بعــد مــَرور سنـــَة؛
خلينا نسرعو الاحداث شوي
طبعا مرت سنة كاملة كانت عادية للبعض و كانت حلوه للبعض طبعا كان المفروض في سنة هذي يصير عرس ايهم و اريام بس بسب ظروف هلبا تأجل العرس، وتين كملت سيم الخامس ونجحت ممتاز وكانت الاولى ع ددفعة وحاليا هي في المشروع «تدريب ميداني» اما بنسبة لى طارق فا متغير شيء وقعد تحت ذمة تحقيق وباقي شخصيات الوضع نفس ماهو
السنة هذي كانت اصعب سنة تمر على وتين..
محامية: الو معاي الاستاذ علي
علي: اي تفضلي ان شاءلله خير
محامية: اسفه على الازعاج بس حبيبت نطمنكم ان امس كانت محكمة طارق و نيابة اطلقت سراحه وتمت تبريئته من تهم الموجه ليه
علي: الحمدلله يا رب بس مقلتيش ان محاكمة امس معندناش علم
محامية: بصراحة حتى اني تفاجأت زيك وجت فجأه اتصلو بيه وقالولى انه محاكمة يوم لاثنين و ما كنتش عندي فرصة نحكيلكم لاني نشغلت بتحضيرات للمحكمة
علي: عادي ولايهمك مشكورة هلباا يا استاذة وجزاك الله خير باهي امت بيطلع من الحبس
محامية: اليوم بإذن بيطلع الوراق كملناهم و لافراج اليوم
علي: تمام مشكورة
محامية: تقدرو تجو اليوم للمحكمة
علي: اكيد اكيد بنجو ان شاءلله
محامية: تمام
مريم: شني فيه يا علي ان شاءلله خير مني يكلم فيك ع الصبح
علي: محامية طارق وقتلى افرجو عليه
مريم: الحمدلله يا رب و اخير ربي استجاب لدعواتنا
علي: اي ولله سنة شني فوتها بلاها، اني تو بنمشي باش بنجيبه اني و زياد خلى نكلمه
مريم: خلى نمشي نقولهم عمكم بيطلع اليوم
زياد: صباح الخير علي
علي: صباح النور ، اسمع كلمتني تو محامية وقتلى محكمة طارق امس و افرجو عليه واليون بيطلع
زياد: اي كلمني البارح وقلى
علي: وعلاش مقتليش من البارح يا راجل
زياد: قلت صباح رباح هو البارح هو الصبح
علي: باهي هيا سقد روحك بنمشوله بنجيبوه
زياد: واتي اني هيا
مريم: معتصم، معتصم
معتصم: انعم امي
مريم: عمك افرجو عليه اليوم وبوك و زياد بيمشو يجيبوه
معتصم: لوح لغطا وناض افرجو عليه امت امت افرجو
مريم: امس واليوم بيطلعوه سقد روحك كان بتمشي مع بوك
معتصم: قوليله يستنى خلى نغسل وجهي ونشطب
مريم: باهي
ابتهال: ماما يعني عمي اليوم بيجينا خلاص بيطلع
مريم: اي خلاص بيطلع هيا سقدي عاونيني باش نوتو لان اكيد ناس بتجي لما تسمع عمك طلع
ابتهال: ودموع عبو عيونها وبدت تبكي و اخيرا عمي بيطلع و اخيرا بيرجعنا، طبعا علاقة طارق بصغار خوه علي كانت علاقة قوية وحلوه وبالاخص معتصم و ابتهال و ريم اختها.
