الكاتبـــــــــة ياقـــــــوتــ ✨
- صَلُوا عَلى مَنْ بَكَى شَوقاً لِرُؤيتنَا ﷺ 🍃🤍
بعد مرور شهــــــــرين
طبعا في شهرين هدم صارت هلبا حاجات منهم خطبت وتين وطارق وكانو لاثنين في غاية السعاده وكان تفاهم و الهدوء والحب سايد على علاقتهم و في شهرين هدم كان طارق يدرب في وتين في مستشفى لكن في قسم تاني مش نفسه يلي كان مفروض تتدرب فيه لان طارق كان يعرف انه اذا هبه عرفت انه بنت يلي يحبها وخطبها نفسها وتين مش حا تخليهم متهنينن فاهو دار هكي باش يبعدها عليهم، وفي شهرين هذم ولت وتين و ميار صاحبات وتعرفو على بعض...
وتين: رقم مني هذا، الو
هبه: الو معاي وتين
وتين: اي تفضلي من معاي
هبه: معاك هبه
وتين: اهلا بس معرفتكش
هبه:اهلين بيك، اني هبه خطيبت طارق نقصد كنت قبل خطيبته
وتين: انصدمت تفضلي شن تبي
هبه: لا شيء بس قلت خلى نباركلك باركت لى طارق وقعدتي انتي قلت عيب ما نباركلكش
وتين: حاولت تتماسك اعصابها شكرا
هبه: نفهم منك ان طارق محكالكش عليه
وتين: لا حكالي على خطيبته يلي سيباته ع خاطر لفلوس بس مافكرتش نسأله شن اسمها لان مكانش مهم
هبه: عصبت من كلام طارق عليها بس حاولت متبينش، اكيد هو حكالك ان اني وياه نخدمو مع بعض في نفس مستشفى
وتين: بصدمة كيف
هبه: اوه، حسب ما فهمت انه مش قايلك مش معقولة
وتين: قعدت الافكار تاخذ فاها وتجيب
هبه: عندك الحق تنصدمي اصلا لو دربك في القسم يلي يخدم فيه راهي تلاقينا بس هو حولك للقسم تاني مفهمتش خيره
وتين: قاعدت مصدومة وساكته
هبه: من حقك تنصدمي بس تعرفي شيء انه رغم لصار بينا بس علاقتنا تحسنت وهو يلي ساعدني باش نحول للمستشفى هذا
وتين: شني لازم نفهم من اتصالك هذا
هبه: قتلك قبل شوي نبي نباركلكم
وتين: وعلى ما اعتقد باركتي وقمتي بواجب وتو سلام ومعادش تتصلى بيه مفهوم وسكرت
هبه: ههههـ مستحيل نخليكم تتهنو، وتكون غالط يا طارق كان تحساب روحك ذكي ومتبينيش نعرفها
وتين: هو علاش مقاليش انها تخدم معاه وعلاش دس موضوع عليه علاش هو حطني في موقف الانسانة الغبية، تو فهمت ليش دربني في قسم تاني تو فهمت، بس مستحيل مستحيل يدير هكي اني نوثق فيه ومتأكده انه عمره ما يفكر يخوني، الانسان لدرا كل شيء ع خاطري و بدي يخدم فوق جهده باش يدربني ويخليني نحقق حلمي مستحيل يوجعني.
بيني وبينه ما هو أَعظمُ من الحُب بيننا أُلْفة وكأنّه بجواري منذُ مئةَ عام،أعرفُه كباطِن يدي، خوفه،قلقه، خجله، وضحكاتُه، حتى أفكاره أتنبأ بها معه، أعرفُه كأنّه مني .
جاد: وتين نبيك في موضوع
وتين: فيه حاجه خيره شكلك هكي
جاد: دخل وسكر الباب نبيك تساعديني
وتين: شن فيه خوفتني
جاد: بويا قال انه يبيني ناخذ بنت خوه
وتين: كيف بنت عمي كريم
جاد: اي واني قتله منبيهاش ومستحيل ناخذها وهو مسكر راسه وقال متاخذهاش مش راضي عليك اني نبي ميار و مستحيل نفكر ناخذ غيرها
وتين: غير اهدا شوي و بابا شن خطر عليه موضوع هذا
جاد: منعرفش بس بمإنه هو يسكر في راسه ويبي يدير يلي في راسه حتى اني بندير لى في راسي
وتين: شني يلي في راسك
جاد: بناخذ ميار وبنهاجر اني وهي يا وصلنا يا متنا بس مستحيل ندير رايه
وتين: انت شكلك ودرت مش هكي الواحد يتصرف في هكي مواقف تهرب باها يعني تبي تشوه سمعت بنت بعدين ميار ونعرفها مستحيل دير حاجه زي هكي
جاد: هي قالت لا متبيش تهرب معانها نهاجر بروحي
وتين: تهاجر وتخليني تخلي وتين بعدين اني نموت، شوف اني نحل موضوع اوثق فيه اني نحله وحا نخلى بابا يلغي فكرة من راسه ومش حا تاخذ إلا لتباها انت
جاد: بوك تعرفيه كان سكر راسه حتى امي وايهم مقدروش يقنعوه
وتين: شدت وجها لما نقلك اني نحله يعني نحله وما في حد في دنيا اهم و اغلى منك فاهم ويلي تبيه يصير، بس ماتتصرفش اي تصرف مش عقلاني فاهم
جاد: فاهم
وتين: اعطيني وعد انك تقعد صبور
جاد: وعد
وتين: حضنت جاد مافيش حاجه تقدر تزعلك انت راك روحي وبلاك منقدش نعيش متخلينيش نعيش شعور هذا
جاد: حتى اني منقدش نعيش بلاك نحبك
وتين: حتى اني
