كما لو تمنيت

الفصل الثاني والعشرون

(مفاجأة سارة)

ضحكة عالية خرجت من أعماقها عندما استمعت إلى ما قالته فيروز للتو فلم تشعر بنفسها إلا وهي تعانقها بقوة وتدور معها وهي تهتف بسعادة: مش معقول يا طنط أنا حامل بجد مش مصدقة والله كنت فقدت الأمل.

أجابت وهي تمنعها من الدوران: شفتي كل اللي خططنا له طلع مظبوط ازاي عشان كده عيزاكي تاخدي بالك من نفسك أوي وتحافظي على اللي في بطنك هو ده اللي هيخليكي تستمري مع أدهم فهماني يا مرام.

أومأت لها بسعادة
فاستطردت: ودلوقتي بقى يا قمر شوفي لك طريقة تبلغي بيها جوزك بالخبر الحلو ده أما أنا هروح أبلغ شهيرة وأفرحها.

ربطت على وجنتها ثم دلفت للخارج وسعادة كبيرة تجتاحها تاركة الأخرى تشيعها بنظرات ممتنة فهي السبب في كل ما يحدث معها الآن.
أطلقت ضحكات مرحة ثم مسدت على بطنها وأردفت بشرود: يا ترى فعلا هتكون السبب ان بابا يحبني زي ما أنا بحبه ولا هنكون عملنا كل ده على الفاضي.

هزت رأسها نفيا كي تطرد تلك الأفكار السيئة التي اجتاحت رأسها وهبت واقفة عازمة الذهاب إلى مركز التجميل وبعدها ستفكر في كيفية أخبار زوجها بذلك الخبر السار.

❈-❈-❈

بين الفينة والأخرى تسترق النظرات إليه وهو لا يبالي شعرت بالحزن يجتاحها ثم باغتته بسؤال أغضبه كثيرا: إلا قل لي يا باشمهندس أروى كانت بتعمل إيه عندك؟
أظن احنا في شغل مش في نادي واعتقد ما ينفعش زيارات شخصية في الشركة ولا إيه؟

رمقها بازدراء ثم أجابها بحدة: والله الكلام ده حضرتك تقوليه ليها هي
هي صاحبتك وبتيجي لك باستمرار ولما ما بتلاقيكيش بتيجي تقعد عندي وأظن مش من الذوق أني أطردها يعني.

ابتسمت بداخلها على حديثه العفوي ذاك فهي شعرت بأن لا شيء يجمعه بأروى فهتفت بفرحة جاهدت في إخفائها: يعني ما فيش حاجة بينك وبينها أقصد يعني أنت...

قاطعها بإشارة من يده ثم هتف مغيرا دفة الحديث: والله ما يخصش حضرتك
محتاجة مني أي حاجة تاني يا لارا هانم أقصد يعني المشروع ناقصه حاجة عشان لو كده مراد بيه يبدأ في التنفيذ على طول؟

اغتاظت من حديثه البارد معها لكنها تعرفه جيدا فهو يفعل ذلك كي يثأر منها وهي لم تمانع فهو محق فيما يفعله
وبدورها ستتركه ينفث غضبه منها بالطريقة التي يشاؤها لذا ابتسمت بعذوبة ثم مدت له بعض الأوراق وغمغمت بنعومة: شغلك رائع يا باش مهندس تقدر تروح للتنفيذ فورا.

رمقها باستغراب من تغير حالتها ثم التقط منها الأوراق ودلف للخارج وهو في حيرة من أمره
تاركة إياها تشيعه بنظرات ولهاء وبداخلها يوقن بأنه لن يكون إلا لها مهما حدث