بعد جينا راجعين البيت عزام دخل غرفتو وانا دخلت غرفتي غيرت هدومي وطلعت الصاله برا لقيت عزام ماف عرفت بيكون في البلكونه طلعت ليهو برا قال لي: مش قلتي بتتخنقي منها؟
قلت ليهو: اي بس م يمنع اقعد معاك
قال لي: طيب
سكتنا شويه تاني قلت ليهو:عزام!
قال لي: احكي
قلت ليهو: انت هتمنعني انزل الجامعه؟
قال لي ببرود: وامنعك ليه وانا اصلا هأطلقك بعد شهور
عاينت ليهو وقلت ليهو: صح كلامك
ومشيت دخلت الغرفه واتنهدت وبقيت بفكر هل نحن بجد هنطلق ولا لا بعدو تلفوني اتصل وكانت شجن
قلت ليها: يا الصايعه وين انتي؟
قالت لي: انا وعمتي وقصي قلنا نطلع قبل نسافر
ضحكت وقلت ليها: استمتعي حبيبتي
قالت لي: هتون فيك شنو؟ حاساك متضايقه!
اتنهدت وقلت ليها: احمد ورنا حاصله بينهم مشكله ورنا في بيتهم وابت ترجع لأحمد
شجن قالت لي بإستغراب: مشكله شنو دي
حكيت ليها بعدها قالت لي: احمد ورنا م بيحبو بعض عشان كدا دا كلو حصل
حركت ليها راسي وقلت ليها: يبدو انو اخوك حباها يا شجن
قالت لي بخلعه: يحبها كيف في اقل من شهر!
قلت ليها: عادي يا شجن م مهم الزمن المهم حباها كيف وليه
عاينت لي بإستغراب وقالت لي: صح كلامك لانو انتي وعزام برضو م بتحبو بعض!
قلت ليها: بالظبط كدا حتى لو ماف حب المهم في تفاهم واحترام وتقدير وثقه في العلاقه فهمتي!
حركت راسها وقالت لي: فهمت عليك بس ان شاء الله هيرجعو
قلت ليها: ان شاء الله بس اخليهم كيف يتقابلو عشان يتفاهمو؟
قالت لي: امشي لأحمد وقولي ليهو كلام رنا بالحرف هوو ممكن يدبر طريقه ويقابلها
قلت ليها: ممكن برضو تاني الا امشي ليهم بعد بكره
قالت لي: ان شاء الله
قلت ليها: اها وانتي اخبارك شنو والقرايه كيف؟
قالت لي: تمام الحمدلله والله
قلت ليها: الحمدلله
قالت لي: يلا سلام بعد دا لحدي بكره
حركت ليها راسي وقفلت الخط بقيت لافه في الغرفه وماشه وجايه القعده غلبتني طلعت لقيت عزام ماف في الصاله ومشيت البلكونه برضو لقيتو ماف مشيت وقفت جنب غرفتو عايزه اخبط الباب اترددت قلت احسن ارجع عشان م يقول مالها الخفيفه دي قبلت عايزه امشي هو فتح الباب بقيت بسب لنفسي وضاغطه على اسناني قال لي: هتون؟
