♥🍓 _Strawberry_ 🍓♥ ( TK Non Fic )

31 කොටස 🍓

"ඒක දිග කතාවක් අශස් "

" ඉතින් මට කෙටි කරලා කියන්නකො "

" මමා ඩැඩාව මැරි කරන්න කලින් ලොකූගෙ තාත්තා එක්ක එෆෙයාර් එකක් තිබිලා තියනවා. ඒ එෆෙයාර් එක දුරදිග ගිහින් අන්තිමට නැවතුනේ සමරවික්‍රම අංකල්ගෙන් මාම් ප්‍රෙග්නට් වෙලා... "

" එතකොට ජගත් හාමු මේ මොකුත් දන්නෙ නැද්ද අයියේ "

" නෑ.....ඩැඩා දැනගන්න විදිහකුත් නෑ...මොකද සීයා පපා උනත් ලොකූ ගැන දැනගත්තෙ අවුරුදු දෙක තුනකට කලින් "

ආරුල් අයියා මගේ ඇදේ ඉදගෙන හෙඩ් බෝඩ් එකට හේත්තු වෙලා මාව එයාගෙ පපුවට හේත්තු කරන් කොන්ඩෙ අතගාන ගමන් කියද්දි මං ඇස් උස්සලා ආරුල් අයියගෙ දිහා බැලුවා.

" මමා ප්‍රෙග්නට් උන කාලේ ඉදලා තියෙන්නෙ USA වල...එයාට ඕන වෙලා තිබ්බෙම ලොකූව නැති කරන්නලු....ඒත් සමරවික්‍රම අංකල් ඒකට ඉඩ දීලා නෑ...අන්තිමට ලොකූ ඉපදෙනකන් එහාට වෙලා ඉදලා ලොකූ ඉපදුන දවසෙම එයාව දාලා මාම් යන්න ගිහින්...."

" ඉපදුණ දවසෙම "

" ඔව් අශස්....ඔයාට හිතාගන්න පුලුවන් නේද මොන තරම් ආත්මාර්ථකාමීයි හිතක්ද එයාට තියෙන්නෙ කියලා.... මට තේරෙන් නෑ අශස් මාම් කොහොමද එහෙම දෙයක් කරේ කියලා...තමන්ගෙ පලවෙනි දරුවා වෙනුවෙන් උනන කිරි ටිකක්වත් ඒ දරුවට තොල ගාන්න නොදී මූණක්වත් නොබලා දාලා යන්න මොන අම්මටද පුලුවන් "

අනේ දෙයියනේ.....පිරිමියෙක් වෙලා මගෙ පපුවත් ඒ වචන වලට හිරි වැටිලා ගියා.... යුගාන් අයියා පව්.... සමහරවිට එයා අපේ අම්මාට මෙච්චර ආදරේ එයාට අම්මා කෙනෙක්ගෙ ආදරේ නොලැබුන නිසාම වෙන්න ඇති.

" මාම්ගේ රූම් එකේ තිබිලා මට දවසක් එයා ප්‍රෙග්නට් කාලේ කරපු චෙකප් වල රිසිට් වගයක් හම්බුනා. මුලින් මං හිතුවෙ ඒ මං එයාගෙ බඩේ ඉද්දි කරපු චෙකප් කියලා...ඒත් මං ඉපදෙන්නත් අවුරුදු පහකට කලින් ඩේට් ඒ රිසිට් වල තිබ්බ නිසා මට සැක හිතුනා. ඒ සැකේ නිසාම තමා අන්තිමට මං ලොකූව හොයාගත්තේ "

" ඔයා දන්නවද අශස්.....මං අයියා විදිහට රූහිවයි පොඩීවයි හරි පරිස්සමට බලාගත්තා. එයාලා වැටෙන තැලෙන හැම තැනකදිම මං පවුරක් වගේ ඒ දෙන්නා ඉස්සරහා හිටගත්තා. ඒත් සමහර වෙලාවට මට හිතුනා මාවත් ඒ විදිහට ආරක්ෂා කරන්න මට හයියක් වෙන්න කෙනෙක් උන්නා නම් කියලා.... අන්තිමට මට ලොකූව හම්බුනා..... මගේ ජීවිතේ සතුට පිරුන දවස් හරි පොඩ්ඩයි තියෙන්නෙ අශස්....අන්න ඒ දවස් වලින් එකක් තමා මං ලොකූව හොයාගත්තු දවස "