يوم كان الجو حلو هلبا وريحة لمطر تجنن و الجو بارد ولغيوم مغطيه الشمس وصوت سيارات يلي في شارع مبطلش بكل.
تروادني تلك المشاعر تمتزج جميعها داخلي تجعلني أشعر بالربكه والحيره من نفسي هل أنا تلك
القاسية الجامده التي تظهر غلظتها في وقت عصبيتها، أم انا تلك الحنونه الرقيقه المرهفه المشاعر التي تبكي لمجرد النظر لطفل بائس ملقي في طرقات الازقه، أم انا تلك التي يمتلئها بشغفها الحياه وتحب مداعبه وملاطفه من حولها ،أم تلك المنزويه في اقصى ركن بالبيت بعيده عن العين شاعره بالراحة والسلام النفسي في وحدتها، أم انا كل ذلك !!!!!
وتين: ولله طلعت كاتبة ومعنديش خبر لو نحاول شوي ونطور من مهاراتي نصير كاتبة ومعنديش شك في الموضوع بكل آه لو يصير شيء هذا دكتورة وكاتبة لو تضحكلي دنيا بس.
وائل: وتين شديري
وتين: كنت نكتب
وائل: كاتبة ومعندناش خبر ههه
وتين: اهو صار عندك خبر يا غزال
وائل: لا حمامه مش غزال
وتين: يلي يعجبك اختاره مفيش فرق
وائل: آه باهي غير وقفي الكرسي هذا لدوري بيه صدقتي روحك انك وليتي كاتبه شكلك
وتين: اكيد ولو تبي موعد تفضل احجز عند سكرتيره
وائل: نبي نفهم ليش شايفه روحك على شني بس
وتين: اممم مش شايفه روحي بس انتم لانكم تشوفو في انفسكم اقل مني هكي تفكرو 😉
وائل: ريتش ها المناصب لعندك يلي بتخلينا اقل منك
وتين: ههههه مش بالمناصب هي بس خليني عايشه دور يا همي لازم تفسد على الواحد حتى انه يتخيل
وائل: هههه اي اي كملى احلام اليقظه متعك اسفين
نجمة: وتين
وتين: امي لو بتحكي في نفس الموضوع لو سمحتى لا
وائل: موضوع شني
نجمة: زدتي فكرتي او لا
وائل: تي موضوع شن
وتين: موضوع زواج وقتلها لا، انت علاش مصرة قلقتي مني مليتي مني قولى
نجمة: شني لكلام لتقولى فيه هذا اني نبي نهني عليك
وائل: قصدك وتين ما تبيش و انتي تجبري فاها قصدك
نجمة: انت متدخلش ب لامور هذي
وائل: اختي شني ما ندخلش بعدين هي بنت وحده خيررك مستعجله علها
وتين: لو كانو اكثر راهي مش عارفه شنو صار
نجمة: كان تفكيرك قعد هكي ولله ماجايك واحد.
وتين: عيونها تعبو دموع مانبي حد يجيني ومنبيش نتزوج
وائل: حس ب وتين وشاف دموع يلي معبيات عيونها، امي خلاص قتلك لا لا اصلا وتين مستحيل في بنت زيها وميه يتمنوها.
نجمة: اني معادش مدخله في حد ومشت
وائل: خلاص وتينتي امي وتعرفاها انسي
وتين: اصلا هي ديما هكي ديما هكي متفكرش في مشاعري و متهتمش ب اني شن نحس تعبت راني تعبت
وائل: حضن وتين خلاص ماحد يقدر يجبرك ديري شيء متبيشي خلاص معادش تبكي.
صهيب: خيركم شني فيه
وائل: ما في شيء
صهيب: خيرها وتين تبكي و امي خيرها شن كانت تقول
وائل: غمز لى صهيب ما في شيء
صهيب: قعد مقعمز ويتفرج على وتين وهو مش فاهم شيء.
