الكاتبـــــــة يــــــاقــــوتــ ✨
"ماذا لو أتيتني متعباً ..!
لخبئتكك في غرفتي ، لجندت رموشي حرسـاً في ليلكك ، لأطعمتكك قوت قلبي وأشربتكك ماء عيوني ، لوضعت يدك في حضن يدي اليمنى وباليسرى أطبطب على كتفكك "أنـا هنـا".
لو أتيتني متعباً ، والله لن أردك خائباً"
محمد: باهي شني ناقص مزال قصدي نبي كل شيء كامل ومانبيشي اي عرس هذا عرس وتين و راس بنية ما تنقصها حاجه وكل شيء تبيه لازم ديروه
نجمة: دبش و شرت و مزال كسوة بتبدا فاهاو بتطلع تاخذها هي و اريام غدوا، باقي حاجات تانية كلها واتية و ذهب واتي يقعد فيلو وحجز عن مزين بس
محمد: وفيلو منين بتاخذه
نجمة: قعدة ماقررتش
محمد: يعني بتأجره
نجمة: اي كل يأجرو فيه
محمد: لالا بنشريهولها
نجمة: كيف وعلاش هو بتلبسه ليلة وحده علاش تاخذه بهديكا حسبه وبعدين معاد يلبسه حد
محمد: اني وتين نعرفها ومش حا تعرفاها اكثر مني وهي ديما كانت تقول زمان لما صغيرة نبي نشريه
نجمة: زمان لما صغيرة تو كبرت
محمد: اني بنحققلها امنيتها هذي بنشريهولها بعدين اني قداش عندي في دنيا هي راس مالي ولا تعبتني ولا شقتني في دنيا لاهي صغيرة ولا لما كبرت ونبي كل شيء تبيه تاخذه
"قيل في الاب هو ذاك الذي تطلب منه نجمتين فيعود حاملا السماء... "
نجمة: ربي يهديك
محمد: خلاص انتي قوليله غير يعجبك واحد قوليلي بس و اني تو ندفع حقه
نجمة: ان شاء الله
محمد: وحاجات تانية شني
نجمة: كله تام غير فيلو ومزين وكسوة بس
محمد: وزعما تلحقو تاخذوهم
نجمة: اي لحقو مزال شهر ونص وكنا نكملو ابكر من هكي غير هي لاهيه في الامتحانات
محمد: كله يجي كله يجي
انور: صباح الخير
وتين: صباح النور كيف حالك دكتور
انور: كويس يا وتين انتي شني صحتك
وتين: كويسه
انور: سمعت ان العرس قريب مبروك
وتين: الله يبارك فيك
انور: شني اليوم عندك امتحان
وتين: اي امتحان عملي وهذا الاخير وبعده نتيجه
انور: بتوفيق ان شاء الله مش طارق لدارهولك
وتين: لا هو قال بيتأخر هذا ليش خلى دكتور علاء يديرهولى
انور: وتين هو اني نبي نقولك موضوع لكن نبيك متنفعليش
وتين: بخوف شن فيه فيه حاجه
انور: مافي شيء متخافيش، اني منبيش نقلك لكن مافيش حل اخر و انتي لو سمحتي خليك هاديه واضح
وتين: قول شني فيه موضوع يخص طارق
انور: اي يخص طارق
وتين: بتوتر خيره
انور: شوفي طارق لتو قعد منحاش فكرة مستشفى من راسه والمرا هذي حاط راسه من راس اشخاص يخدمو في وزارة الصحة وناس هذم سلطتهم كبيرة وقوية وتعرفيهم انه كل مليشيات و فهمك كفاية و المرا هذي صدقيني لو انحبس معاد يطلع عمره كله ولو دفع مال دنيا كله
وتين: بس هو قالى انه معادش مهمه مستشفى ونسي موضوعها
انور: طارق اسنات «كلمة امازيغية معناها نعرفه» لو عند مستحيل يسمع كلام حد و اني منبيش نقول لى خوته لان عارف مستحيل يسمع كلام حد، لكن انتي يحبك ويخاف يخسرك حاولى تقنعي انه يبعد لانه يعرض في روحه للخطر
وتين: بس كيف شبدير لى يلي في وزارة هذم ناس شبيديرلهم
انور: عنده عليهم ادلة و ورق و اثباتات و محامية بتساعده
وتين: محامية يلي طلعاته من حبس
انور: اي
وتين: تو فهمت علاش كان يكلم فاها يومها تو فهمت آه منك يا طارق آه شن يلي دير فيه
انور: خلاص معناها تصرفي اقنعيه ديري اي شيء خلي يبعد عليهم لان ناس مسخه
وتين: تمام مستحيل ننسى معروفك هذا شكرا لانك قتلى
انور: طارق يهمنا زوز وهذا واجبي انتي وقفي بس
