محمد: صباح الخير
وتين: صباح النور
محمد: شديري وتينتي
وتين: نفطر بابا
محمد: شني اليوم معندكش مستشفى
وتين: عندي بس صاحب باص امه مريضه وقال بيرفعا يعاينه مش جاي
محمد: وصاحباتك حتى هما مش ماشيات
وتين: في يلي بيرفعها بوها وفي لخوها وفي يلي مش ماشيه
محمد: وعلاش مقلتليش من امس
وتين: قلت لجاد قلى سيارة واقفه ، و انت عمل هوا يوم عادي كان ممشيتش بعدين معنديش امتحان، في خاطرها على اقل مانشوفاش باش جو ما يتعكرش
محمد: لا ما يجيش هيا نوضي البسي تو نرفعك
وتين: بس بعيد وبنروح متأخرة و انت عمل
محمد: عادي هو يوم ميأثرش احسن ما تضيع قرايتك هيا
وتين: تمام خلى نلبس
سهى: شكله وتين مش جايه
امل: اي الواضح صحه ليها راهي راقدة تحت بطانية في دفئ
لمياء: اي صحه ليها ياريتني ماجيتش زيها
هدى: مأعتقدش وتين تغيب، اصلا قريب يوصلو دكاترا وبنبدو
دكتور: صباح الخير
لبنات: صباح النور
دكتور: جاهزين هيا خلى نبدو
لمياء: جاهزين دكتور
دكتور: تمام هيا الحقوني
امل: اوف خيره مستعجل
سهى: قال الحقوني قال قداشه نفاخ
هدى: تو يسمعك تو يوريك نفاخ شني
هبه: لو سمحتي دكتور طارق موجود
ممرضة: اي كيف بيدخل العمليات
هبه: وين هو تو بظبط
ممرضة: في قسم الجراحة
ابتسام: يعني انت بدربها
طارق: اي مفروض تدرب مع دفعة تانيه بس لان وضعهاا غير
ابتسام: هي مش حا تعبك هلبا انت غير ركزلها على حاجات مهمة وحا تكون امورها تمام
طارق: ان شاء الله، والطلبة يلي دربي فيهم بيحضرو عملية اليوم
ابتسام: اي بيحضرو
طارق: كويس، نتلاقو بعد عملية
ابتسام: امت بتبدا عملية حالتك؟
طارق: مزال بعد ساعة، و انتي؟
ابتسام: تو بتبدا
طارق: نتلاقو ان شاءلله
ابتسام: ان شاءلله
ممرضة: دكتور في وحده تبي تشوفك
طارق: مني
ممرضة: منعرفهاش
طارق: تمام تو نشوفها، وطلع
ابتسام: ممكن تقولى لطلبة يلي برا يدخلو
ممرضة: تمام
طارق: الواضح انك مفهمتيش شني قلت لمرا لفاتت
هبه: اني ما نبي نفهم شيء نبيك انت تفهمني
طارق: حني في مستشفى مش في شارع وطي صوتك واطلعي من هني وبلا ما تعصبيني
هبه: اعطيني فرصة لو سمحت
طارق: خليك بعيده عليه احسن عندي عملية ومش فاضيلك
هبه: باهي خلينا نحكو بعدين نتصل بيك او نستناك
طارق: متخلينيش نمشي لى اهلك ونقلهم عليك بالك يعرفو يشدوك
هبه: اني مش حا نمشي من حياتك فاهم، لانك بتندم كان مشيت
طارق: عمري ما ندمت على شي درته، و دخل
ابتسام: وين وتين مش موجوده
رؤيا: الباص مجاش و هي مش جايه
ابتسام: ان شاءلله خير، هيا تعالو، وبديت عملية
محمد: شني يا وتين مزال الوقت او تأخرنا
وتين: تأخرنا شوي لكن نلحق
محمد: كويس اني بنستناك لما تكملي اتصلى بيه
وتين: حاضر
و دخلت وتين بسرعة لان وقت فات وصلت متأخره وقعدت تسأل على ابتسام في اي غرفة عمليات موجوده
وبعد تدوير طويل لقتهم
وتين: اسفه دكتور جيت متأخر الباص مجاش
ابتسام: قالولى، المشكله ان بدينا من بكري يا وتين ومرحلة تخذير لاولى فاتتك وقريب تم عملية
وتين: مافيش حل دكتورة هذي اول عملية مانبيش تضيع عليه
ابتسام: بإذن الله متضيعش غرفة تانية قاعدين ما بدوش تقريباا حا نقول لدكتور يخليك تحضري معاه ويشرحلك
وتين: تمام وين عملية ومني دكتور
ابتسام: استنى حا نمشي معاك، الحاله عندك دكتور محمد شوي ونجي
محمد: تمام
ابتسام: تعالى يا وتين
وتين: العملية التانية نفس العملية يلي كنتو ديرو فاها
ابتسام: لا، عملية يلي بتحضرها على قلب
وتين: اي احسن
ابتسام: دكتور اشرف هني
ممرضة: لا قاعد في عناية قريب يجي
ابتسام: و طارق هنيا
ممرضة: اي في غرفة عمليات يحكي مع طاقم عمليات
وتين: في خاطرها مش معقولة معاه هو، شني هالحاله هذي شني جابني اصلا اني استغفرالله
ابتسام: دكتور طارق لحظة
طارق: نعم دكتورة، وشاف لقي وتين معاها
ابتسام: شوف يا طارق وتين تاخرت ومحضرتش العملية وما نبيش تضيع عليها فا نباها تحضر معاكم و تخلى اشرف يدربه اليوم تقدر
طارق: عيب عليك دكتورة اكيد نقدر و تحضر معانا و تو نكلم اشرف ولايهمك في الحفظ والصون طالبتك
ابتسام: تمام مشكور هلبا يا طارق، وتين احضري اليوم هني ومحاضرة جايه راهي بنسألك فا ركزي
وتين: حاضر دكتورة
ابتسام: قبل ما تروحي يا وتين مري عليه نتائج تحاليك طلعت ونبيك
طارق: تحاليل شني، لاباس
ابتسام: لا غير كانت مريضة شوي و طلبت منها تحاليل
وتين: تمام دكتورة تو نجي، وهي تمتم لازم يدخل في كل شي
