وتين: ماما ماما نوضي كان بتصلى الفجر اذن.
ام وتين: هاني نضت يا وتين بوك ناض ولا مزال
وتين: اي ناض قعدتي غير انتي
نجمة: خلى نمشي نتوضا هي
محمد: وتين نوضي خوتك يصلو ولا فالحين غير في سهر ونوم اربعه وعشرين ساعة الواحد باش بيقابل ربي
وتين: جاد جااد جااد نوض صلى
جاد: ه خليني نرقد منبيش نوض خلوني
وتين: صهيب نوض صلى الفجر اذن
صهيب: اني بنوض باهي
وتين: نوض خوتك تانين باش يصلو اني بنمشي نرقد
ساعة 7 صبح طبعا الحوش فيه ثلاثة وحدين نايضين بس الباقي راقدين قعدين
محمد: ماشي للعمل اني ما تبو شيء.
نجمة: نبو شوي خضرة لان اليوم خواتك بيجونا
محمد: باهي حاضر هيا سلام
نجمة: ربي يعاونك
وتين: ماما شنو لفطور اليوم بنديرو
نجمة: تو ندير اني لفطور سلم بنتي
وتين: تمام خلى نمشي اني نضم الحوش و نسيق الحمام ( اكرم الله وجهكم) وفجأة طاحت على ايدها
نجمة: لاحولا ولاقوة الابالله يا جاد نوض نوض
جااد: ها يا امي شن فيه خيركم على الصبح
نجمة: اختك طاحت هيا نرفعوها للمستشفى بسرعة
دكتور: صوره تقول ان يدك مكسورة ولازمها تجبيس
جبست وتين يدها و روحو للحوش
مع المغرب جو العمات والتمو في حوش خوههم محمد وقعدو يباركو لى صهيب بنجاحه ويلي تعطيه فلوس ويلي جايبتله هدية، جت عمتك نجمة جايبه سفرة العصير و شكلاطة وخذو العماات وتعشو وكملو وقعدو يهدرزو وخذو شاهي و كل وحده روحت لحوشها بعد يوم مليئ بلهدرزة الحلوه و ضحك.
ــــــــــــــــــــــــــــــــــــــــــــــــــــــــــــــــــــــ
انور: الو طارق صباح الخير خيرك يا راجل نتصل بيك البارح متردش شغلتني خيرك.
طارق: صباح النور غير بشويه عليا يا راجل البارح معنديش خلوق نحكي مع حد و روحت من مستشفى تعبان رقدت
انور: شني صار في موضوعك بنقلك حاجه يا صاحبي انسى موضوع يودي وفكك من المشاكل
طارق: مستحيل ناحيه من راسي يا اني يا هما و المستشفى بنرجعلها بنرجعلها غصبا عليهم و حا نحرقهم حرق و نوريهم لعب مع طارق كيف وبينا الايام يا صاحبي وتو تشوف.
انور: شكلك مصمم على موضوع يا صحيبي، المهم اني معاك و يلي تلبيه اني فيه.
نسرين: ها وينك مغيبه كان اني منتصلش بيك انتي متتصليش ولا كأنه عندك صديقة ولا تشوفيها عايشه او ميته.
وتين: هههه لالا يا غبيه ولله في بالي من عندي غيرك اني حبيبت قلبي غير ولله كنت مشغولة الفترة هذي و يدي انكسرت 🥺.
نسرين:: شنوو امت شني صارلك كيف كسرتيها وين عيونك.
( نسرين صديقة وتين وصديقتها من طفولة و اقرب حد ليها مواليد 2001 و متعلقين ليها هلباا)
وتين: لاسبوع لفات جبسته الحق و قلى دكتور شهر ولي مراجعه وبيشوفها، كنت نسيق وطحت كاتب.
نسرين: عادي حبيبتي تصير المهم انتي بخير ردي بالك على روحك وخوذي راحة الفترة هذي هههه 😂
وتين: اي رااحه من الاخير يا قليبي 😂، شني مدايره انت شني لقراية
نسرين: ماشه يا قلبي اهي قراية وتعب وماشه زيها زي اي يوم.
وتين: اممم اي نفس الوضع اسمعي تعالي يوم عندي نغيرو جو باهي.
نسرين: حاضر يا قلبي ان شاءلله.
وتين: ان شاءلله نتلاقو سلام
نسرين: تمام سلام حبيبتي.
ايهم: ها يا برو وين خيرك مش مبين ليك هلباا
حسام: تي هني وين بنمشي غير خدمة يا راجل وتعب انت لى وين.
ايهم: موجود هني غير دورني نبيك في موضوع
حسام: تمام نتلاقو احبيبي
وائل: امي امي وينك
نجمة: انعم خيرك شني فيك
وائل: امي اسمعي بنعرفك على المرأة
نجمة بكل عصبية: امشي من بحدايا فكني من دوتك بلا قدو امشي من بحدايا مخذيتش حتى للى اكبر منك.
وائل بسخرية: كان لكبار ميبوش اني نبي المهم كلميها هياا
نجمة: ناديلك محمد ناديهولك
وائل: هاني ماشي انتو ديما معصبين حرام الواحد يهدرز معاكم يا عليك حاله .
في الايام الجاية في هلبااا احداث مستنيتنا على ابطال روايتنا و شني بيصير معاهم،و ايهم شني يبي زعما من حسام هذا حا نعرفو في الايام الجايه ###
