهد وشال تلفونو واتصل ليها م ردت عليهو طوالي طلع ومشى ليهم في بيتهم خبط الباب فتح ليهو خالد اخوها فضلو وسلم عليهم وقال ليهم: معليش ياعمي ناجي عايز رنا
قال ليهو بإستغراب: مالكم انتو متشاكلين لا سمح الله؟
احمد قال ليهو: لالا بس مشتاقه ليكم هي ونزلت عندكم
ابتسم ناجي وقال ليهو: اتفضل ياولدي
احمد قام خبط الباب م جاهو رد طوالي دخل لقى رنا بتمسح في دموعها جا وقعد جنبها وهي زحت منو بعيد هو طوالي عرف انها خايفه سكت وم قال شي بعدو رنا قالت ليهو: طلقني
احمد رفع راسو وهو معصب وقال ليها: عشان تمشي لعادل صح؟
قالت ليهو ببرود: ممكن تقول كدا
