وسام: اوه مني عندنا دكتور طارق ليك وحشه
طارق: وسام وليك وحشات يا غالي كيف امورك
وسام: كويس و انت وين هالغيبة
طارق: ماشه وخلاص، قصة طويلة تو نحكيهالك بعدين ، اسمع بنسألك الحالة يلي اسمها وتين لداخل شني وضعها قولى
وسام: تعرفها
طارق: اي قريبتي
وسام: صايرلها انهيار عصبي حاد وتعبت هلبا وحاليا وضعها احسن تبي اهتمام وتنقيص توتر
طارق: كويس امت بتطلع
وسام: شوي تاني تطلع من وين تعرفها
طارق: قريبتي
وسام: ان شاء الله لاباس علها
طارق: ان شاء الله
طلعت ممرضة و وتين من غرفة تصوير و شافت وتين طارق بس كانت متبيش تحكي معاه نهائيا لانه كان حتى هو مشارك في الحالة لوصلتلها و كانت تبي تكون بعيده عليه
طارق: السلام عليكم
ممرضة: وعليكم السلام دكتور، كيف حالك
طارق: كويس الحمد لله و انتي
ممرضة: كويسه دكتور
طارق: بعد اذنك تقدري تخليني نهدرز شوي معاها
وتين: شافت للمرضة لالا اني تعبانه ونبي نمشي نرقد
طارق: مش مطول معاها شوي ونمشي وغمز للمرضة
ممرضة: تمام شوي ونجي نوصلها
طارق: تمام شكرا
وتين: بس اني ما نبيش نحكي معاك افهم
طارق: خلينا نهدرزو زي اثنين عاقلين واعين وبدون تعصيب
وتين: بس اني مانبيش نهدرز معاك اصلا كيف تبي تهدرز مع وحده تخلف بوعودها ومش صاحبة كلمة
طارق: حقك عليا ولله غلط سامحيني
وتين: اعتذارك بلا فايده اصلا تأخرت هلبا خليني
طارق: عارف انه مهما تأسفتلك مش حا نغير شي بس خلينا نبدو من جديد خلينا ننسو لصار اني غلطت و معترف بغلطي صدقيني تصرفت هكي لاني عشت اسوء ايام حياتي بعيد عليك
وتين: بس ع مااعتقد اني اعتذرتلك وقتلك سامحني وقتلك ظروف واهلى ظغطو عليه قتلك مش بقصدي بس انت ولا ع بالك عاملتني بطريقة حتي عدوك مستحيل تعامله هكي انت جرحتني
طارق: انتي الوحيده لمنقدش نجرحك انتي راك قلبي وروحي انتي كل حاجه حلوه في دنيتي
وتين: فرحت لما سمعت كلامه لانها تأكدت انه يحبها، بس ليحب مايتجاهلش يلي يحبه وقعمزت على الكرسي
طارق: جي قعمز جنبها وخلى بينهم كرسي، لما كنت في الحبس حسبت روحي خسرتك ومعادش بيجي اليوم لبنشوفك او بنسمع صوتك كان يخطر عليه انك تزوجتي وليتي لغيري مافيش يوم مر عليه إلا و اني نفكر فيك كنت ندعي اني ما نخسركش يلي عشته ماكانش اقل من يلي عشتيه كنت بين اربع حيوط حطي روحك مكاني
"أغرب سنه مرت عليا ، ومليون شعور حسيت بيه"
وتين: قعدو دموعها ينزلو بدون ولا كلمة
طارق: اني قتلك مرا ان عيونك غاليات عندي
وتين: وقتلك معناها متبكيهمش وقتلى حاضر بس يلي درته عكس تماما اني خسرت كل شيء حبيته في دنيا كل شيء انت حاجة وحيده لدعيت ربي ما يختبرنيش باها كنت ندعي في كل يوم و كنت ندعي في قيام ليل كنت نستنى في لمطر تنزل باش ندعي فاها لان دعاء فاها مستجاب بكيت لين جفو دموعي قلبي تعب تعب، اني جيت قتلك لو تبيني تعالى لى اهلى تعرف قداش كانت صعبة عليه كلمة هذي بس لاني ماكنتش نبي نخسرك ولا نعيش في عذاب ضمير قلتها بس انت قعدت ساكت قتلى شهادتك اهم بس ما قتليش اني نبيك فيه فرق اني ما وجعتكش بس انت وجعتني
