أٌمْــنِيَــــتِي 🥺✨ (روايات ليبية)

و ما من دواءٍ لِقلبيَّ إلَّا أنتَ

الكاتـــــــبة ياقــــــــوتـــ ✨

‏ "كانـت دائماً تبتسم رغم الضياع الذي بعينيها ورغم الخوف الذي بقلبها كانت ثابتة للحد الذي لايطـاق 💭💜"

محمد: مش عارف داخت فجأة و جبناها للعيادة ونستنو في دكتور يطلع يقولنا خيرها
جمال: باهي من مشي معاكم
محمد: اني و نجمة
جمال: اني هاني جاي مسافة طريق ونكون عندكم وقولى شني يصير
محمد: لالا مش لازم تجي خليك هنيني غادي
جمال: باهي قلى شني يصير معاك
وائل: باهي ارفعنا معاك يا جاد لى وتين نشوفها خيرها
جاد: علاش العيلة الكلها في مستشفى تو، هي دايخه بس خلى نمشي نشوف خيرها ونقلكم
صهيب: باهي كان صارتله حاجه
جاد: بعصبية علاش تفاول علها تو مباها شي خلاص
وائل: خلاص يا صهيب خلى يمشي يشوفها ويجي يقلنا كان فيه حاجه راهي بوك اتصل
دكتور: انتم اهل وتين
محمد: اي اني بوها ان شاء الله خير شني فيه يا دكتور
دكتور: ما نبيش نخوفكم بس صاير معاها انهيار عصبي حاد وكويس انه اسعفناها بسرعة لان وضعها خطير
نجمة: كيف
دكتور: يعني متعرضه لظغوطات او مشاكل سببتلها ظغط و مع الوقت و زيادة تأثيره سببلها مشكلة وشي هذا يمكن يأدي للوفاة لو تكرر مرة تانية
محمد:  بخوف باهي تو كيف وضعها دكتور
دكتور: حاليا مستقر شوي وعطيناها مهدي و علاج  وتغذية بس ظغطها قاعد نازل هلبا درتلها تحاليل ونستنو امت يطلعو باش نتأكد ، لانهيار مش شيء سهل وشيء هذا مأثر علها بشكل كبير وهذي مشكلة في حد ذاتها
محمد: كانت كويسه و مافاها شيء 
دكتور: هذا يلي انتم تشوفو فيه بس يلي صاير عكس هكي تماماً  وضعها حساس لازم تبعدوها على عصبية وتوتر وقلق وخوف ولاجهاد جسدي ونفسي لو سمحتم
محمد: حاضر يا دكتور ان شاء الله يصير غير الخير نقدرو نشوفاها
دكتور: حاليا راقدة بتقعد تحت ملاحظة 72 ساعة وبعدها طلعوها
محمد: ان شاء الله
جاد: شني صار معاكم شني قال دكتور
محمد: انهيار عصبي حاد  قال
جاد: منين جاها الانهيار باهي
محمد:  قعمز ع كرسي  ما تسألنيش لاني زيك
جاد: مرات من امتحانات والعرس و زحمة وهي حتى ماكله معادش تاكل
نجمة: يا حليلي على بنيتي وخلاص
محمد: الصبر يا رب
جاد: بابا انت روح تعبت هلبا اليوم اني تو نقعد
نجمة: لالا روحو زوز اني بنقعد
جاد: الحوش زحمه و ناس تجي وتمشي عيب ما يلقوكش انتي روحي مع بوي و اني قاعد هني
محمد: اصلا مش حا يقعد حد هي بتقعد تحت ملاحظة و حني مافيش وين بنقعدو و ممنوع نشوفاها اليوم
جاد: كلام بوي مزبوط  وحني في طرابلس مافيش وين بتقعدو روحو خلاص اني تو نقعد في سيارة و مرا مرا نجي نسأل علاها هي نوضو انتم روحو
نجمة: رد بالك علاها و لما تنوض كلمني طول فاهم ولو قالو عادي يقعد معاها حد قولى باش نجي
جاد: حاضر
فوزي: اهلا كيف حالك يا خالي
طارق: كويس الحمد لله انتي شني امورك
فوزي: كويس هانا شفناك بعد الغيبة طويلة
طارق: ههه هاك شفتني ربي يحفظك
فوزي: زياد جي امس وعلى قال بعد غدوا
طارق: اي ماهي صغار وقراية وتعرف انت
فوزي: ويودي جو صقع
طارق: هني باهي في جبل متقدش تطلع البرا
فوزي: اي سنة هذي الشتاء بيجي مصقع هلبا
طارق: لا واضح من تو
فوزي: بنسألك محمد نسيبي عزماك
طارق: اي عزمني حتى هو
فوزي: اي باهي غير ولامس كلمني قلى مغير الهاتف ولارقام راحو قلى اعطيني رقم طارق بنعزمه
طارق: اي كلمني كلمني ولد اصل يا ودي
فوزي: يودي في اي حاجه تلقاه راجل فزاع
طارق: اي نيالك ع نسيب هكي حتى ولده ماشاء الله
فوزي: صغاره كل هكي تبارك الله يودي علم و احترام
طارق: ابتسم عرف يربيهم
فوزي: ع سيرته خلى نسأله على بنته باهي لذكرت
طارق: بخوف خيرها بنته
فوزي: صارلها انهيار عصبي حاد وحولاها لطرابلس
طارق: حس بتأنيب ضمير شني وضعها تو
فوزي: قالو خلوها تحت ملاحظة ل 72 ساعة.
طارق: في خاطره يا وتين قلبي يا رب احفظهالي يارب .

