نجمة: وتين وتين
وتين: بصوت ناعس نعﻤ
نجمة: هيا نوضي الباص قريب يوصل كان بتمشي للمستشفى
وتين: شوي ونوض
نجمة: معادش فيه وقت نوضي والبسي حاجه باهيا دفي روحك الجو البرا صقع
وتين: باهي هاني نايضة معنديش نية لشيء
نجمة: و افطري قبل لاتطلعي
جاد: وتين مشت امي
نجمة: لا قاعدة راقدة نوضها
جاد: باهي،، وتين
وتين: ولاصوت
جاد: بصوت عالي وتين
وتين: راقدة تعالى بعدين
جاد: شكلك تحلمي انتي نوضي بالك وقت هيا انتي تقولى عمرك مارقدتي
وتين: باهي شوي ونوض
زياد: شني بتمشي للمستشفى
طارق: اي بنمشي ليه شهر طالع ما يجيش نقعد اكثر
زياد: تمام نطلعو مع بعض معناها
طارق: تم
وائل: الباص جي يا وتين هيا
وتين: باهي قله يستنا نلبس في بوت متعي
نجمة: من بكري نوض فيك لكن ما تاخذيش في راي
وتين: باهي يا امي
نجمة: افطري قبل حتى شوي
وتين: تعرفيني امي ما نحبش ناكل صبح بنمشي ادعيلي
نجمة: بتوفيق ان شاءلله، لافطور تفطر زي ناس لا شيء شني بنت هذي
وتين: بنجور
امل: خيرك وتين اليوم متأخرة
وتين: نضت متأخرة
سهى: سحبناك مش ماشه
لمياء: اليوم عندنا امتحان كيف مش حا تمشي
وتين: اي الامتحان ولله قريب نسيت لاحول الله
سهى: هدي روحك يا وتين
دكتورة ابتسام: واخيرا شفناك دكتور طارق الحمدلله على السلامة
طارق: الله يسلمك دكتورة
ممرضة: الحمدلله على السلامة دكتور
طارق: الله يسلمك
المدير: و اخير رجعت يا دكتور بصراحة مكانك فاضي
طارق: عارف ولله
قعدو الكل يلي في المستشفى من اطباء و ممرضين وموظفين يحمدو لطارق في السلامة من الحبس وانه طلع بريئ
انور: او دكتورنا شرف وأخيراً
طارق: قلت عيب نخلى صحيبي بروحه وغمزله
انور: شني اليوم طالع جنتل مان
طارق: من يومي هكي اني كيف لاحظت او كيف
انور: لالا كل ملاحظين عدا اني كنت راقد ع وذاني شكلى
طارق: هههه شكلك، شني زحمة مستشفى اليوم ووجه جدد
انور: متعين تدريب الميداني باشرو بتدريب ليهم شهرين و في متعين البعثة بيبدو امتحانات حتى هم
طارق: بس كأنه عددهم هلبا مش زي المرات لفاتو
انور: اي لان في وحدين كانو لازم يدربو في مدن تانية بس صار مشاكل وهكي بدو يدربو هني
طارق: اي كويس
المدير: طارق فاضي
طارق: حتى مش فاضي نفضالك
المدير: وللهى انك اصل هي، بنقلك فيه طلبة متعين بعثة بيبدو يباشرو امتحانات وكذا وبيبدو نبيك تكون مسؤل عليهم
طارق: بس متعين لبعثة حسب ما نعرف في قسم تاني مش هني
المدير: اي في القسم تاني بس في طالبة غير شوي عليهم يعني مش طالبة طب بشري بس مرقناها بطلب من مدير الكلية ونبيك تكون مسؤل علها
طارق: يعني تبيني نكون مسؤل على طالبة وحده، قصدي انت على راسي وعيني بس طالبة وحدة منقدش نضيع وقتي علها وتعرف ليه سنة غايب و عندي هلبا امور منقدش نقسم
المدير: بس المشكلة منقدش نأمن انها تدرب تدريب كويس غير عندك انت، لانها بدير امتحان بعدها، والبنت شاطرة ومش حا تعبك
طارق: مش عارف بس نفكر ونقلك
المدير: تمام نستنى في ردك، وهذا ملف متعها نخليهولك على مكتب متعك
انور: بصراحة كلامه مزبوط البنت شاطرة وذكية مش حا تعبك
طارق: ليا هلبا على تدريب ومعنديش قدرة نوسع بالي معاهم بكل
انور: بس هي طالبة وحدة واني نعرفها بنت ماشاءالله مش حا تعبك ذكية
طارق: تو نشوفو
لمياء: دكتور بديرنا الامتحان مع بعض او كل واحد بروحه
دكتور: كل شخص بروحه بنقسمكم
سهى: امت لامتحان دكتور
دكتور: بعد ساعة
امل: يا بنات خايفه من تو اني راهي
مراد: صباح الخير
وتين: دكتور مراد، صباح النور
مراد: شني تدريب يا وتين
وتين: كويس نوعا ما
مراد: شني جاهزة لى امتحانات بعثة قريب تبدا راهي
وتين: جاهزة بس خايفه زاده
مراد: ليش الخوف يا وتين
وتين: خايفه ما ننجحش
مراد: شووفي يا وتين انتي قبل لا تمتحني بتدربي قبل و بيدربك اشطر دكتور في مستشفى و اني اخترته خصيصا لك وكلمت حتى مدير مستشفى ، وبعدها الامتحان ليش خايفه قبل لا تبدي قولى
