" ඉක්මන් කොරහල්ලා බන් රාත්තිරිය වෙන්නත් එනවා මයෙ මැණිකෙ මග බලාගෙන ඇති "
" ඔය වස්සාට දෙකක් තඩි බාලවත් ඉක්මන් කොරහන් සියාතුවො හාමුට තදියම අල්ලලා "
කරත්ත රෝදෙට පොඩි වෙන බොරලු කැට සද්දෙ ටිකක් වැඩි වෙද්දි කරත්තෙ ඇදන් යන සුදු හරකාට දෙකක් ගැහුව සියාතු කියන මනුස්සයා ඔලුව පාත් කරලා ගමන ඉක්මන් කෙරෙව්වා.
" මට ඇති තදියමක් නෑ කදිරෝ...උඹ දොඩවන් නැතුව ඉදපන් "
" කට බොරු කිව්වත් දිව බොරු කියන් නෑ හාමු.... සුදු මහත්තුරුන්ගෙ ගෙදර කෑමට ගිය වෙලේ ඉදන් ආන්න අරහෙ අපෙ මැණිකෙ නගා මක්කා කරනවාදෝ කියලා කල්පනා කර කර ඉන්නවා මං දැක්කානෙ "
කරත්තෙ ඇතුලෙ හිටිය අමුතුම ඇදුමක් ඇදන් උන්න පිරිමියා එයා එක්කම ඉස්සරහින් ඉදන් උන්න හැඩිදැඩි පිරිමියා දිහා බලලා අතේ තිබ්බ බස්තමෙන් එකක් ඇන්නා.
" උඹ මයෙ එකා නොවුනා නම් වලව්ව ඉස්සරහා උල තියෙන්නෙ උල "
" මයෙ මැණිකෙ නගාගෙන් බැනුම් අහන්න තමයි එහෙනම් ඒ "
කරත්තෙ ඇතුලෙ වෙන කතාව ඇහුනා උනත් ඔලුව උස්සන්න තරම් හයියක් නොතිබ්බ සියාතු එයාගෙ රාජකාරිය දිගටම කරන් යද්දි අර අමුතු ඇදුමක් ඇදන් උන්න කෙනා එයාගෙ අතේ තිබ්බ පන් මල්ල දිහා බලලා හිනා උනා.
" මයෙ මැණිකෙ හරි පෙරේතයි මේ රතු පාට ගෙඩි කන්න.... සුදු මහත්තුරුන්ගෙ උත්සව වලට ගියාම මං එනකන් බලන් ඉන්නෙ මේන් මේවා ගිලින්නනේ....ඒ පුරුද්ද අපේ පැටියටත් ගිහින්ද කොහෙන්ද මෙච්චර පෙරේතකම් කොරන්නෙ "
" මං නොදැන්නවැ හාමු ඒක.... අවුරුදු දාසයක් වෙලාවත් නැති මයෙ නගාව නිලමෙ බහට ගත්තෙත් ඕන් ඔය ඇඹුල් ගෙඩි පෙන්නලානෙ "
කතාවෙන් කතාව ගොම්මන් වැටෙන හෝරාවෙදි කරත්තය වලව්වක සුදු වැලි මිදුලක් මැද නතර වෙද්දි කරත්තෙන් බැස්ස හාමු ඇස් හීනි කරලා වලව් දොර දිහා බැලුවා.
" කදිරා....කෝ බන් මයෙ මැණිකෙ..."
" වෙනදා වගේ පාර බලන් ඉන්න බෑනෙ හාමු...මැණිකෙ නගා දැන් බඩදරු එකීනෙ....යහන් ගබඩාවෙ ඇති "
YOU ARE READING
♥🍓 _Strawberry_ 🍓♥ ( TK Non Fic )
No Ficción" අහලා තියනවද අශස්....තෝඩු තෑගි දෙන්නෙ උරුමක්කාරයො උනාට මල් තෑගි දෙන්නෙ හිමිකාරයෝ කියලා.... " ආරුල් අයියාගෙ වචන වලට මගෙ බඩේ සමනල්ලු පියාඹනවා වගේ දැනෙනවා....එයාගෙ ආදරේ මේ විදිහට දෙනෙද්දි මට බයයි මාව පුපුරයි කියලා.... " මිනිස්සු ආදරේටම විතරක් නෙමෙයි අ...
