ရုပ်ပျက်ဆင်းပျက် (pt-2)
ဘဏ္ဍာထိန်း စု သည် အန်း မိသားစု၏ လုပ်ငန်းများနှင့် အလုပ်ရှုပ်နေပါသည်။သူ့မှာ အဲဒီအမေနဲ့ သမီးအတွဲကို စီမံခန့်ခွဲဖို့ အချိန်မရှိပေ၊ ပြီးတော့ သူတို့ကိုလည်း နှောက်ယှက်ချင်စိတ် မရှိပေ။အန်းသခင်ငယ်သည် အန်းယွမ် ခရိုင်မှ ထွက်ခွာသွားသောအခါတွင် အန်းခယ်ရှင်း သည် လင်းမိသားစုသို့ လက်ထပ်ဝင်ေရာက်ခဲ့ပြီး လင်းမိသားစု၏ အစိတ်အပိုင်းတစ်ခုဖြစ်ကြောင်း ပြောကြားခဲ့သည်။
ကိုယ့်မိသားစုအရေးကို မိသားစုဝင်တွေပဲပြေလည်အောင် ဖြေရှင်းခိုင်းလိုက်ပါ။ဘာပဲဖြစ်ဖြစ် အနှောင့်အယှက် မပေးလိုက်နဲ့။တစ်ခုခုတကယ်ဖြစ်လာခဲ့ရင်တောင်
အန်းခယ်ရှင်း က သူမစိုက်ပျိုးခဲ့တဲ့အရာတွေကို ရိတ်သိမ်းနေရတာပဲ။
ထို့ကြောင့် လင်းမိသားစု၏အရေးအခင်းသတင်းမှာ အန်းယွမ် ခရိုင်သို့ရောက်ရှိသောအခါ ဘဏ္ဍာထိန်း စု သည် မသိဟန်ဆောင်နေခဲ့ပါသည်။သူသည် ကျွန်တစ်ဦးမျှသာဖြစ်သည်။သူ့သခင်အတွက် ဆုံးဖြတ်ချက်မချနိုင်ပါ။
ဘဏ္ဍာထိန်း စု ၏ သဘောထားသည် ကျန်းပိ နှင့် အန်းခယ်ရှင်း ကို ဒေါသထွက်စေသော်လည်း အန်းဇီရန် ကို မပြောပါက အခြားရွေးချယ်စရာလည်း မရှိပါ။သူတို့ ကကျွင်းဇီ မြို့ကို ပြေးသွားလို့လဲရတာ မဟုတ်ဘူး။အန်းဇီရန် က သူတို့ကို သိပ်ကြိုက်တာ မဟုတ်ဘူး၊ ဒါကြောင့် သူတို့အတွက် အလျင်စလို မလုပ်မှာ သေချာလေသည်။
ဩဂုတ်အစပိုင်းနှင့် သြဂုတ်လကုန်ပိုင်းတွင် လင်းရှင်း သည် ကိုယ်လုပ်တော် နှစ်ဦးကို ဆက်တိုက် လက်ထပ်ခဲ့သည်။ထို့အပြင် သူသည် ကိုယ်လုပ်တော်များ၏ အခန်းများတွင် ညတိုင်း အိပ်လေသည်။အန်းခယ်ရှင်း ၏ အခန်းကိုတော့ စာနာစိတ်ဖြင့်တောင် မသွားပါပေ။
စက်တင်ဘာလတွင် တတိယနှင့် စတုတ္ထ ကိုယ်လုပ်တော်များ၏အိမ်ယာများမှ တပြိုင်နက် ကိုယ်ဝန်ရှိကြောင်း သတင်းများ ထွက်ပေါ်လာခဲ့သည်။
YOU ARE READING
The Big Landlord (MM Translation) ||
DiversosMC သည် အန်း မိသားစု၏ အကြီးဆုံးသားဖြစ်သူ ကိုယ်အလေးချိန် 78 ကီလိုဂရမ် (~171-172 ပေါင်) ရှိသည့် မောက်မာသော အသက် 16 နှစ်အရွယ် ကလေးငယ် အန်းဇီရန် ၏ ခန္ဓာကိုယ်ထဲသို့ ဝင်ရောက်လာခဲ့သည်။အန်းဇီရန် က သူ့ရဲ့လက်ရှိခန္ဓာကိုယ်ကိုမြင်တော့ သူ့ရဲ့ပထမဦးစားပေးက ကိုယ်အလ...
