صهيب: اسمع اليوم بنمشو نزردو برا فا نبو نديرو شوا شنو رايك مش احسن اني و انت بس
وائل: عادي نديرو اصلا اني نحب شوا
صهيب: قعدت مشكلة يا راجل
وائل: شنهيا؟
صهيب: منين بنجيبو حق الشوا فلوسنا ميسدوش
وائل: نقولولهم يلي يبي ياكل معانا شوا يدفع
صهيب: خلاص يا برو معناها هي
جاد: منو يلي بيمشو يا امي قوليلي من تو في وحدين تعرفيني منتفهمش معاهم.
نجمة: بنمشو حني وخالاتك و ولادهم و كل تتفاهم معاهم.
جاد: اي باهي داما هكي هيا بسرعة باهي جهزو روحكم مش مستنيكم.
نجمة: هيا يا صهيب و يا وائل حطو الحاجات في سيارة.
وائل و صهيب: حاضر تمام
وتين: امت بنروحو ماما
نجمة: العفو يا بنتي غير نمشو حني خيرك.
وتين: لا بس غير سألت بس
ركبو الكل في سيارة و كانو ماشين باش بيزردو هما و الخالات وصلو للمكان و لقو خالاتهم واصلين وموتين كل شيء على اكمل وجه نزلو الكل و قعد يسلمو على بعض
نورا: وتين بنيت خالتي خيره جوك مش حلو حاسه
وتين: لا شيء جوي تمام غير مريضة حبيبتي.
سهام : شني وتينتي مافيش شي عرش ولا حاجه 🙂
وتين: لا عرس لا غيره مش موضوعي فايته لامور هذي اني نفكر في قرايتي بس
نورا: خيرك معاها يا سهام
سهام: نبصرو حني انتي خيرك
مروى: هيا يا بنات تعالو جهزو معاي للغدي بسرعة
ثلاثة مع بعض انا جاين باهي
صهيب: ياودي غير جيب الهاتف بلا براده
علي: غير خيرك يا ولد خالتي هكي فاصل شني فيه هاتفك هههه
صهيب: ياراجل متعصبنييش جيبه خير مايصير شي تاني
علي: زي شني ترا قول
صهيب: زي انه نمشي نقول لى خالتي ولدك يدخن 😏
علي: فكنا من حركات العويل اهيا
وائل: هههه ولله إلا زوز عويل هي
علي: هاك هاتفك حرام الواحد يبصر معاك الزفت
وتين: السلام عليكم
طارق: عليكم السلام ورحمة الله وبركاته
وتين: كيف حالك دكتور
طارق: الحمدلله كويس، و انتي
وتين: كويس الحمدلله، كنت بنكلمك البارح بنسالك وصلت او لا بس لقيته وقت متأخر
طارق: اي وصلت واليوم لعشيه مروح
وتين: اي كويس توصل بخير، كيف شفت منطقتنا
طارق: حلوه ولت احلى لاني عرفتك انتي
وتين: شكرا ربي يحلي ايامك
طارق: ان شاءلله، شديري
وتين: طلعنا زرده مع خالاتي نغيرو في الجو
طارق: آه كويس تغيرت الجو لازم منها
وتين: اكيده و انت شدير
طارق: شيء كنت نقرا في تقرير مريض عندي بنديرله عملية
وتين: كويس
طارق: وتين بنقلك شي
وتين: تفضل
طارق: ربي يحفظك
وتين: ويحفظك.
نورا: هيا يا وتين بنتغدو
وتين: هاني جيت
تغدو الكل وكملو وغسلو بعدها بنويت الخالات الماعين ونضفو لمكان و دارو القهوة وشربوها وجي وقت يلي بيروحو فيه بعد المغرب .
وائل: اني بنوصل بنرقد طول نايض بكري ومرقدتش وحاس روحي خلاص
صهيب: حتى اني
نجمة: حتى اني تعبت هلبا لكن غيرنا جو
وتين: وهي تفكر امم زعما روح او لا
نجمة: وتين
وتين: نعم
نجمة: ترا كلمي خوك ايهم اساليه وين
وتين: كلمني بكري قلي متعشي برا.
