صهيب: وتين شديري
وتين: شي كيف نضت ونفطر
صهيب: من امت انتي تنوضي متأخرة انتي
وتين: مش عارفه
صهيب: خيرك وتين في حد مزعلك
وتين: هاءه بس جوي من اول ما نضت مش كويس
صهيب: وعلاش صايرا معاك حاجه يعني
وتين: لالا غير مرات مرقدتش باهي
صهيب: تبي تقوليلي شي
وتين: لا مافي شيء
صهيب: عادي كان بتفضفضيلي راهي خوك
وتين: ضحكت عارفه انك خوي ولو فيه حاجه اكيد بنكد عليك انت
صهيب: انت الوحيده مسموحلك تنكدي بس غيرك لا
وتين: ههههه اي غير تتزوج وتو نشوف يقعد مسموحلي نكد او في من ياخذ مكاني
صهيب: لالا انت حبيبتي وقلبي وماحد ياخذ مكانك بكل
وتين: ان شاءلله تو نشوف
صهيب: تو اني نذكرك مع الايام، تعرفي انت شن بنسبة ليه
وتين: شن
صهيب: انتي شريان يلي يغذي في قلبي وجسمي وبدونه نموت انتي هكي يا وتين فاهمه
وتين: جت دمعه في عيونها تعرف انك اححلى خو في دنيا
صهيب: اي نعرف ولله
وتين: هههه كذاب
احلـــى حاجه في الدنيا يكون عندك اخ حنون يحبك اخ مستحيل يخليك مهما صار حا يقعد واقف جنبك خوك يلي لما تلف بيك دنيا يعرف كيف يدسك بين ايديه.
صهيب: اني بنمشي تو تبي شي
وتين: ســلامتك بس
صهيب: تم
وتين: ليش تليفونه مقفل ونت مسكر ليه اسبوع شني فيه يا رب شني صاير معاه من بنكلم مانعرف حد من عيلته غير عمي فوزي و ما اعتقدش يعرف، وينك يا طارق وينك استحشتك زعما زعل مني لاني قتله بندير مقابلة، بس كنت بنشوف شبدير مش قصدي، بس هو كيف بيعرف معادش كلمني من وقتها خايفه وحاسه قلبي مخنوق حاسه فيه شيء هو مش بخير اني عارفه
فكرة وجودك بالرغم من كل هذه المسافات
مطمئنة صدقني المهم وجودك .
علي: يعني يا حضرة المحامية مافيش حل او كيف
محامية: استاذ علي قصة معقدة و متشابكة وتبي وقت
زياد: بس قداش باهي نقدرو نشوفوه
محامية: شوفو قصة وصلت لنائب العام و نيابة مافيش لحد لان اي دليل باش يدنوه بيه او يثبتو التهمه الموجه ليه، بس تحقيق مستمرر لين يتوصل لنتيجة ما
علي: في حال ملقوش اي دليل شني يصير
محامية: في الحاله هذي حا يطلقو سراحه بسبب عدم كفاية الادلة او بمعنى اصح تهمة ما ثبتتش عليه
زياد: وفي احتمال انه يلقو ضده شي
محامية: شي هذا يعتمد عليه وهل فعلا هو قام بعملية اختلاس مثلا او لا، بس يلي يطمن للان انه مافيش شيء ضده كله مجرد كلام و ادعائات
علي: باهي ما نقدروش نشوفوه
محامية: مع الاسف هو حاليا محبوس عند ردع وانكم تشوفوه شيء مستحيل لين يتم تحقيق
زياد: و انتي تقدري تشوفيه
محامية: طبعا بإعتباره موكلي
....
سهى: ماما
مها: نعم خيرك يا بنيتي عيونك حمر شني فيه
سهى: اني فصلت معاه
مها: نصيب حد ما ياخذه حد يا بنيتي
سهى: عارفه بس قلت نقلك
مها: تعالي سلم بنيتي تعالى لحضن امك
سهى:: هو خلاني ندير هكي يا امي هو تصرفاته خلت كل شيء يخرب هو وقعدت تبكي
مها: خلاص يا بنيتي هدي من روحك مش باهي مافيشي خير ليك ربي يعوضك بخير منه معادش ديري في روحك هكي تصيرلك بعد الحاجات
سهى: بس قلبي يا امي قلبي مش قادرة نتحمل اكثر
مها: عارفه القلب كان تكسر يبي وقت باش يصلح و لوجيعه مع الوقت تخف وكله يمر ويقعد غير ذكره، مش كل شيء نحبوه يا بنتي فيه خير لينا أحياناً الشر في يلي نحبوه
سهى: بس قلبي ميفهمش في لكلام هذا
مها: مش مهم يفهم تو، المهم انتي تفهمي وباقي يتصلح بعدين يلزمك تكوني قوية وعاقلة باش مديريش شيء غلط
سهى: هكي تقولى امي
مها: اي اني عشت وجربت وفاهمه لتحسي فيه
سهى: انتي مش زعلانه لاني فصلت خطبة
مها: لا، راحتك و نفسيتك و ضحكتك اهم من كل شي
سهى: حطت راسها في حضن امها، نحبك يا امي ربي يخليك ليا يا رب
الام لازم تكون دائما نقطة قوة لصغارها ولازم تكون عاقله وواعية ومتفهمه وتعرف تتصرف في المواقف يلي تطلب حكمة يلزم الام تكون قوية باش صغارها يكونو هكي.
وتين: يا رب يا رب انت تعرف اني مهما خطيت اني نحبك وما عمري قصدت ندير ذنب بقصد يا رب خسرت كل شيء حبيته في دنيا يا رب احلامي وكل شيء ضاعو مني متخلينيش نخسر اخر امنية قعدتلى يارب انت رحمان ارحمني يا رب لو هو اختبار فا رحمتك اوسعلي ولو هو بلاء فا انت رحيم فا ارحمني يا رب.
زعمااا طارق ليش اختفي فجأة وليش معاد بين ومني المحامية يلي كانت مع علي و زياد و قضية شنو يلي كانو يحكو عليها، و وتين شني قالت لى طارق باش زعل منها ومكلمهاش و وتين من شنو خايفه بظبط؟
