....
- أنت أقرب الناس إلى قلبي وأبعدهم عن نظري .
طارق: صباح الخير
انور: صباح النور والسرور، شكلك بايت تحلم بيه
طارق: اي ولله اسمع نبيك في موضوع ضروري تعالى عندي للمستشفى
انور: علاش ان شاءلله خير شني فيه ع صبح
طارق: خير خير غير تعالى و نقلك شني فيه
انور: باهي غير نوض ونشطب ومســافة طريق نكون عندك
طارق: تم نستــنـى فيــك
زعما وتين نايضه اكيد بتكون نايضــه عندها امتحانات وفي المعهد راهي خلى نتصل باها نشوفها وين..... شكلها في محاضرة نعاودلها بعدين..
وتيــن: دكتور ممكن توضح سؤال تاني يعني نكتبو استخدامات الادوية يعني جميع الاساخدامات او تبي استخدام واحد بس
دكتور: هما ليــهم هلبــا استخدامات بس اني نبي تكتبو على اقل استخدام واحد ويلي يعرف اكثر من استخدام يكتب
وتين: بس اني نبي نكتب كل الاستخدامات دكتور
دكتور: ابتسم اكتبيهم معناها
وتين: باهي دكتور تو سؤال لاثار الجانبية لى الاتروبين بنكتبهم الكل تمام
دكتور: اكتبيهم الكل يا وتين
صفاء: بس دكتور انت قلت استخدام واحد بس
دكتور: اي يلي حافظ استخدام واحد يكتبه ويلي يعرفهم الكل يكتيهم
صفاء: باهي دكتور مش حا تنقص درجاتنا
دكتور: لا، بس يلي بيكتبهم الكل زي وتين حا ياخذ درجة الاعمال مسكره.
خالد: دكتور مراد جي يا استاذه سوسن
سوسن: اي جي و هو حاليا في اجتماع مجلس الادارة
خالد: تمام، مشكورة يا استاذه
سوسن: العفو
المدير: يا دكتور مراد طالبة لقلت علها الواضح انها شاطره من درجاتها عندك الحق تبي دخلها في موضوع بعثة
مراد: اي ولانها طالبة شاطرة وذكية منبيش فرصة زي هذي تضيع منها ومتأكد انها قدها
المدير: ان شاءلله يكون حسن ظنك في مكانه، لان زي ما تعرف يا مراد بندخلوها بطريقة مش نظامية لانها مش طالبة طــب بـشـري
مراد: عارف و اني مقدر شيء هذا لدير فيــه و معروفك مستحــيل ننســاه
المدير: حتى انت جميلك سابق يا مراد
مراد: مش بينا يا مديرنا عاد
سهى: شني وتين اكيد مجاوبــه
وتين: اي فوتينا تو من الامتحان قوليلي شني صاير معاك امس بالي قعد عندك
سهى: قررت نفصل خطوبة
وتين: ليش ان شاءلله خير
سهى: اني مليت معادش فيه تفاهم بينا بكل وهو ضاغط عليه لدرجة لاتوصف نهائي تعبت منه انفصلنا
وتين: عندك الحق ياودي اني من المرة لفاتت قتلك انه لو موضوع استمر هكي مش حا ترتاحو مستقبلا في حياتكم، باهي انتي شني رايك متأكده من قرارك
سهى: اي متأكده، تعرفي انه شك فيه وقلى انك تخوني فيه اني كيف نقدر نكمل مع واحد كيف هكي
وتين: تبي نصيحتي صدقيني اهم شيء في اي علاقة سوا زواج او صداقة او غيره اهم شيء ثقة واهم من الحب ولو هو من تو هكي معناها مستقبلا كيف، بتواجهكم هلبا مشاكل ولو هو بعقلية هذي متع صغار مش حا تقدرو تحلوها وحا تعاني هلبا، هذا افضل قرار تاخذية يا سهى صدقيني
سهى: انفاصلى عليه القرار الصح بس مشكلة اني نحبه
وتين: بس فيه امور اهم من الحب، الحب بروحه مش حا يبني علاقة صحيحه وسليمة تاكدي
سهى: كلامك صح بس كيف نقدر ننساه كيف
وتين: تقدري حا تكون صعبة من البداية بس بعدين حا تتعودي وحا تشوفي روحك انك قدرتي تنسيه وتتجاوزيه
سهى: زعما يصير هكي يا وتين زعما نقدر نكون قوية
وتين: مسكت ايدين سهى اكيد انتي قوية وقوية فوق ما تتصوري بس لازم تخطي الخطوة الاولة باش تقدري تواجهي كل شيء بطريقة صح
سهى: وقلبي
وتين: القرارات يلي ناخذوها بعقلنا مش حا تكون غلط لان العقل يفكر بالمنطق و بلامور الصح كلها عكس القلب
سهى: لو جي يوم ومقدرتش ننسى و تمنيت نرجعو
وتين: القرارت يلي نتجوزوها بعقلنا مش لازم نرجعولها بعاطفتنا فهمتي يا سهى
سهى: يا ريت نقدر نكون زيك هكي واعية
وتين: صدقيني كلنا فينا حاجات حلوه ونتميزو بيها ع غيرنا بس مشكلتنا انه منعرفوهاش، انتي قوية وقدها ولله
سهى: اني قوية ونقدر نتجاوز الموضوع متاكده وحا تشوفي كيف
وتين: عارفه شيء هذا حتى اني.
..........................................
انور: شني موضوع مستعجل يا راجل خلعتني ع صبح
طارق: صبح مشيت للمحكمة وقدمت شكوى فيهم
انور: ناض شني شني شندرت يا راجل انت هكي دير في لمشاكل لروحك
طارق: اني تو درت وتم و القو القبض على عادل وجماعته وهما حاليا تحت تحقيق