معتصم: خلى نقول لى وتين الخبر هذا اكيد بطير من الفرحه، بس شكلها راقدة بس مش من عوايدها تقعد راقدة خيرها متردش على هاتفها
محمد: وتين وين يا نجمة
نجمة: مشت للمستشفى تدريب اليوم
محمد: اي حقه نسيت بس ماحسيتش باها الصبح لما طلعت
نجمة: حتى اني، و طلعت بلا ما تفطر
محمد: وضعها مش عاجبني بكل
نجمة: حتى اني مرات غير من تدريب في مستشفى تقعد واقفه من 8 صبح لى 4 عصر
محمد: مش عارف خايف تطلع فاها بعض الحاجات ضعفت هلبا حتى ايام القراية مش هكي
نجمة: بعيد الشر علها، علاش تفاول علها
محمد: مش نفاول لكن وضعها ميطمنش تبي معاينه
نجمة: تو نقلها تعاين في شورها
سهى: وتين وين مشيتي من بكري ندورو عليك
وتين: كنت مع دكتور نشوفو في الحالات بعد عملية و درلى امتحان شفوي على الحالات
سهى: بلهي شني، وشني صار معاك جوبتي
وتين: اي جوبت قعدلى سؤال مش عارفه من وين جابه بس حليته حسب فهمي
سهى: كويس الحمد لله، معناها مزال دورنا خايفه اني
لمياء: امتحان فجأة و شفوي ياودي شني فرقت ع ايام لقراية بلهي
سهى: فرقت دكاترتنا واسئلتهم الساهلا هههه
لمياء: ماريتلها ساهلا كلهم زي بعض هما و امتحانتهم
وتين: متخافوش ركزو بس، اني تو بنمشي بناخذ في كافتيريا ميه و نجي
لمياء: فيك حاجه وتين وجهك اصفر حاله
وتين: لالا مافي شيء بس تعبانه شوي
سهى: بس وضعك مش عاجبني يا وتين
وتين: اموري تمام امشو لدكتور في العناية احسن ما يبهدلكم واني تو نجي
سهى ولمياء: تمام
وتين: حاسه راسي بينفجر يا ربي و روحي بتطلع اوف
هبه: اصلا لان بعد عليه وقرر يخليني على طول انحبس اصلا من يومت ما بعد عليه لمشاكل في جرته
نورس: بس هو طلع من الحبس ليه 4 أيام وبريئ
هبه: اي نعرف ولاني نبي نشوفه و نباركله بطلوعه من الحبس بالك يحن قلبه عليه
نورس: بس شني يضمن انه بيجي اليوم للمستشفى
هبه: هو انسان يحب الخدم هلباا لدرجة يخدم ليل نهار يمكن يجي، بعدين منقدرش نمشيله في الجبل وهو مش في طرابلس حاليا
نورس: باهي خلينا نسألو استعلامات عليه جي او لا
هبه: تمام هي تعالى
وتين: يا راسي معادش قادرة نمشي آه
ممرضة: جت لى وتين شافته دايخه وتعبانه، فيك حاجه اختي
وتين: دايخه وحاسه راسي بيتفجر و مش قادرة نتنفس
ممرضة: تمام تعالى قعمزي هني على الكرسي خلى نجيبلك ميه و ناادي لدكتور
وتين: تمام
هبه: صباح الخير
موظفة: صباح النور تفضلي اختي
هبه: بنسألك دكتور طارق....... جي
وتين: طارق كأني سمعتها قالت طارق بس طارق من قالت مسمعتهاش كويس معقولة طارق نفسه
موظفة: لا، مجاش
هبه: تمام مشكورة
نورس: قتلك مستحيل يجي
هبه: وش دراني اني
ممرضة: تفضلي اختي ميه دكتورة جايه
وتين: شكرا، بس ممكن سؤال
ممرضة: تفضلي
وتين: في مستشفى فيه دكتور اسمه طارق دكتور جراحه تعرفيه
ممرضة: لا، ليا تقرييا سنة هني مافيش دكتور بأسم هذا يخدم جراح
وتين: بس تو في وحده كانت تسال علي دكتور اسمه طارق
ممرضة: اي فيه دكتور اسمه طارق هنيا لكن مش جراحه دكتور عيون
وتين: تمام يمكن تلخبط
ممرضة: عادي
وتين: في قلبها من كثر ما نفكر فيك بديت نسمع في اسمك في كل مكان تعبت امت بترجعلي.
