الكـــــــــاتبة يـــــــاقـوتــ ✨
أنّا عُروسة قَلبهِ المُؤجَلة إلى أن يَأذن الرَحَمن .
ـ هالمطر شو بيذكرني فيك .
موده: وتين وتين
وتين: نعم
موده: هيا نوضي وقت على المزين بسرعة وباش تفطري راهي مرات متاكليش بعدين
وتين: خلى نرقد شوي مرقدتش البارح
موده: وعلاش مرقدتيش ولا دكتورنا مخلاكش ترقدي وهو يدوي ليل كله
وتين: شوي بس ونوض
موده: نوضي تو، خيرك هيا جاد بيرفعك باش بيمشي يجيب شن ناقص للحفلة بسرعة
وتين: هاني نضت هاني نضت يا همي
موده: بسرعة ادخلى شطبي امورك وتعالى افطري وباش نمشو
وتين: امي وين
موده: مع بوك بكت بكري لن شبعت وبعدين خالاتي سكتوها وتو مشت لى خالي ناداها
وتين: كيف بنمشي ونخليهم ياربي
موده: مش تحبيه خلاص هاك بتمشيله ويفتكو منك
وتين: نوضي من بحدايا ع صبح
ايهم: اسمع جيب يلي قتلك عليه وماتتأخرش
وائل: باهي ، غير دنيا زحمه يا راجل
ايهم: باهي، لما تطلع من غادي كلمني
وائل: تم
جاد: وتين وين يا امي
نجمة: اهي بتجيك غير تفطر اصبر شوي
جاد: تمام ناداها لما تكمل باش بنمشو
مريم: حنتك تهبل يا وتين
وتين: عيونك الحلوه عمتي
مريم: لونها قنين وايديك صغار ورجليك طالعه عليك
نعيمة: اي والبودري امس زايد فاها نص واليوم في فيلو متأكده زادة بتتغير
مريم: اي ربي يهنيك ان شاء الله تستاهلي
وتين: شكارات لعروس ههههـ ان شاء الله يا عمتي سمحه
موده: زعما مني بيطلع احلا وتين او طارق
نعيمة: اكيد وتين بتطلع احلا
موده: لالا منضنيش طارق احلا منها قاعد واليوم بيزيد يحلو
وتين: بس انتي مني طلب رايك اصلا
موده: ههههـ نغرت
نجمة: هيا وتين سلم بنتي كان كملتي خوك يستنى
وتين: حضنتها، وقاعدت تبكي
مريم: مش كويس يا وتين
نعيمة: خلهم يبكو تو خير ما تبكي بعدين
قعدت وتين حاضنا امها وتبكي هي وياه لانه فراق اهلها كان صعب علها وهي يلي متعلقة بلحوش وبكل تفصيل فيه وبكل شخص في عيلتها اما محمد كان متجنب يشوف وتين اليوم لانه كان بيبكي لانها اميرة الحوش و غيابها واعر، بس مقدش يقاوم ومشالها وحضنها وخوتها نفس شيء ودمعه مافارقتهمش وكأنهم كأنو يودعو فاها الوداع لاخير وبعدها مشت وتين للمزين ومشت بسيارت وضرب رصاص و العاب نارية كان يوم لاينتسى.
طارق: تليفوني وين يا زياد
زياد: عند انور في سيارة
طارق: جيبهولى باهي
زياد: مالك ومال الهاتف تو خليك مقعمز على الكرسي لين يجي سامر باش يديرلك شعرك
طارق: غير جيبه يا راجل
زياد: تقدر مرت خوي تستنى لبعدين راهي
طارق: يا راجل اعرف شن تدوي
زياد: ما قلت شيء، خليك مقعمز
صهيب: تعالى حط الطاولات هني
نجمة: اسمعو طاولة لكبيرة خلوها جنبها بيقعمزو علها صاحباتها
صهيب: تمام
نجمة: وائل قاعد مجاش
صهيب: لا قاعد مجاش فيه حاجه امي
نجمة: لالا غير نشوف فيه وين
وتين: اي اني من ال،،،، وهو من جبل بس كان في طرابلس
سعاد: غريبه ولله شفتي نصيب وين يوصل
وتين: اي هذا ليسموه نصيب
سعاد: عن حب او معرفة اهل
وتين: خلينا نقولو حب
سعاد: ربي يتمملكم على خير ان شاء الله وتعيشو مرتاحين العمر كله
وتين: ان شاء الله اجمعين يا رب، و انتي من وين وهو من وين
سعاد: اني من هني صبراته وهو نفس شيء صغار خالة حني
وتين: حلو ربي يتمملكم على خير ان شاء الله
امير: اسمع بعتله صور لكن مسكر نت
سعد: اني شني قتلك يومها قتلك ابعتهمله من وقتها، راجل عرسه يعني راهي يجهزو فيه صحابه ومدايريله جو مش بيلهى بلهاتف تو
امير : بيشوف صور يعني بيشوفهم ضروري لازم نجيبو رقمه دبرها
سعد: قلك عليه شاد شركة اتصالات كيف بندبرها
امير: حاول يا راجل بلهي عليك مترخيش صاحبك تو
سعد: منين بنجيبه
امير: شوف حد عنده رقمه
سعد: كنشي بنشوف حسام لكن لو وصلت معلومة ونفضحت وقتها ندخل للحبس معادش نطلع
امير: ما تنفضحش اني وراك بعدين لما بتصير لفضيحه معادش بيلقو وقت باش يدورو منهي لبعتها هي
سعد: تو نشوف اصبر شوي
