الكاتـبــة يـــــاقــــوتــ ✨
بعــد مــــــــرور سنـــــــة و ستة اشهـــــــر
PM 2:45
" المانيا «برلين» "
طارق: ترا قولى من تشبه
وتين: هي ليها اسبوع جاي ع دنيا مزال ماتشبه حد
طارق: اني نقول انها تشبهك هلبااا
وتين: زعما مرات تشبهني و اني صغيرة منعرفش
طارق: نباها تشبهك اني
وتين: وعلاش
طارق: من حبي ليك
"أنت القصَّة التي لا أريد أن تكون لها نهاية.!"
وتين: تسمعي في بوك شني يقول باش كان جي يوم و انكر كلامه تبدي انتي شاهده عليه
طارق: ههههـ وعلاش بننكر كلامي اني، بعدين شوفي هي كيف تضحك عسل راهي عسل حبيبت بوها هذي انتي غير اكبري وفي هلبا حاجات بنديرهم اني وياك
وتين: ههههـ زي شني مثلا بدخلها معاك للعمليات
طارق: مرات زي ما دخلت امها
وتين: اوه
طارق: بشوية خيرك
وتين: نسيت اني دايرة عملية
طارق: معادش تتحركي خليك مقعمزه شني تبي تو نجيبلك اني
وتين: نبي تليفوني بنكلم امي البارح اتصلت بيه وكنت راقده مرديتيش
طارق: تو نجيبه اني خليك مرتاحه
وتين: تمام
طارق: خلي نكلموهم فيديو خلى نقرب شوي هي
وتين: فاتحه نت
طارق: اي فاتحه غير شكلها مش حدا هاتف
وتين: شكلها لاهيا
صهيب: اوو وتين شجو
وتين: كويسه انت شني امورك يا عسولي شني حال بابا و ماما و جاد و وائل وايهم
صهيب: كلهم كويسين كنا نهدرزو عليك بكري و كنا بنكملو غير نستنو في بويا يروح
وتين: وينهم باهي قولهم تعالو
صهيب: امي امي تعالى كان بتكلمي وتين، اسمعي ترا وريني بنتك
طارق: شوفها قول لمن طالعه ترا
صهيب: مش عارف لكن نحس فاها ليك انت
طارق: هههـ اختك تقول لا
نجمة: كيف حالك يا وتين وكيف حالك يا طارق
وتين: كويسه امي الحمدلله
طارق: الحمدلله يا عمتي انتي كيف حالك وحال عمي
نجمة: كويسن الحمدلله شني عمليتك يا وتين وشني لبنية تعباتك
وتين: لالا الامور كلها كويسه الحمدلله
وائل: وتين حبي شجو شني امورك
وتين: كويسه مش البارح كنت نهدرز عليك
وائل: استاحشتك ليك سنة و شهور البرا نبي نجيك
طارق: خلاص تعالو اصلا عمي قال الشهر جاي بنجي مرات
جاد: ترا وريني رزان وينها
وتين: هدي ها شوفها
جاد: استاحشتها اني ترا لعباها خلى نسمع صوتها
وتين: رزونه هيا اضحكي لى خالي هيا
محمد: شني ما يجيش عليه نكلم بنتي شني حالك يا طارق شني حالك يا وتين شني امورك
طارق: كويس عمي الحمدلله انت شني حالك
وتين: كويسه بابا انت كيف حالك
محمد: كويس، شني جو عندكم
طارق: ولهى صقع يا عمي جو هني
محمد: حتى هني صقع شني حال لبنية ترا وروني شكلها
وتين: ها شوفها قول بابا ترا من تشبه
نجمة: بنجيك اسبوع جاي يا بنتي كيف بترد بالك على روحك وعلى طفلة وجو صقع وعندك قراية
وتين: متخافيش يا امي بعدين طارق مش مقصر معانا و اني نقدر نهتم بنفسي و باها متخافيش عليه، اريام و ميار وينهم
صهيب: يا اريام و يا ميار تعالو ووتين تبيكم
اريام: كيف حالك وتينو شني حال رزونه
ميار: شني حالك وتين وكيف حال سمحه
وتين: كويسه بخير الحمدلله انتم كويسين، كيف حال مراد يا اريام و ايهم
اريام: كويس اهو كيف رقدته وجيت و ايهم في طرابلس
وتين: كويس الحمد لله
ميار: شني وضعك انت وضع قرايتك
وتين: كويسه حاليا اجازة وبنبدا بعد شهرين