ممرضة: دكتور
طارق: تفضلى
ممرضة: في حالة البرا و تبي تشوفك
طارق: بس الحالات تمو صبح معنديش تو
ممرضة: بس الحالة قالت انها تبي تشوف حضرتك
طارق: شوفيها لو حالة مستعجلة و عندها تحاليل او شيء خلها تدخل ولو لا قوليلها دكتور في عمليات
ممرضه: حاضر دكتور
طارق: و ردي بالك تحس ب اي شيء
ممرضة: تمام دكتور
وتين: دكتور انت فاضي
طارق: فاضي بس شني قلنا على كلمة دكتور
وتين: ضحكت نسيت قتلك نبي شوية وقت باش نتعود
طارق: ههه خوذي راحتك
وتين: اممم حاضر
طارق: بس خيره صوتك هكي فيك حاجه قولى
وتين: لا لا ما في شيء غير مريضة شوي بس
طارق: خيرك شني فيك من امت مريضة عاينتي
وتين: اي عاينت شوية هبوط مش اكثر
طارق: باهي علاش متهتميش بصحتك علاش
وتين: كان عندي ظغط قراية و امتحانات هذا ليش
طارق: يا روحي انتي تو شني تحسي
وتين: الكلمة هذي خلت وتين تحس بشعور اول مره تحسه في حياتها، كويسه الحمدلله
طارق: خوذي علاجك في وقته و كولى عندك امتحانات ولازم صحتك تكون كويسه متهمليهاش يا وتين
وتين: حاضر
طارق: باهي شديري توا
وتين: كنت نقرا وحاليا واخذا استراحه
طارق: ماشاء الله عليك طموحه
وتين: اي طالعتلك اني
طارق: هههه لالا احسن مني بإذن الله
وتين: ان شاءلله
طارق: اني شن درت باش ربي حطك في طريقي
وتين: مش عارفه بس اكيد يحبك
طارق: انتي هكي تقولي
وتين: اي و متأكده من كلامي.
ممرضة: يا اختي دكتور طارق حاليا في العمليات ومش فاضي تفضلى تبي اي شيء نقله لما يطلع
هبه: لا، اني نبي نحكي معاه شخصيا
ممرضة: بس دكتور في عمليات ومطول باش يطلع
هبه: تو نرجع مره تانية، بس قوليله انه هبه جت وكانت تبي تحكي معاك.
ممرضة: تمام
طارق: وتين نحكي معاك شوي تاني في حالة بنشوفها
وتين: تمام نشوفك على خير دكتور
طارق: ردي بالك على روحك وقلبك ايوه
وتين: حاضر.
ممرضة: دكتور
طارق: شنو صار
ممرضة: جت وحده اسمها هبه وقالت تبي تحكي معاك بس قلتلها انك في عمليات ومش فاضي وقالت انها بتجي مرة تانية
طارق: تمام شكرا
ممرضة: العفو
طارق: وهذي شن تبي مني وشني يلي جابها بعد وقت هذا على شني ناويه يا هبه وعلاش تو بذات جت
نسرين: الواضح اليوم انك فرحانه هلبا شني سبب ها قولى شني داسه عليه
وتين: مش داسه شيء يعني لازم في. سبب باش نكون فرحانه
نسرين: اكيد لان انتي مش اي شيء يخليك فرحانه
وتين: خيرك كبشتي في الموضوع هكي مافي شي
نسرين: متأكده
وتين: اي متأكده
نسرين: ياويلك يا وتين لو يطلع في شيء وداسه عليه
وتين: لو في راني قتلك
نسرين: ان شاءلله، اسمعي بعد غدوا بيان اختي باش تجي
وتين: حاضر من عيوني حا نجي ان شاءلله
نسرين: ياويلك ماتجيش نقتلك
وتين: يودي قتلك بنجي بعدين استاحشتك هلبا راهي
نسرين: كويس نستنى فيك
وتين: حاضر
نسرين:: في هلبا امور بنحكيهالك
وتين: اوكي نتلاقو ونهدرزو لين تملي مني ههه
نسرين: ما نملش منك اني
وتين: عارفاتك يا قلبي بس نبصر عليك
نسرين: يا روحي انتي، اني تو بنمشي في هلبا حاجات بنوتيهم للبيان نحكو بعدين.
وتين: اوكي
نسرين: اوكي
سكرت وتين المكالمة ولقت رسالة من طارق مكتوب فيها متزعليش روحك عارف انك زعلانه من شيء ومتبيش تقولى.
وتين: بس كيف عرف اني زعلانه بدون ما نقوله كيف يفهم ويحس بيه وحني عمرنا ما شفنا بعض غريبه اول مره حد يفهمني بلا ما نحكي و حنون هكي شن درت باش يدخل حياتي يا رب، يا رب متباعداش عليه و خليه خير ليه يا رب منبيش نغلط ومنبيش ندير شي يزعلك مني يا رب دلني على الصح يا رب خليه قريب مني، بس ليش منعرفش بس خلى قريب مني.
في الحلقات الجايه حا نعرفو مني هبه وشني تبي بظبط من طارق وكيف. تعرفه، و هل شيء هذا حا ياثر على علاقة طارق ب وتين او لا، وهل وتين حا تحب طارق رغم انها رافضة الحب اساساً..
الحلقات الجايه حا تكون حلوه ومشوقة و حا تبدا قصة حب كبير في رايكم كيف تتوقعو نهاياتها تكون..
اكتبو في تعليقات لطفا.
