...
حسام: امي بنقلك موضوع
عائشة: قول ان شاءلله خير شنو فيه
حسام: صاحبي ايهم تعرفيه، الحق كلمني وقال انه يبي يخطب و يبي أريام اختي، و اني قتله خلى نشوف العيلة شني رايك.
عائشة: هو لوليد ولله كويس و ماشاء الله عليه الحق و كانه ليه اني مدابيا، لكن خلى نشوف بوك ونشوفها ونقلك شني يصير.
حسام: ماشي شوفي وقوليلي الولد يستنى.
أريام: اليوم طلبيات هلباا غير. ان شاءلله الحق على زباين اوف تعبت يا ربي اني مالازني على هذا تعب.
اريام( اخت حسام مواليد 2004)
سارة: أريام أريام وينننك
(سارة طبعا مرت حسام)
اريام: هني هاني واحله في تعب هني شنو فيه خيرها لابتسامة مرسومة على وجهك شنو فيه.
إسراء: تعرفيه ايهم صاحب حسام تو سمعت حسام يحكي مع عمتي وقال انه هو يبي يخطبك.
أريام: شنو كيف وعلاش بلحق
إسراء: تي شنهوا لى كيف وعلاش قتلك الولد يبي يخطبك يخطبك خيرك.
اريام: و امي شني قالت
اسراء: عمتي عاجبه وتشكر فيه وقالت ولد ماشاء الله يعني شكله موافقه بس قالت بتشوفك وبتشوف عمي شني يقول قبل.
اريام: بس اني خايفه مش عارفه الحق هو مناسب او لا
اسراء: انتي غير شوفيه و ديري مقابلة وبعدين ساهل حبيبتي ما تخافيش من تو و متتوتريش.
اريام: تمام حا نحاول رغم ما نضنيش يصير هكي، اوه نسيت اليوم عندي. هلبا طلبيات ولازم نلحق يا ربي.
اسراء: تضحك، هاتي نساعدك باش تكملي بسرعة.
أريام: سلمها حبيبتي اني ❤
..... بعد مرور اسبوعين
ايهم: امي هيا بسرعة وقت
ام ايهم: باهي هاني جيت خييرك مستعجل عليه
ايهم: هو هداكا وقت وتين وينها
وتين: جيت هياا
عائشة: اهليين فيكم، كيف حالكم ان شاءلله كويسين
نجمة: اهلين فيك حبيبتي تسلمي كويسن ولله الحمدلله
عائشة: كيف حالك يا نجمة وكيف حال محمد والولاد و انتي يا وتين كيف حالك
نجمة، وتين : كويسين الحمدلله
دخلت أريام وسلمت عليهم وبعدها مشت وجابت معاها سفرة القهوة وطبعا كانت لابسه فستان اخضر حلو وهي كانت حلوه هلبا، خدو كلهم قهوة وعجبتهم اريام هلباا
وبعدها دارت اريام و ايهم مقابله و كل حد فيهم حكي شروطه و تفاهمو وعجبو بعض و بعدها روح ايهم وهو كل طريق يسأل فيهم عجبتهم او لا وشني صار معاهم داخل 😂😂
..........
وتين: فتحت وتين تليفونها لقت رسالة من طارق كان راد على ستوري دايرته وكاتب ربي يحفظك ، ردت وتين اجمعين شكراً
طارق: كيف حالك
وتين: الحمدلله كويسه
طارق: دوم حمدك، كيف حال لمراة لدارت عملية
وتين : كويسه الحمدلله
طارق: كويس
وتين: اي
طارق: فاش تقري انتي
وتين: كلية تقنية طبية
طارق: ماشاء الله الواضح انك شاطره
وتين: اي شكرا
طارق: كم عمرك
وتين: 21
طارق: العمركله
وتين: وانت كم عمرك
طارق: م 88
وتين: العمر كله
و درات هدرزة بين وتين و طارق وطبعا الهدرزة كلها كانت عادية بس في سؤال كان في بال طارق يبي يسأله لى وتين و تجراء و سألها
طارق: انتي مرتبطة
وتين: لا، و منحبش لامور ههذي
طارق: احسن ارتحتي
وتين: اي احسن، اني نعتذر منك تو بس بنمشي نقرا وتأخرت تصبح على خير.
طارق: عذرك معاك و انتي بألف خير. وكان يقول في خاطره ياريت كان فيها تقعد تهدرز اكثر
طارق سكر هاتف بس كان متمنى انه يقعد يحكي مع وتين رغم انه ميعرفهاش بس ارتاحلها وحب هدرزته وشاف قداش هي مثقفة و متعلمة وذكية يعني مختلفة على كل لبنات وهذا يلي شد انتباه ليها.
ــــــــــــــــــــــــــــــــــــــــــــــــــــــــــــــــــــــــــــــــــــــــــ
تسريع للاحداث
بعد مرور اسبوعين
وطبعا في الاسبوعين هذم كان طارق وتين يحكو مع بعض هلباا
وتين: شكرا دكتور ر
طارق: ربي يحفظك، بنصارحك بشي
وتين: تفضل
طارق: انت انسانة مميزة هلباا و اني وليت مميز لاني عرفتك
وتين: شكرا كلك ذوق دكتور
طارق: باهي احكيلي على روحك شوي
وتين: اممم تمام و انت تحكيلي على روحك دكتور
طارق: حاضر ابدي انتي قبل هي.
وقعدو يحكو ويهدرزو و يتعرفو على بعض اكثر و طارق كان معجب ب وتين هلبااا و كان يحب يهدرز عليها
عكس وتين يلي كانت تعتبر فيه مجرد دكتور بس في نفس الوقت كان في شبه كبير بينهم سواء. في تفكير وعقلية و الوعي هذا ليش انسجمو مع بعض.
