" මේ කිරි පැකට් එකවත් බීලා ඉන්නකො පුතේ බඩට කිසි දෙයක් නෑනෙ "
" මට එපා අම්මි "
" මේ සති දෙකට ඔයා ඇදිලා ගිහිල්ලා අනේ මගෙ පුතේ මේක බීලා ඉන්නකො රත්තරනේ "
" මට ඕන් නෑ අම්මි පාඩුවේ ඉන්න දෙන්නකො "
" ඌට බොන්න බැරි නන් ඔය මගුල විසික් කරලා දානවා නිරාශා....තමුන්ගෙ ඔය හුරතල් කිරිල්ල නිසා තමා මූ මෙච්චර මුරණ්ඩු වෙලා තියෙන්නෙත්...."
කාර් එක ඩ්රයිව් කරන ගමන් උන්න සුගත් හාමු සද්දෙට කියද්දි පිටිපස්සෙ සීට් එකේ උන්න සකුල් ආපස්සට මොකුත් කියාගන්න බැරුව අත් මිට මොලවන් වීදුරුවෙන් එලිය බලාගෙන හිටියා. තාත්තයි පුතයි මැද්දෙ අසරණ වෙලා උන්න නිරාශා අතේ තිබ්බ කිරි පැකට් එක ආපහු බෑග් එකට දාලා සකුල්ට ලං වෙලා සකුල්ගෙ ඔලුව අතගෑවේ තමන්ගෙ පුතාගෙ පීඩනේ දුක වේදනාව තේරුම් ගන්න බැරි තරම් නරක අම්මෙක් නොවුනත් සුගත්ගෙ වචනෙට පිටින් යන්න තරම් හයියක් නැති වෙද්දියි.
" අපේ අයියලටත් පිස්සු.... ආරුල්ගෙ පදේට නටන්න ගිහින් තමයි මෙච්චර දෙයක් කරගත්තේ....කටක් ඇරලා කියන්න පුලුවන්ද අපේ ඉදුල් කාපු උන්ට සිංහවංශ ලේ දෙවනි උනා කියලා "
අප්පච්චිගෙ වචන වලට සකුල්ගෙ අත් වෙව්ලනවා. ඔය ඉදුල් කාපු උන් කියන්නේ තමන්ගෙ මුලු ජීවිතේටත් වඩා ආදරේ කරන මනුස්සයට කියලා දැනෙද්දි සකුල්ගෙ මුලු ආත්මෙම කේන්තියෙන් වෙව්ලුවා.
" සුදු අයියා ඉදුල් කාපු එකෙක්ට දෙවනි උනා විතරක් නෙමෙයි.... මම කවදා හරි ඒ ඉදුල් කාපු එකාට යට වෙනවා "
" පොඩී................... "
නිරාශාගෙ කෑ ගැහිල්ලයි සුගත් හාමුගෙ කකුලෙන් කාර් එකේ බ්රේක් එක පෑගුනෙයි එකම වෙලාවෙයි.
පළවෙනිම වතාවට
ජීවිතේ පළවෙනිම වතාවට අප්පච්ච් කියපු දේකට ආපස්සට දෙයක් සකුල්ගෙ කටින් පිටවෙද්දි ඊලගට වෙන්න යන දේ ඉවෙන්ම වගේ තේරුන නිරාශා කේන්තියෙන් හැරිලා බැලුව සුගත්ගෙ අතකින් ඇල්ලුවා.
" අපි මහපාරේ ඉන්නේ.....ප්ලීස් කලබලයක් ඇති කරන්න එපා මහත්තයා...මේ නුවර....ඔයාලගෙ නමටමයි හොද නැත්තෙ "
YOU ARE READING
♥🍓 _Strawberry_ 🍓♥ ( TK Non Fic )
غير روائي" අහලා තියනවද අශස්....තෝඩු තෑගි දෙන්නෙ උරුමක්කාරයො උනාට මල් තෑගි දෙන්නෙ හිමිකාරයෝ කියලා.... " ආරුල් අයියාගෙ වචන වලට මගෙ බඩේ සමනල්ලු පියාඹනවා වගේ දැනෙනවා....එයාගෙ ආදරේ මේ විදිහට දෙනෙද්දි මට බයයි මාව පුපුරයි කියලා.... " මිනිස්සු ආදරේටම විතරක් නෙමෙයි අ...
