...... الكاتبــــة ياقـــوتــــ 🥺❤
آنا فقط آرجوا أن آلقاك ،،ب طریقه فجائيه تشبه الموت
ــــــــــ
هبه: لو سمحتي دكتور طارق موجود
ممرضة: اي دكتور طارق موجود عندك موعد
هبه: لا، اني قريبته وجايه نشوفه بس
ممرضة: اعطيني اسم حضرتك و اني حا نقول لى دكتور
هبه: لا، شكرا اني نبي نمشيله بنفسي ممكن دليني على مكتبه
ممرضة: في طابق تاني كملى مع الممر طول بعدها امشي يسار تلقى مكتب متعه على طول
هبه: مشكوره
ممرضه: العفو
هبه: اليوم مش حا تهرب مني يا طارق لازم نحكو مع بعض.
اريام: باهي انتي حكيتيله انه في حد يبي يخطبك
وتين: اي حكيتله بس هو قلى قولي لا و لين تتخرجي قبل بس يعني مقالش شي اخر.
اريام: اممم باهي انت قوليله يعني وضحيله حاولى تشوفي هل هو يبيك او لا
وتين: بس اني منقدش نسأله هكي أبداً
اريام: لا عادي، اسأليه يعني باش تعرفي انتي شني بنسبة ليه.
وتين: لو كنت منعنيلاش لو كنت مش في قلبه مثلا؟
اريام: انتي حاولى تساليه مثلا في بنت في حياته في كذا هكي يعني ديري روحك تستفسري بس
وتين: تو نشوف كيف
اريام: وتين بنسألك بصدق
وتين: اسألي
اريام: انتي تحبيه
وتين: منعرفش بظبط، منعرفش شنو لاحساس لنحس فيه بظبط يمكن اعجاب بس ما اعتقدش حب
اريام: حاولي تفهمي مشاعرك قبل باش تتصرفي صح
وتين: نحاول حاسه روحي في دوامه مش فاهمه شي بكل
اريام: هدي روحك قبل كل شي تو مع الوقت يتحسن كل شيء
وتين: ان شاءلله ، اني تو بندخل للمحاضرة نحكو بعدين
اريام: تمام نشوفك على خير، سلام
وتين: سلام
وتين كانت حايره فعلا وكانت في دوامه كانت مش فاهمه شني يلي تحس فيه تجاه طارق بظبط بس يلي كان مانعه انها تحبه وتتعلق فيه انها تخاف تخسره مشكلة وتين ان كل شيء حباته من احلامها خسراته وشيء هذا اثر علها بشكل كبير بدت تخاف انها تحب شي و هي خايفه تحب طارق فا تخسره وهي متبيش تخسره فا زعما فعلا هي محبتاش او هي تحبه بس تنكر؟
جاد: ها يابرو ولله إلا كنت مشغول يا راجل وكان عندي ما نخدم خيرك شني فيه
جواد: تي نتصل بيك من صبح يا راجل مافيش رد بكل معقولة بعدين مش متفقين انه اليوم عندنا عشي ولا بتهرب
جاد: تي مش ناسي يا راجل غير قتلك عندي ما ندير كنت
جواد: باهي باهي صدقتك شني بتجي او لا اسمع كان بتجي جيب ممعاك المشروب
جاد: ماشي تو نجيبه انت هذا لقاتلك بس
جواد: وهو يضحك البطن قبل الوطن بروي
جاد: ههه تي ماني عارفك اني هيا نتلاقو بعدين
جواد: تمام
ايهم: وين ماشين
جاد: عندنا عشوا البرا
ايهم: انت ومن؟
جاد: اني وجماعتنا لنتعشو معاهم ديما
ايهم: حتى اني بنمشي احسبني
جاد: باهي
ايهم: خلاص لما بتمشي قولى بنمشي معاك
جاد: تم
وائل: امي اني جعان فيش حاجه ناكلها
نجمة: غداك تلقاه في المطبخ
وائل: كويس
نجمة: خلي لخوك
وائل: ان شاءلله، اصلا كان قعد فاها ومكليتهاش كلها
نجمة: كول وخلى لى صهيب متغداش
وائل: باهي ي امي
