آلُگآتٌبْةّ يَآقۆتٌــــ ❤✨
ساعة 9:00صباحاً
وتين: ماما الحاجات كلهم صارو جاهزات وشيكت على كل شيء تمام قعدو لخواتم بيجيبهم ايهم بعدين وهكي نكونو خالصين ولامور تمام.
ام وتين: كويس واني زاده كلمت عماتك وخالاتك باش يكون جاهزين باش ساعة 7 في ليل نمشو، وقلتهم ميتأخروش لان عاطين لناس وقت محدد.
طبعا اليوم يكون خطوبة ايهم و اريام ولكل يجهز في روحه ولكل فرحانين بمناسبة هذي.
سارة: شنو اريام جاهزة نديرلك شعرك اني نقول احلا لو خليتيه مفتوح يطلع عليك يجنن ومع القفطان تهبلى تطلعي.
اريام: اني تو متوترة وخايفه يلي تشوفيه حلو ديريه المهم نكون حلوه زعما ايهم شنو بيلبس نسيت نسأله.
سارة: انتي شني مالبستي تطلعي حلوه حبيبتي لقنينه
عائشة: شني صار معاكم، كل شيء جاهز.
سارة: اي عمتي كل شيء جاهز ودرت كل شي باقي نجهز اريام ونجهز نفسي وخلاص و انتي جهزي روحك عمتي.
عائشة: اي هاني بنمشي نجهز روحي.
وائل: امي امت بتمشو ساعة كم
نجمة: مع ساعة 7 بنمشو
صهيب: مني بيمشي تاني معاكم
نجمة: عماتك وخالاتك بس
وتين: ماما هيا جهزي روحك.
ام وتين: هاني ماشه هيا.
فوزي: اي قاعد في الحوش اليوم لان عندي اريام اليوم عندها حفله ما حفلة تعرفني يا طارق ما نفهم في ها الامور اني .
طارق : ههه فاهم عليك فاهم عليك خلاص اني تو في طريق شوي ونوصل ان شاءلله.
فوزي: ان شاءلله
طارق : زعما بتجي هي، اكيد بتجي مش خوها مش عارف آه قداش متمني نشوف شكلها.
وقطع صوت افكار طارق صوت مسج كان من وتين ان كيف حاله وشيدير، ضحك طارق من قلبه وكتبلها بعد رسالتك وليت احسن .
وتين : شكرا على المجامله، باهي شدير
طارق: في طريق جاي عند فوزي
وتين : اممم حلو توصل بخير
طارق : ان شاءلله، بس في بالي امنية و ان شاءلله تتحقق
-" أنت أقرب الناس إلى قلبي وأبعدهم عن نظري"
وتين : ان شاءلله بس شنهيا كان مافيهاش مانع
طارق : خلها لو صار وتحققت نقلك علها، انتي بس ادعي انها تصير.
وتين : ان شاءلله تصير.
جت ساعة 7 وكل صارو جاهزين ولبسو و جهزو كل شيء بيرفعوه معاهم و ما نقصو شيء ومشو لحوش فوزي، و كان فوزي يستنى فيهم.
سارة: ترا خلى نشوف، ماشاءالله طالعه غزاله يا قلبي
اريام : اي ولله طالع حلوه هذا في تلبسيه هكي منا في العرس كيف بيكون شكلي هههه 😂
سارة: بتطلعي تحفه تجنني انتي ولله فرحتلك
طبعا اريام كانت لابسه قفطان لونه ازرق مَلكي طويل و واكمامه طوال وشعرها مفتوح كانت حلوه.
وسارة كانت لابسه قفطان ذهبي طويل وفيه اكمام وشعرها قايمته فوق
