قلت لأبوي: مالك يا ابوي في شنو؟ وابتهال مالها م في البيت؟ووين الاولاد؟
سكت مسافه وقال لي: والله يابتي م عارف اولادي عاملين كيف بس ابتهال دي بقت م مهتمه بيبتها وبتقول انا الما مهتمي!
م قدرت اقول ليهو شي بس كل القلتو: يفترض تصبر يا ابوي عشان اخواني ووجن لسه صغيره
ابوي قال لي: م بقدر اقعد معاها في بيت واحد بعد دا
هنا بجد غلبني الكلام وقلت اصلا ابوي م فارق معاهو نحن هيفرقو اولادو الصغار؟ استأذنت منو وطلعت قعدت برا فجأه لقيت احمد وعزام داخلين لأبوي استغربت ليه جا؟ م اشتغلت بيهو وقعدت في تلفوني بعدو بشويه جوني قصي وشجن وهم مبتسمين وبعاينو لبعض شكيت انها تكون قالت شي بقيت بعاين بس لحد م قصي دخل جوا قلت لأمجد: امشي لابوي يا أمجد.
امجد قام ومشى ليهو وانا قبلت على شجن وقلت ليها:الحاصل شنو ياببت؟
قالت لي: شنو هو؟
حدرت ليها وقلت ليها: م تقنعيني انو بسماتك الواضحه دي ونظراتكم المتبادله دي طبيعيه
سكتت شجن وقالت لي: قصي هيفتح معاك الموضوع وقال لي م افتحو انا
بقيت محتاره في البت دي وفي قصي زاتو الجماعه ديل مالهم قلت لشجن: لو موضوع يخص علاقتكم م هتنفع لأنك صغيره
شجن ضحكت وقالت لي: لا الموضوع م كدا انتي اصبري بس
عايزه ارد ليها جو طالعين احمد وعزام وقفو مع بعض شويه واتكلمو وبعدو عزام جا على جهتنا وسلم علينا حسيتو بعاين للخاتم الفي يدي ضميت يدي علي وغطيتها بكفي وعملت منو رايحه بحركتي دي هو استغرب عاين لي ومشى، قعدنا لحدي نهايه اليوم وماف شي حاصل بس الدكتتور قال لينا نطلع طوالي احمد جا ساق ابوي وامجد وشجن وانا وقصي بقينا قاعدين قصي قال لي:عايني ارح نمشي بركشه؟
سكت مسافه افكر تاني قلت ليهو: ارح طيب بس اتصل لاحمد وكلمو
فعلا كلمناه وركبنا ركشه واتحركنا على البيت، بعد وصلنا دخلنا وطبعا ابوي هيقعد معانا الفتره دي دخلناهو الغرفه بتاعتو واي زول مشى غرفتو وبقيت انا بس الحارساه عشان اديهو الدواء وارجع انوم لاني مرهقه بجد،ابوي قال لي:عارفه يا هتون بتشبهي امك شديد وشايله منها كتير
ابتسمت ليهو وقلت ليهو:الله يرحمها لو كانت عايشه م كان هيكون دا حالنا
ابوي قعد على حيلو وقال لي بإستغراب: وحالكم مالو هسي؟
مسكت دموعي وعاينت ليهو مسافه وهووساكت منتظرني اجاوب قلت ليهو: م حاسي بالنحن فيهو؟
ابوي حرك راسو بإستغراب: الانتو فيهو شنو؟
قلت لأبوي بأستهتار: لا ولا شي نحن كويسين "وابتسمت بالجنبه"
قال لي: مش القرار دا اخدتوهو براكم؟