نجمة: باهي
وصلو للحوش والكل كان منهك وتعبان وكل مشي لمكان نومه من كثر ما كانو تعبانين من ضحك والمشي ولعب
وتين: خلى نشوفه لو كان فاتح نت
وصدمة انه وتين لقت طارق ماسح حسابه يلي في واتس نهائي
وتين: بس كيف هكي اني ظهر كنت نكلم فيه ليش مسحه وعلاش شني صاير كيف صار
وبين لاسئلة هذي كلها يلي دارت في بال وتين قاطعتها دمعة نزلت على خدها معادش قدرت تقاوم وجعها قلبها هلباا صح ماكانش في بينهم حب وصح هي متحباش بس حست بوجع كبير وبدموعها يلي مكفتش وهي تسأل في روحها ليش مسحه بدون ما يخبرها
وتين: هو ليش مسحه علاش مقاليش باهي هو علاش دار هكي علاش مقاليش بكري اني شندرتله شندرتله علاش هكي يا ربي علاش ليش يوجعلى في قلبي آه آه
حرام عليه، بس اني ليش بنزعل عليه ليش هوا اصلا مني مني ميستاهلش بكل كان يقدر يقولى بنمحيه كان يقدر يقولى بس ليش هكي يتصرف معاي، اني غلطت لاني كلمته مفروض مكنتش نكلمه، باهي علاش قلبي يوجع فيه علاش يا ربي.
استمرت لاسئلة هذي في عقل وتين ليش هو اقطع تواصل بينهم فجأة بدون سبب او تفسير عكس طارق يلي كان عارف روحه انه بدي يتعلق با وتين وبدت فيه مشاعر تجاه ولان كان خايف يحبها ويوجعه قلبه مرة تانية بعد عليها بدون ما يكلمها.
بعد مرور شهر:
محمد: هيا يا وتين كان بتمشي للكلية تأخرنا راهي
وتين: هيا بابا ها جيت
وائل: استنو حتى اني جيت
محمد: هيا اركبو
وائل: وصلني اني قبل يا بوي عندي هلبا امور بنديرها
محمد: شني وتين محاضرة مزالت
وتين: مزال ماتبداش.
محمد: كويس
وائل: درس سيارة هني وصلت هيا سلام
محمد و وتين: سلام
وصلت وتين للكلية ولقت صحباتها مقعمزين
وتين: صباحو
لمياء: صبحاتو شني تأخير اليوم
وتين: نضت متأخر سهرت البارح و اني نقرا
سهى: زعما نجاوبو يا بنات، قريتي وتين واضح عليك
وتين: اكييده قريت و فل الفل بس خايفه شوي
لمياء: لالا متاكده انك بتصكري درجة زي كل مره قولى علينا حني
وتين: اي ان شاءلله يا رب
دكتور: شني جاهزين للامتحان
موده: مش هلببا دكتور شيتات هلبا وملحقناش نقروهم
سهى: اي دكتور هلبا وصعبات وطوال و الوقت قصير
دكتور: لالا ساهلات غير انتم متقروش اول ب اول
وتين شني جاهزه او لا
وتين: اكيد جاهزه و معنديش مشكلة في شي
دكتور: عارفك قدها اني هيا الكل يعدل جلسته خلى بنمد لاسئلة
محمد: شني متاكده انه الولد كويس كان كويس خلى نسأل عليه
نجمة: اي كويس ماشاءالله عليه و انت زيد اسأل ولله ما نلقو خير منه لبنتنا
محمد: وهما يعرفو انها تقرا و انها بعد لقراية بتخدم
نجمة: اي عارفين ومعندهمش مشكلة
محمد: وبنتك توافق زعما
نجمة: وعلاش متوافقش وليد كويس و بيخلها تخدم وعيلة حطها على الجرح يبرا و امه مرا كويسه.
محمد: عارف بس بنتك منضنيش توافق غير بعد تتخرج
نجمة: تو غير تروح ونفتحلها الموضوع ونقنعه، خلى نوض نحط لغدي
ايهم: امي لغدي شنهوا
نجمة: رز
ايهم: خليلي اني بنطلع بنمشي للخدمة
نجمة: ان شاءلله
