♥🍓 _Strawberry_ 🍓♥ ( TK Non Fic )

46 කොටස 🍓

" මං උඹට අමුතුවෙන් කියන්න ඕන් නෑ කියලා දන්නවා....ඒ උනාට මගෙ චූටි මැණිකව මං එනකන් ඇස් දෙක වගේ බලාගනින් ප්‍රමෝධ "

ආරුල් අයියා එයාගෙ සීයා තාත්තා ලගට යන්න කලින් එයාපෝට් එකේදි කිව්ව එකම දේ ඒක වෙද්දි ආපහු පිටිපස්සවත් හැරිලා බලන්නෙ නැතුව එයා යන්න ගියා....මට මහ අමුතු වේදනාවක් , පපුව හිරි වැටීගෙන යන වේදනාවක් දැනුනා උනත් මං ලාවට හිනා වෙලා එයා නොපෙනී යනකන්ම බලන් උන්නා.....

දාහක් කතා කියලා මගෙ හිත හදලා එයා එනකන් බලන් ඉන්න හේතු ගොඩක් දීලා යන්න ගියාම මං කොහොමද හොටු පෙර පෙර අඩලා එයාගෙ හිත රිද්දන්නේ....

එයා ගියාට පස්සෙ මෙහෙ ලෝක විනාසෙ උනා වගේ....මෙහෙ කිව්වෙ මේ ආරුල් අයියලගෙ ගෙදර....සකුල් කිව්ව විදිහට නම් ජගත් හාමුට හුගක් කේන්ති ගිහිල්ලා...එයාලා මේ මාසෙ ඉවර වෙන්නත් කලින් තාන්වි අක්කගෙයි ආරුල් අයියගෙයි එන්ගේජ්මන්ට් එක කරන්න ඉදලා තියෙන්නේ....ඒකට ඕනා හැම දේමත් ලෑස්ති කරලා තියෙද්දි ආරුල් අයියා හැමෝටම නොකියා අතුරුදහන් උන නිසා එයාලගෙ ගෙදර බෝම්බයක් පිපිරුවා වගේ වෙලා....මොකද හැමදේටම වඩා ආරුල් අයියගෙ මමාටයි ඩැඩාටයි නම්බුව ලොකුයිනේ....

අපේ ගෙදර ගත්තොත් තත්ත්වෙ සාමකාමී.... මෙච්චර දවස් රෑ වැඩ කරපු අයියා දැන් උදේට වැඩට ගිහින් හවසට ගෙදර එනවා.... ඒ හින්ද ද කොහෙද අර ඌරාටත් රජ මගුල් වගේ....දැන් ඉතින් පැය ගනන් හරි කෝල් වල ඉන්න උනත් පුලුවන්නෙ ඌට....

අගෝස්තු මාසෙ ගෙවිලා ගියාට පස්සෙ අපිට ආපහු ස්කෝලෙ පටන් ගත්තා....පලවෙනි දවස් ටිකේ නම් මගෙ හිතට මහ මූසල හැගීමක් දැනුනා....මං මේ ස්කෝලෙට ආපු දවසෙ ඉදන්ම හැමදාම උදේට ගේට්ටුවෙන් ඇතුලට යනකොට ආරුල් අයියා ගේට් එක ලග හිටන් ඉන්නවා.....එසෙම්බ්ලි එක වෙලාවට අපේ පෝලිම් වලට පිටිපස්සෙන් හිටන් ඉන්නවා.....ඉන්ටවල් එකට මුලු ස්කෝලෙ වටේම ඇවිදිනවා.... ඒ හැමදේම දිහා බලන් ඉන්න පුරුදු උන මට එකපාරට එයා නැති හැගීම දැනෙනකොට පපුව හීනියට රිදීගෙන යනවා....

"අම්මේ....අම්මේ......අම්මේ.....අම්මේ.....අම්ම්ම්ම්ම්මේඒඒඒඒ "

බුදු අම්මෝ එනවා එනවා......
දඩි බිඩි ගගා වේගෙන් ඇවිදන් එන අම්මගෙ අඩි සද්දෙ ඇහෙද්දි මං දුවලා දුවලා කාමරේට ගිහින් දොර වහගත්තා.