دكتورة: وينها الحالة
ممرضة: هذي
دكتورة: اهلين كيف وضعك تو
وتين: حاسه روحي دايخه و راسي بينفجر ومش قادرة نتنفس
دكتورة: دخليها للغرفة خلى نقيس ظغطها
ممرضة: تمام، هيا معاي
وتين: تمام شكرا اسفه لاني تعبتك معاي
ممرضة: ولايهمك واجبي
دكتورة: يا وتين ظغطك نازل هلباا ولازم نديرلك تحاليل باش نقدر نشخص وضعك تمام لانك تشكي بى راسي
وتين: تمام دكتورة نديرهم يوم تاني
دكتورة: كليتي حاجه يا وتين او لا
وتين: لا ماكليت وما. شربت شي
دكتورة: تمام، حا نقول للمرضة تسحب منك دم ونديرو تحاليل
وتين: تمام
ايهم: جاد وتين روحت او مزال
جاد: مزال مروحتش
ايهم: باهي، امي وين
جاد: راقدة
ايهم: وخوتك
جاد: واحد في كلية واحد في ثانوية
ايهم: باهي، اني بنمشي لطرابلس مع هيثم
جاد: باهي
علي: مش قتلك قبل ابعد على طريق هذي راهي تجيب لروحك في لمشاكل وقتها ما سمعتش كلامي
طارق: صار لصار المهم طلعت وهم مازالو محبوسين
زياد: حكمو عليهم حسب ما سمعت
علي: هذي قصة ومعادش نبي نسمع باها كل شي انتهي خلاص ياسرنا قعدنا من محامي لمحامي ومحاكم
طارق: سامحني يا خوي خليتك تتعب في جرتي
علي: غير طلعت انت بخير هذا ما نبي وتعب تو ينتسى
ابتهال: عمي ولله استحشتك هلباااااااا
طارق: هههه حبيبت عمها، طايحه فاها مناشير وستوريات عليه
ابتهال: قداش عندي عم اني
زياد: احم احم احم
ابتهال و طارق: هههههه
ريم: حتى انت عمنا ونحبوك هلباا انت وعمامنا لاخرين بس عمي طارق غير
طارق: صح اني غير الكل، عصومة وين
مريم: كان هني قبل شوي بالك جاه حد
معتصم: وينك مغيبه نتصل بيك خيرك مترديش سحبتك متي
وتين: لا غير معنديش نت، و رصيد حتى هو شفت مكالماتك بس مالقيتش كيف نتصل
معتصم: قصدك مسمعتيش؟
وتين: باش بنسمع في حاجه
معتصم: ما سمعتي شي ع عمي قصدك
وتين: لا ما سمعت شي شني صايرله قول فيه حاجه خوفتني احكي
معتصم: لا ما في شي، بس هو طلع من حبس
وتين: طلع امت طلع باهي مسمعتش
معتصم: ليه تو خمسه ايام طالع
وتين: بصدمة خمسة ايام طالع
معتصم: اي هذا علاش كنت نتصل بيك بنقلك لكن مردتيش، قلت يمكن عمي كلمها وقلها
وتين: بحزن لا مكلمنيش بكل
معتصم: غريبه
وتين: هو وين تو
معتصم: عندنا في حوشنا يهدرز هو وبوي و عمي زياد و ابتهال و ريم و امي
وتين: حست انها متعنيلاش بكل، اها حلو بكل ربي يدوم لمة
معتصم: حس بحزن وتين، ع خاطر زحمه وناس ماشه جايه هذا علاش مرات ملقاش كيف يكلمك
وتين: لالا عادي المهم طلع باقي مش مهم
معتصم: نقله يكلمك
وتين: لالا رد بالك تجيب سيرتي ليه لو سمحت يا عصومة
معتصم: تمام
وتين: اني بنمشي ندير لعشي و انت برا كمل هدرزة معاهم
معتصم: تمام متزعليش روحك اختي سمحه باهي
وتين: مستحيل نزعل و عندي خو زيك.
معقولة بعد الانتظار هذا كله وفي الاخير نساني مقالش حتى نبعت رسالة اكيد يكون مشغول بالها طول الفترة لمرت معقولة طلعت منعنيلاش مستحيل.
قعدت وتين تبكي و دموعها ما كفوش ولا كأنه سنة كاملة كانت تبكي فاها مرات حتى دموع متقدرش تخفف الوجع يلي نحسو فيه.
