جاد: الو وتين شني كملتي لامتحان نجيك
وتين: اي كملت تعالى
جاد: باهي مسافات طريق ونوصل
وتين: اوكي
سهى: وتين حبي شنو جاوبتي
وتين: يس و الحمدلله و انتي
سهى: يعني لخبط شوي بس مصفيتها ان شاءلله
وتين: ان شاءلله
سهى: وتين خيره جوك مش تمام صاير معاك شي
وتين: خذت نفس لا مش صاير شي شني بيصير، غير يمكن من ظغط لقراية ولامتحانات
سهى: بس هذي مش اول مره نديرو امتحانات وانتي مكنتيش هكي فيه حاجه فضفضيلي
وتين: لا مافي شيء غير يمكن هرموناتي مخربطات هههه 😂
سهى: اي مرات بس ان شاءلله مش صاير شي تاتيي
وتين: حاولت تغير الموضوع تعرفي الجو بدي صقع و اني منتحملش صقع بكل
سهى: اي صقع هلبا بدات صبح
وتين: هذا ليش منحبش الشتاء
سهى: نفسك، بابا يتصل شكله جي هيا وتين نشوفك حب قلبي نكلمك بعدين ونطمن عليك
وتين: اوكي حبيبتي نهدرزو.
سهى: تم
وتين: معقولة هو مأثر فيه لدرجة هذي حتى الكل لاحظ اني مضايقة مر شهر ومش عارفه هو ليش مقاليش وليش قطع تواصل بينا فجأة غريبه شني ها دكتور هذا فعلا انه بلا احساس.
صهيب: امي وتين قعدة مروحتش
نجمة: مشي جاد بيجيبها هي نوض خوك بنحط لغدي
صهيب: وائل وائل هي راجل امك حطت لغدي فكنا تو بوك يروح يلقاك راقد تعرفه انت كيف يبد يتصرف فكنا من لمشاكل ونوض.
وائل: باهي باهي نوضنا مينوضوش الواحد بأسلوب شني هذا.
روحت وتين وغسلت وتوضت وصلت الظهر و اجتمعو العيلة على سفرة لغدي وتغدو وكملو و غسلت وتين لماعين وسيقت الكوجينه.
نجمة: وتين ترا تعالى كان كملتي
وتين: نعم شنو فيه ماما
نجمة: في ناس كلموني عليك ويبو يخطبوك لى ولدهم
وتين: منهما
نجمة: ناس نعرفوهم وكويسين وقال بيخليك تكملى قرايتك وبتخدمي شني رايك
وتين: اني مش مفكرة في الموضوع نهائي نفكر بقرايتي بس معادش تفتحيلي الموضوع هذا امي ارجوك
نجمة: كان مفكرتيش تو امت بتفكري فيه بعدين العمر يمر
وتين: كان مر خلى يمر اخر همي تزوجت او لا اخر اهتماماتي بنمشي نرقد اني تو.
نجمة: ربي يهديك ويصلح حالك وخلاص.
وتين: يا رب ساعدني تعبت راني تعبت مفيش حد يفهم فيه ولله معاد قادرة نتحمل اكثر يا ربي خفف عليه وطلعني من يلي انا فيه.
انور: باهي علاش مشرحتلهاش قصدي حرام البنت راهي قعدت حايره كنت على الاقل عطيتها سبب
طارق: شني المفروض كنت نقلها ، اني خايف نحبك خايف من لارتباط آه معادش عارف كيف نتصرف.
انور: كنت قولها هكي احسن من انك تخلاها فجأة
عيب عليك يا صاحبي.
طارق: تعلقت باها يا راجل و مضايق وخاطري نكلمها
انور: كلمها باهي علاش تعب في روحك اعطي قلبك فرصة يحبها الواضح انها بنية كويسه ومش زي باقي لبنات.
طارق: ولو هي كان في حد في حياتها باهي و مرات متبيش يكون بيناتنا حب وارتباط تي هيا حتى اسمي متقولش فيه على لسانها غير كلمة دكتور معادش فاهم شي لامور كلها معقده.
انور: اعطاها شوي وقت يعني ومع الوقت كل شيء يولى كيف ما تبي غير اصبر يا راجل.
طارق: نكلمها زعما
انور: كلمها وشوفها و اعتذر على تصرفك احسن ما تخسرها
طارق: بس حتى لو خسرتها شني حا يفرق يعني، تعودت اصلا الكل زي بعض همهم الوحيد لفلوس و الماديات بس
انور: مش الكل زي بعض ومش الكل ماديين ناس عا ناس تفرق يا طارق متضيعش بنت من بين ايديك ومع الوقت تو تعرف هي شن.
طارق: شني يلي صايرلى اني كنت في غنى على الكلام هذا و مرتاح البال.
فتحت وتين تليفونها ولقت مسجات من طارق و كانت مش عارفه هي مصدومة او فرحانه بس سكرت تليفونها ومعدلتش على مسجات.
نجمة: وتين رقدتي
وتين: شوي و بنرقد
نجمة: باهي فكرتي يا بنيتي في يلي قتلك عليه
وتين: امي شني قلتلك بكري لو سمحتي متضغطيش عليه
نجمة: الولد كويس و العيلة كويسه متلقيش خير منهم
وتين: بس اني حاليا مش مفكرة في زواج ومنبيش نفكر
نجمة: فرصة ولو ضاعت مرات معادش تجي
وتين: جت او مجتش اخر همي، وتو نبي نرقد غدوا عندي امتحان
نجمة: ربي يهديك وخلاص.
طارق: مسج وصل بس علاش مقرتاش مرات متبيش تكلمني مش عارف شني الفكر لخذتها عليه تصرفي كان غلط كان المفروض نقلها معادش فهمت راسي من رجليا.
وتين: مش اختفي ومشي ليش رجع تو شن يبي مني او يحسابني حا نكون في انتظاره مثلا، لا اكيد مش بكيفه امت ما يمشي يمشي و امت ما يحب يرجع يرجع لا، يا دكتور في حدود لازم متجتازهاش غدوا نتصرف معاه.
وكل واحد فيهم قعدت الافكار دور في راسه و يسأل ليش طرف تاني تصرف هكي وبطريقة هذي.
