الكـــاتبة يــــــاقـوتــــــــ ✨
إلى الذين تضحك عيونُهم رغم أقدارهم العصيبة ..!!
الذين يُخفون خلف ملامِحهم قِصصاً من الحزن لا يشعر بها غيرهم.
سلامٌ على قلوبكم بعدد ما أرهقتها الحياة.
زياد: صباح الخير
طارق: صباح الورد
زياد: شني شكله جوك سمح
طارق: الحمدلله
زياد: وينك امس مش قلت بتولى فوزي قعد يستنا فيك
طارق: قاعدت مشغول ولاهي و مستشفى زحمه ومفضيتش غير في ليل وبنجي لكن لقيته ليل و دنيا مطر
زياد: آه باهي بتجي اليوم
طارق: مش عارف
زياد: انت وين تو
طارق: في زاوية عندي صيدلية بنشوف وين بنفتحها كان فضيت تو نجي قول لى فوزي
زياد: تمام تمام رد بالك على روحك
طارق: تم
نجمة: بتمشي تجيب وتين، بنمشي معاك
جاد: امي دنيا زحمه والناس لمن بتخليهم تو نمشي نجيبها اني وائل و انتي خليك
نجمة: اهم خالاتك هني و عماتك يقومو بلواجب
جاد: امي طريق بعيده ومرات دكتور يعطي خروج متأخر ومرات نعطلو واليوم عرس ولدك خيرك
محمد: اي ولدك معاه حق اليوم ولدك بيروح ب مرته ولازم تكوني معاه
نجمة: باهي، اسمع رد بالك تجري باها في طريق فاهم اختك قعدة مريضة
جاد: حاضر
محمد: ايهم وين
صهيب: خليته قال بيكلم وتين
ممرضة: وتين وتين
وتين: بصوت ناعس نعم
ممرضة: تليفونك من بكري يرن
وتين: ناضت خذيت تليفون، الو
ايهم: الو صباح الخير
وتين: صباح النور
ايهم: قاعدة راقدة
وتين: اي
ايهم: من صبح نتصل سحبتك نايضة كيف وضعك اليوم شني قال دكتور
وتين: احسن كويسه دكتور قاعد مامرش عليه
ايهم: جاد بيجي يروح بيك اليوم كان قاعدة مريضة وتعبانه قولى لى دكتور ولو مش قادرة تتحملى طريق تو نقله يحجزلكم حتى في فندق لين تصحي
وتين: لالا كويسه ولله بعدين نبي نحضر الحفلة
ايهم: العرس كله مش اهم منك فاهما
وتين: حاضر فهمت
ايهم: افطري كويس و ردي بالك على روحك وبلا تعصيب وتوتر زايد فهمتي
وتين: فهمت حاضر
ايهم: تمام قوليلي شني يصير باهي
وتين: تمام مع سلامة
ايهم: مع سلامة
وما الأخ إلا نعمة تعجز الحروف عن وصفها هو الصديق و هو العوض و هو السند.
وتين: لو سمحتي
ممرضة: نعم
وتين: الورده هذي منو جابها
ممرضة: ولله ما نعرف ما شفت حد
وتين: تمام، شكراً
ممرضة: العفو
وتين: في خاطرها اكيد جابها هو يعني جي لقاني راقده اوف كيف كان شكلي وبلا وشاح زاده يا ربي لاحول الله بس شكله عند كلمته بس وين لقاها ع صبح.
حسام: سارة هيا قولى لى اريام هو هداكا كان بتمشي
سارة: تمام اهي جاهزة شوي ونطلعو
حسام: و انتي بتمشي معاها ولاه
سارة: اي بنمشي
حسام: من حد بدي العرس معادش شفتك استاحشتك
سارة: اممم حتى اني هلبااا
حسام: باهي خليني نشوفك بعدين في ليل ونهدرزو
سارة: لالا مأعتقدش لان اليوم خدمة هلباا
حسام: اي لا مش كيف ما تبي بنشوفك بنشوفك تو ندبرها اني
سارة: اي دبرها معناها ههه
عيسى: هذي صيدلية مكانها كويس و استراتيجي بإمتياز
طارق: اي مكانها مناسب هلبا ولصراحه عجبني هلباا معناها خلاص اني بنفتحها
عيسى: تمام معناها نقولو مبارك
طارق: الله يبارك فيك
سرين: قصدك بتنتقلى للمستشفى لا مش معقولة انتي
هبه: اي درت انتقالتي من شهر لفات واليوم جت موافقة وبنبدا نخدم فاها يعني معادش بيلقى حجه باش يهرب مني
سرين: بس طارق مش ساهل هو يساير يساير بس بعدين لما يقلب دنيا على راسك صدقيني
هبه: مش حا يقدر يدير شيء غير هو معصب مني لاني خليته واني تو نعرف كيف نراضيه
سرين: نقلك حاجة ما اعتقدش انه هو فترة هذي كلها هكي يعني عزابي قاعد احساسي ان في وحده في حياته
هبه: لا مستحيل لان لو فيه راهي تزوجها
سرين: تو تشوفي كيف وقولى صاحبتي قالتها لو ما طلعش يحب
هبه: حتى لو صح مستحيل نخليه لغيري فاهمه
دكتور: وضعك تحسن الحمدلله ونقدرو اليوم نعطوك الخروج
جاد: يعني تحسنت خلاص دكتور معش فيه خطر ع حياتها
دكتور: هي تحسنت بس لازم تبعد عن الخوف وتوتر وعصبية ولازم الحاله نفسية تكون كويسه ومتظغطوش علها باش ما يتكررش يلي صار ولازم تنتبه لصحتها كويس
جاد: ان شاء الله دكتور
وائل: خوفتيني مارقدتش بكل خفت عليك اني وصهيب
وتين: يا قلبي انت وليت كويسه الحمدلله
وائل: معادش تظغطي على روحك فاهمه
وتين: فاهمه حاضر
جاد: هيا البسي هذا باش ماتصقعيش جو البرا مصقع هلبا وانت جيب شنطتها هيا تعالى بشوي معايا
