الكاتبـــة ياقـــوتـــ ❤✨
نورس: قصدك مشيتيله للمستشفى يلي يخدم فيها
هبه: اي مشيتله وكنت نبي نحكي معاه بس طلع في العمليات، بس قلت للمرضه تقله هبه كانت تبي تشوفك
نورس: بس انتي غلطي لما مشيتي عنده يا هبه
هبه: لا مغلطش، اني غلط لما سيبته على خاطر لفلوس
نورس: بس طارق اكيد بيكون نساك ومرات حتى حب غيرك
هبه: لا مستحيل يفكر يحب غيري اصلا هو لما انفصلنا تعب هلبا و ما اعتقدش يحب غيري اني نعرف طارق من ايام كنا مخطوبين مستحيل يقدر ينساني
( طبعا هبه خطيبت طارق زمان وكان يحبها بس انفصلو وسبب انه هي كانت مادية شوي ولما هو خسر مستشفى متعه وفلوسه هي تغيرت فا انفصلو بتراضي)
نورس: هداكا قبل يا هبه تو لا، انت راك خليتيه ومقدرتيش ظروفه ووضعه تخليتي عليه في اصعب ظروفه واصعب وقت كان محتاجك فيه.
هبه: يعني شني كنتي تبيني نتصرف معاه حتى اني انسانه وهو كان عنده مشاكل ومعادش اهتم بيه وخسر كل شيء.
نورس: انتي جرحتيه مره وبسبب ياما تعذب ليش جايه تو تبي تدخلى حياته.
هبه: غلط ونبي نصلح غلطي عرفت قيمته ونبيه و حا نخليه يسامحني.
نورس: طارق يلي نعرفه مستحيل يسامحك او يفكر فيك مرة تانيه فا انسى الفكره يا هبه.
هبه: لا مستحيل ننسى تو تشوفي كيف حا يسامحني ويرجع زي قبل يحبني واكثر والايام بينا.
سارة: اريام شني رايك نطلعو غدوا نمشو للمحلات
اريام: اي ولله ناقصني حاجات و الحق نبي نوتي باش امت ما يتحدد عرس ما نلقاش وقت ضيق
سارة: خلاص تو نقول لى حسام يرفعنا غدوا حتى اني ناقصني شوية حاجات
اريام: تمام كلميه من اليوم باش يفضي روحه ميجيش غدوا ويقول مشغول
سارة: اي عندك حق خلى نكلمه.
مبروكة: شني صار يا نجمة في موضوع لقتلك عليه الناس يستنو في الرد
نجمة: ولله شني بنقولك البنت قاعدة تبي تقرا
مبروكة: هو قال بيخليها تقرا وقال نرفعها ونجيبها اني
نجمة: بنت مسكره راسه يا خيتي
مبروكة: غير زيد هدرزي معاها و اظغطي عليها شوي ولله وليد كويس متضيعوشي
نجمة: تو نزيد نشوفها.
وتين: جاد جاد
جاد: نعم شني فيه
وتين: غدوا بيان اخت نسرين وبنمشيلها بس نبي نمشي للمحلات بنشري فاش نمشي ارفعني
جاد: يعني لازم تمشي تشري ضروري
وتين: اي ضروري معنديش هيا عاد
جاد: باهي لعشيه نرفعك
وتين: تمام مش تمشي معادش تجيني عابيه عليك راهي
جاد: باهي
محمد: ايهم وين يا وتين
وتين: مشي للعمل
محمد: و وائل وصهيب
وتين: صهيب في المدرسة هو وائل
محمد: و امك
وتين: مشت عند لمراة، نحطلك لغدي بابا
محمد: لالا مش جعان بنمشي نصلى ونرقد العصر نوضيني
وتين: تمام
جاد: اني طالع تو لعشيه نجي نلقاك واتية.
وتين: تمامو.
جاد: باي
وتين: باي،
رقد محمد وجاد طلع وقعدت وتين مكسده بروحها...
وتين: شنو بنكتب زعما تواا ممم....،وقطع تفكيره صوت رنين تليفونها.. الو