وتين: كم بنقعد ندرب
مراد: ثلاثة او اربعة شهور
وتين:وقت ضيق نقدر نفهم في شهور هذم
مراد: تقدري تبي شدان قراية وفهم مع دكتور وتركيز و تنجحي اوثقي فيه
وتين:: ان شاءلله دكتور شكراً
مراد: تبي اي شيء مساعدة اني موجود
وتين: حاضر
سهى: على امتحان شنو يحكي دكتور مراد، بعدين شنيدير دكتور هني
وتين: امتحان يلي نديررو فيهم حاليا بعدين دكتور يخدم هنايا في طرابلس مش في معهدنا بس
سهى: صحه ليه يخدم هلبااا وتعب هلبا
وتين: اي ربي يعاونه ان شاءلله
لمياء: هيا يا بنات دكتور ينادي
دكتور: جاهزين للامتحان كل واحد فيكم بيمسك حاله وزعهيم يا دكتورة
ابتسام: حا نقسم سبع مجموعات كل مجموعة فيها خمسة
سهى: خسارة وتين مش معاي
لمياء: ياريت جت معانا
وتين: هو امتحان وبيتم اكيد مش العمر كله خيركم انتم
ابستام: هيا كل مجموعة تمشي للقسم متاعها
وتين: دكتورة و حني مني دكتور يلي ببشرف علينا
ابتسام: اني بنشرف عليكم
وتين: حلو، و امت بنبدو دكتورة
ابتسام: من غدوا بنبدو، اليوم حا نعرفكم على طاقم غرفة عمليات و مرضى يلي في عناية وغدوا نبدو
وتين: تمام دكتورة
......
وائل: امي في نسوين البرا يبوك
نجمة: قلتلهم تفضلو
وائل: قلتلهم
نجمة: يا اهلا وسهلا انستونا
فتحية: الله يانسك يا نجمة، كيف حالك
نجمة: الحمدلله كويسين هيا تفضلو ادخلة
فتحية: يزيد فضلك، شني حال لعويلة وحال وتين
نجمة : كويسين الكل في نعمة
فتحية: والحمدلله اهم حاجه صحيحه
نجمة: اي ولله اهم حاجه انتي شني حالك وشني رجلك
فتحية: اهو يا نجمة مرا هكي ومرا هكي مع علاج تخف و كان سيبت علاج مافيش فايدة ما نرقد منها يا خيتي
نجمة: لاحول الله، شدي على علاج مادابيك
فتحية: ان شاءلله يا خيتي، هوا اني بنقلك يا نجيمة جاياتك و ان شاءلله ماترديني
نجمة: ان شاءلله خير شني فيه
فتحية: عندي ولدي امير شاد فيه على وتين وبري اخطبيهالى وشوفيهالى، قتله سمعت بوها مايبيش يعطيها إلا بعد ما تتخرج قلى بري شوفيهالي و اني نخلها لين تتخرج غير نعطي كلمة بس
نجمة: ولله شني بنقول يا فتحية جيتك غالية عندي لكن ما نقدرش نقلك لا اي لا لا لان نشاور وتين وبوها
فتحية: عارفه انتي شوفيعم و ان شاءلله يصير نصيب ولله نديرها زي بنيتي
نجمة: ان شاءلله خير يا فتحية
فتحية: هي وتين وين مش في الحوش
نجمة: لا في طرابلس في مستشفى تدرب
فتحية: طرابلس بعيد هلبا يا خيتي، امت تروح
نجمة: مع 5 ونص تروح
فتحية: قريب توصل معناها
نجمة: اي، خلى نمشي ونجيك
فتحية: ياودي مش غريبه مانبي شيء
نجمة: عيب تجي للحوش وماتاخذي شي
امل: كيف كان تدريبكم وتين، دكتورتكم كيف
وتين: كان حلو هلباا ودكتور ابتسام تجنن اسلوب وتعامل الله يبارك
لمياء: احني دكتورنا صعب ياودي
سهى: بس شاطر راهي و فاهم
هدى: تأخرنا اليوم هلبا يا بنات المغرب قريب يأذن وحني في حياشنا قعدين في طريق
امل: قريب نوصلو خيركم مش اول مره بلا نق انتي وهي
محمد: مني لى كان عندنا يا نجمة
نجمة: هذي فتحية مرت سعيد
محمد: لاباس ان شاءلله
نجمة: جايا تخطب في وتين
محمد: و انتي شني قلتيلها
نجمة: قلتلها نشوف بنت وبوها قبل
محمد: اي ولد من ولادها هذا
نجمة: امير قالت
محمد: هذا مش مشكور هلبا يا نجمة، خوه لكبير احسن منه
نجمة: خيره
محمد: متع مشاكل يقولو
انور: شني مزال مش مروح طارق
طارق: بنروح غير في شووي ورق بنوقعه وبنشوف حالات غدوا كم بس
انور: معناها نستناك
طارق: لالا روح اني بنعطل
انور: تمام
وهو يرتب في ملفات الحالات لقى ملف يلي حطه المدير الصبح لطالبة يلي بيدربها
طارق: هذا هو خلى نشوفو الطالبة يلي يشكرولى فاها من صبح فتحه وقعد يقرا وجت عينه على اسمها وتين....... قاعد طارق مصدوم 😳 مستحيل مش معقولة وتين يارب نحلم اني ولا لا حط طارق ايديه على راسه وهو يفكر من صدمة معادش عرف شني يدير.
