ايهم: تمام في حاجه تانية ناقصة معادش فيه وقت راهي للعرس
نجمة: بقولى معاد ناقص شي غير تجي وتين وتو نسألها
ايهم: وتين وين
نجمة: مشت مع جاد بيجيبو عصير ومش عارفه شن تاني
ايهم: تمام لما تروح تو نشوفها
اريام: حجزت ع عصير والحلو وقررت بنجيب شركة تنسق كل شي مانبيش تعب لان اصلا مافيش حد بيلهى بهذا كله
سارة: اي حتى اني راي هكي وبعدين هكي نكملو ونجهزو اسرع
اريام: والصالة بندفعلهم الفلوس مسبقا قبل و تكملة يوم حفلة
سارة: اي قلت لعميمه وهي قالت غدوا بترفعلهم لفلوس انتي معادش تفكري في شيء غير كيف بتطلعي بس الباقي خليه علينا
اريام: كيف بنطلع زعما!
سارة: شدت خدود اريام اكيد بتطلع تجنني انتي هكي وحلو فا كيف لما بتلبسي الفيلو وتمكيجي تي بتخلي لعيون كلها عليك
اريام: ههه زعما هكي تقولى مش تجاملي فيه
سارة: اي زي ما نقلك حبيبتي تو تشوفي
جاد: شني مازال مخذيناشي
وتين: خلاص خذينا كل شيء قعدت حاجات يلي بنعطوهم يوم كسوة وهذم بناخذهم في العرس والحار حتى هو
جاد: باهي و انتي خذيتي شني بتلبسي
وتين: لا معنديش نية ناخذ بعدين عندي ليش نشري
جاد: لا بتاخذي لا عندك لا معندكش
وتين: بس مجبتش معاي فلوس اليوم تو ناخذ مرة تانية
جاد: العرس اسبوع جاي امت بتلحقي بلهي اني عندي فلوس هيا نمشو نشرو و ناخذو شني ناكلو ونروحو
وتين: امم تمام وين بنمشو
جاد: انتي منين تبي امري و اني نفذ
وتين: في محل حلو القدام ناخذو منه
جاد: تم يا عيوني قداش عندي اني اخت، غير اصبري خلى نحط اعنية
وتين: بس تعرفني ما نسمعش في الاغاني اني
جاد: بس اني بناخذ ذنوبهم ولايهمك انتي صوري بس
ابتهال: اي ولله زي ما نحكيلك يا عمي كانت كل يوم تسأل عليك وتستنى امت تطلع بس هي قتلى ما تقوليلاش لو طلع
طارق: علاش؟
ابتهال: مش عارفه بس تبي الحق يا عمي شكله تبيك
طارق: آه و انتي مني قلك
ابتهال: تصرفاتها يعني لو ما تحبكش مثلا علاش بتقعد كل يوم تسأل عليك وتستنى فيك سنة تامه
طارق: ضحك مش عارف، المهم قوليلي قرايتك شني
ابتهال: تقلب في الموضوع زبطك يا خطير
طارق: هههه تكلمي في عمك راهي مش حد اخر تحشمي شوي
ابتهال: عادي عمو حبيبي من عندي غيرك اني ترا قول
طارق: هههه حبيبت عمها حتى اني من عندي غيرك في دنيا
ابتهال: اني بس بس ماعندك حد راهي ما تفكرش تحب حد اكثر مني
طارق: ههههه باهي مستحيل نفكر اصلا
جاد: اسمعي نحس فيه هذا مش حلو هلبا
وتين: حتى اني بس شوف هذا تعالى يجنن
جاد: بس كأنه من هني مفتوح هلبا معقولة بتلبسيه لالا هذا لا
وتين: شني لا هذي بنلبسه داخل قلك عليه بنطلع بيه لشارع بعدين فتحه جايا في نهاية قفطان حلوه
جاد: تو انتم علاش تحبو تلبسو هكي
وتين: ماعنديش جواب على هذا سؤال، بس اسأل عليه بكم
جاد: لو سمحت هذا بكم
صاحب المحل: ب 850
وتين: اوبس غالي كأنه
جاد: يودي حقه حتى هو شكله حلو
وتين: قبل شوي كان مش عاجبك
جاد: عجبني يا ودي، شوف خوي نزلهونا بناخذوه
وتين: بس غالي شوي
جاد: و انتي ما يغلاش عليك شيء
