...
...
....
في يوم كان الجو حلو و رايق و شارع كله كان فاضي كل حد كان لاهي في خدمتة و صغار كل واحد ماشي للمدرسة متعه،،،
محمد: اي اي فهمت عليك حاضر تو انا نشوف معارفي و نقلك و ان شاءلله نحصلو دكتور شاطر و كويس لان العملية مش ساهله لكن خليها عليه.
منير: ان شاءلله يا محمد و انا تو زاده نشوف و نقلك لو صارت معايا حاجه.
(منير صاحب محمد)
فوزي: آه محمد كيف حالك شني امورك
(فوزي يكون صاحب محمد)
محمد: ولله الحمدلله كويس و في نعمة انت كيف حالك وحال لعويلة.
فوزي: كويسن الحمدلله في نعمة.
محمد: ولله يا فوزي اني كلمتك بنقلك عندي صاحبي عنده مرته شكلها مريضة ومستحقة عملية مستعجلة و يبو دكتور كويس قلت خلى نشوفك انت معارفك هلبا
فوزي: ان شاءلله لاباس علها اي الحق عندي خالي دكتور شاطر وكويس تو نسأله ونشوفه و نرد عليك.
محمد: تمام بارك الله فيك.
فوزي: وفيك بارك الله.
وتين: اممم زعما شني لازم نكتب جاي على بالي هلباة افكار بس كيف بنسق لكلام ويطلع حلو مع بعضه تبي تفكير وقت.
جاد: وتين وتين امي وين مشت مخلتش عندك فلوس
وتين: امي عند خوالي مشت من ظهر لا مخلتش عندي.
جاد: بس كيف اني من بكري قتله خلي لفلوس عندك بيجي ولد بنعطيهمله لاحول الله.
صهيب: وتين تليفونك يرن
وتين: هذا ايهم، نعم ايهم.
ايهم: معاي الولد برا ديرينا قهوة وقولى لى وائل او صهيب يجيبها.
وتين: اوكي
دارت وتين القهوة والحلو و بعتتهم مع صهيب لى ايهم
ايهم: اسمع بتريس نبيك في موضوع وبنقولهولك
حسام: ان شاءلله خير شني فيه من امت انتي جدي معاي في هدرزه ههههه 😂
ايهم: تي اعقل شوي واسمعني ولا خليني نسكت
حسام: ادوي يا برو شني مني
ايهم: اني جاي من الباب و نبي نخطب اختك شني قلت
حسام: شرق بالقهوة كيف كيف تحكي بجديات انت ولا كيف.
ايهم: تو هذا موضوع يتحمل بصارة تبي او لا
حسام: بنسبة ليا ولله تشرفني صاحبي وخوي ومنتمناش اختي غير عند واحد زيك لكن خلى نشوفها هي ونشوف عيلة ونرد عليك.
ايهم: تمام نستنى فيك يا صحيبي.
محمد: وائل نادي وتين ترا
وائل: يا وتين بوك يبيك تعالى بسرعة.
وتين: جيت شنو فيه بابا.
محمد: هذا تحاليل وصور لى عمتك(.....) نبي نبعتهم لدكتور وهذا رقمه بكري بعتهولى فوزي ، كلمت دكتور وقلى ابعتهملى على واتس نشوفهم قبل
وتين: تمام نصورهم و نبعتهم من اي تليفون
محمد: ابعتيهم انتي من عندك على واتس و هذا رقم دكتور .
وتين: بس بابا كيف بنبعتهم من عندي اني...
محمد: هيا سلم بنتي انتي تفهمي في الامور هذي وتقري فيه هيا بسرعة.
وتين: تمام هات نصورهم ونبعتهم ، شنو اسمه دكتور.
محمد: طارق اسمه شني ووصلوه.
وتين: اي وصلوه بس حالياا مسكر نت هو.
وائل: اي عادي تو لما يفتح يشوفهم ويرد علينا.
صهيب: وتين ترا تعالى اعطيني رايك في صورة هذي.
وتين: ترا وريني حلوه وتجنن بس نقص في لاضاءة شوي باش متغطيش على الالوان متع صورة.
صهيب: هكي تقولى انتي، باهي خلى نقص فاها.
زياد: خيرك يا طارق سرحان من بكري.
(طبعا زياد خو طارق صغير 1990)
طارق: لا بس نستنى في واحد قريب فوزي بيبعتلى تحاليل وصور لمريضة بنطلع عليهم
زياد: اي تمام باهي شني رايك بعد ما نكملو خدمة اليوم نمشو نتعشو البرا مع شباب ومنه نغيرو جو.
طارق: عادي لازمتني اني تغيرت جو هذي اصلا، خلى نشوف كان راجل بعت تحاليل.
فتح طارق نت وشاف تحاليل وصور متع المريضة ولقاها تبي عملية مستعجلة بسرعة وبعت رسالة صوتية لى وتين بإعتباره رسائل كانو من رقمها انه لازم عملية مستعجلة و ميتأخروش باها اكثر من هكي، بس في نفس وقت استغرب انه رقم كان رقم بنت وصورة لحساب صورة بنت واضحه ابتسم ابتسامه خفيفه وسكر هاتف.
وتين: بابا دكتور بعت رسالة وقال لازم عملية مستعجلة
محمد: تو نكلمه ونقله عادي نجيبوها غدوا او لا
نجمة: دامه دكتور قال مستعجلة لازم يرفعاها بسرعة حتى اليوم خير ما تصبح من حاجه تولى حاجه تانية.
وتين: اي صح وتبي دكتور شاطر مش اي دكتور لان وضعه شوي صعب.
محمد: ان شاءلله خير وخلاص.
طارق: تمام يا عمي في اي وقت تحبو تجيبوها جيبوها و انا اخترت افضل دكاتر باش يديرولها عملية هذي.
محمد: مشكوور يا دكتور و ربي يكثر من امثالك غدوا ان شاءلله يكونو عندك.
اذن لعشاء و صلت وتين ولبست بيجامته و جهزت سريرها و بخت بارفانه، تقول ماشه لمقابلة مش بترقد 😂😂
و قرت اذكار نوم و كيف حطت راسها على لمخده لين جاها مسج و كان من دكتور طارق و كان مكتوب فيه
امت بتجيبو المريضة رغم انه بو وتين قال لدكتور انه حا يجيبوها غدوا، بس هو ليش بعت رسالة لى وتين؟
وتين: شني بنرد عليه اني تو هما قالو يمكن غدوا بيرفعوها بس ليش يسأل فيه اني غدوا بابا يكلمه اني مش حا نرد عليه، ورقدت وتين
ايمن: امت يا طارق بديرنا فرح وتتجوز ونشوفوك عريس عاد
زياد: خوي هذا مطول شكله بسكرهم لى الاربعين ههه 😂
انور: برسمي هههه 😂 خوك ناوي يقعد عزابي شكله
ايوب: خيركم يا جماعه عليه ولله إلا تريح من زواج و من همه ونكد متعه خليه يعيش حياته بطول و العرض لا مراة تنفخهملك لا عيل.
زياد: اشبح من يتكلم ماهو هو متزوج وجوه حلو وجاي ينكد فاها علينا.
انور: عمز لى زياد، طارق خيرك مش معانا لواخذ
عقلك 😂😂
زياد: يتهنى بيه. ههههههه 😂
كلهم قعدو يضحكو و يبصرو مع بعض وجوهم حلو لان ليهم هلبا صحاب متلاقوش.
في الايام الجايه زعما شن مستني ابطالنا و كيف حا يكون لقاء بينهم وفي هلبا مفاجأة تستنا فيهم استنونا في حلقات الجاية ######