وائل: كويس غير اسمعي صوريهالي و ابعتيها باهي
وتين: حاضر
صهيب: اسمعي خليك عند كلمتك بننجح سنة هذي نبي هدية
وتين: حاضر غير شد روحك قانون مش ساهل
وائل: و اني
وتين: حتى انت طب مش سهل شد روحك وحاضر
جاد: تمام يزي طولتو علها المهم ردي بالك على روحك و على بنتك دنيا صقع باش ما تمرض منك
طارق: متخافش اني موجود
جاد: عارفك قدها اني
وتين: حاضر، نتلاقو بعدين تبو شيء
نجمة: نبو سلامتك يا بنتي ردي بالك على روحك و مانوصيكش يا طارق
طارق: ولايهمك يا عمتي في عيوني زوز
نجمة: ان شاء الله نشوفكم على خير
وتين و طارق: ان شاء الله مع سلامة
طارق: شوفاها قريب ترقد
وتين: من قال ان يوم هذا بيجي
طارق: اي من قال بيجي
وتين: حطت راسها في حضنه اني مع شخص لنحبه و في اكثر بلاد تمنيت نقرا فاها و نحقق في حلمي و معااي بنتي حتى في حلم مخطرش على بالي يصير هكي
"لو كنت أوقن أنَّ الحلم يجمعنا
أغمضت شوقًا طول الدَّهر أجفاني.!"🩵
طارق: لان نيتك صافيه ولانك طيبة ولانك تحبي ديري الخير فا اكيد ربي بيحققلك امنياتك
وتين: مع بعض لى اخر العمر
طارق: مع بعض لى اخر العمر
وتين: لو جي يوم ومت باهي
طارق: وتين
وتين: اصلا طالما قلبي ينبض معناها قلبك ينبض ولو وقف قلبي معناها قلبك وقف لان مستحيل ينبض قلبي إلا بنبضات قلبك
طارق: خلاص معناها يا شريان قلبي
وتين: نحبك مووت
طارق: حتى اني نحبك موت
أحببتك كأمنية واحدة وأخيرة
أحببتك للحد الذي لا أرى أمرا يناسبني سواك
وتين: امت بيجي هداكا اليوم يلي بنولى فيه دكتوره قد دنيا
طارق: قريب شوي وقت وتولى احسن دكتورة
وتين: احسن حتى منك
طارق: احسن حتى مني
وتين: مش حا يضايقك نكون اشطر منك
طارق: حط ايده على راسها نجاحك نجاحي و فرحك فرحي بعدين ليش بنضايق لو وليتي احسن مني
وتين: في رجال ميحبوش انه زوجاتهم يكونو اشطر منهم و احسن منهم
طارق: لو كانو رجاله فعلا راهي محسوش هكي بعدين الحب مفيشي انانية مش هكي قلتي
وتين: ايـ،
طارق: خلاص، انتي ما عليك غير تقري وتجتهدي باش تحققي طموحك و اني و بنتنا وصغارنا مستقبلا حا نستنو نجاحك هذا
وتين: فهمت تو ليش روحي متعلقة فيك وليش عقلي هايم فيك
بَينَ العَقلُ و القَلبُ قَضيةٌ عٌنوانٌها أنتِ.
طارق: نحبك يا دنيتي
وتين: نحبك يا روحي
لَو كـآنَ هُنآكَ سَببٌ للحيآةْ سأجعلهَ أنتِ.
"احياناً الحياة متعطيكش كل شيء تبيــه في بدايـــــة
على طبق من ذهبــــــــ لازم تتألم وتتوجع وتختبرك وبعدين تهديك يلي تتمناها.
و مش كل شيء نحبوه شر لينــا ومش كل شيء نكرهوه خير لينا، ومش ضروري تكون اقدارنا متشابهه ولا ظروف حياتنا نفسها فيه لقست عليه دنيا وفيه لي لا.
و العبرة من قصة انه وتين رغم كل شيء مرت بيه مقدرتش تضعف ولا تستسلم ولانها طيبة ربي جبر بخاطرها، هي تمنيت امنية وحده ومكانتش تعرف انه ربي سبحانه مخبيلها امنياتها كل في امنية هذي.
طارق وتين لاثنين كانو رافضين الحب بس حبو بعض لان لاثنين داو جروح بعض وثقو في بعض و ضحو على خاطر بعض،،، و مافيش حاجه ليها نهاية لان كل نهاية هي بدايـــــــة لقصة جديده "
#قصة حقيقية
لطفاً ديرو متابعة وتعليق وتصويت وشير و خلولى رايكم في رواية لطفاً.