- يُمكنني تحمُّل عبءَ بلاد ، لكن غيابُك لا .🤍

عائشة: كيف وضعها تو يا سارة
سارة: مشيت زرتها قاعده تعبانه شوي وهبوط وظغطها نازل وجها اصفر و ماكلة ماتبيش حتى تاكل بكل
اريام: ياروحي عليها
سارة: ولله وجعتني ما تستاهلش، بس دكتور نبه انه ما يتكررش الشي هذا لانه لو تكرر مرات تمشي فاها
اريام: اي قلى ايهم البارح وهو خايف علها هلبا
عائشة: ربي يحفظها لى اميمتها راس بنية
سارة و اريام: ان شاء الله يا رب
سارة: مقلتيش لى خالك علها
اريام: يعرف سمع بوي لما يكلم في عمي محمد
سارة: ربي يجمعهم مع بعض وينتهى تعب هذا كله 
زياد: وين بتمشي يا طارق
طارق: حاله مستعجلة بنمشي ونجي
زياد: وين بتمشي ولد اختك بيسأل عليك
طارق: قله عنده خدمة مستعجلة طلعت
زياد: بترجع لطرابلس قصدك
طارق: اي بنرجع وتو نولى بعدين

بدت تحضيرات العرس طبعا والكل كانت مشاعرهم مختلطه بين فرح وبين خوف على وتين بس لان جاد طمنهم انها استاعت ودكتور طمنه رجعت الفرحه لقلوبهم

وتين: اني وضعي كويس مش لازم تقعد واليوم الكسوة لازم تمشي جنب ايهم اني تو نولى احسن
جاد: لا يودي مش ماشي اصلا لولاد معاه ومش حا يخلوه بروحه لكن انتي منقدش نخاف عليك وضعك قاعد مش تمام
وتين: برا احضر معاه هو مش حا يكون فرحان غير لما تبدا معاه انت خوه وبيحتاجك و وائل وصهيب زاده مش حا يلحقو يا جاد و انت مش حا تقدر تقعد اكثر زيارة بتم بعدين اني في مستشفى دكاترا موجدين
جاد: بنمشي لكن بنرجع في ليل
وتين: غدوا بنروح اصلا تعالى في مره اسمع كلامي
جاد: مكانش يبي يتعب وتين اكثر باهي ردي بالك على روحك وهذا هاتفك اتصلى بيا كان فيه حاجه واني تو نقعد نكلمك باهي
وتين: باهي حاضر
جاد: باس وتين وطلع
دكتور: كيف حالك يا وتين تو
وتين: حاسه راسي يوجع فيه وتعبانه
دكتور: شيء طبيعي تو مع علاج و راحه ترجعي احسن اهم شي التوتر و القلق وعصبية لا تمام
وتين: ان شاء الله دكتور
صهيب: هيا يا امي مني يلي بيمشو ناديهم هيا معش وقت
نجمة: خالاتك وعماتك بيمشو فيه سيارات وله
صهيب: اي فيه سيارات غير قلهم يستعجلو شوي
نجمة: باهي هي
طارق: لو سمحتي امس جابو حاله اسمها وتين وين بظبط
ممرضة: في قسم هداكا تلقاها
طارق: تمام
دخل طارق للغرفة بس مالقاش وتين فاها لانها كانو يديرولها في صورة على راسها

ممرضة: انت تبع الحالة يلي كانت هني
طارق: اي وينها
ممرضة: يديرولها في صورة ع راسها تقدر تستناها في غرفة الانتضار
طارق: تمام، و دخل لغرفة الانتظار

                              # يتبع
ديرو تصويت وتعليق ومشاركة لطفاً