جا الليل وفي بيت خالد اجتمعو كلهم يقولون احداث يومهم
روان: اليوم تعب ودوني قسم الولاده وكرهت حياتي
زهره بضحك: لازم تتعودين على كذا ما شفتي شيء
روان: لكن كويس ما قربت و لا كان استفرغت
مروان: دلوعه ودوني الطوارئ شفت الويل كله دم مافي احد فيهم صاحي طعن وطلق نار وحرايق وحوادث
زهره: لانكم بالبدايه شوي شوي تحبون تخصصكم
خالد: ها بنتي اماني كيفك من زمان عنك
اماني: الحمدلله بخير اموري تمام
زهره: كم عمليه باليوم تجيك؟
اماني: مافي عدد محدد احيانا في تدخلات حرجه
فهد: العايله كلها طب الحمدلله ربي بعدني
روان: شغلتك صعبه تحتاج ذكاء حقيقه
مروان: انتي ترمين الكلام على مين؟
روان: ليش شاك بنفسك انت
فهد: اقول مروني تخاوي؟
مروان: عيونه تم وين
فهد: فره خفيفه بالدباب
مروان: كم هرمنا يلا بلبس و اجيك
اماني: واحنا مالنا نصيب ودي اجرب
روان: يوووه فهود حتى انا بالله تكفى
فهد: تامرون بس ذا البزر بطقطق شوي
روان: ايي تكفى اجلطه
فهد: ابشري كم روني عندي، يلا بروح اجهز الدباب انا
روان: اقول امون شرايك نطلع مع ميعاد؟
اماني: طيب شوفي كلميها يمكن مشغوله
روان: لا فاضيه معليك
عند بيت هيفاء بغرفه ليان
قعدت تفكر وتدور مين ممكن يساعدها وقعدت تبحث وتدور تشوف مين ممكن يساعدها ممكن قلبها يرتاح شوي لقت اسم فهد بن خالد وقعدت تبحث عنه وتشوف انه مسك تحقيقات كثير وكانت كلها وصلت معاه لنتيجه ايجابيه وقعدت تستخير وتفكر تعلم اهلها لكن تخاف يمنعوها وقالت اروح له اول وقعدت تدور اي شيء يوصلها له ولقت عنوان شركتهم وقعدت تدعي ذيك الليله لين ما نزلت دموعها وشهقاتها كل ما تذكرت منظر ابوها وانسدحت على السرير تتأمل انها تنام يمكن يروح تعبها شوي
عند فهد ومروان اللي انطلقو بالشوارع بسرعه جنونيه والاغاني بأعلى كانو فعلا مستمتعين وفي بيت ابراهيم كان فيصل قاعد بالحديقه مع امه يسولفون وطلعت ميعاد
رهف: وين رايحه يا امي انتي؟
ميعاد: بيمروني روان واماني بطلع معاهم
فز فيصل: وين بتروحون؟
ميعاد: ما اعرف ما حددنا للحين
رهف: تحتاجين فلوس؟
ميعاد: لا ماما حبيبتي ما تقصرين
فيصل: متى بيجون؟
ميعاد: قربو دخلو الحي
رهف: استودعتك ربي
ميعاد: هذا هم يلا مع السلامه
فيصل: ما بيجون يسلمون؟
ميعاد بضحكه: بقول لهم ما يدرون انكم هنا
فجاءه نزلو روان واماني يسلمون
اماني: خاله رهف كيفك عساك بخير؟
رهف: الحمدلله بخير دامك بخير، كيف حالك روان؟
روان: بخير يا خاله
ميعاد مركزه بنظرات فيصل لروان وقاعده تبتسم
فيصل: كيفكم يا بنات عمي؟
روان اماني: الحمدلله
ميعاد: يلا لا نتأخر ترا جوعانه
ضحكو ومشيو البنات بسياره اماني وشغلو اغاني
و وقفو عند كوفي وقعد يفكرون
روان: ايش تقولون ننزل ولا درايف ثرو؟
اماني: مافي موقف خلونا درايف ثرو احسن
ميعاد: يوووه ذا النشبه لاحقنا
اماني: مين؟
ميعاد: الخبل فيصل الحب وما يفعل
روان حست قلبها يدق بشكل جنوني واحترت حاولت تنشغل
اماني بضحكه: ما الومه طاح على وجهه
ميعاد: يحظه والله
روان بصوت خفيف: ما ودكم نمشي خلاص
ضحكو اماني وميعاد وكملو طلعتهم يطلعون روان من توترها وخلص يوم الكل ورجعو بيوتهم واستمر ذا الروتين بدون احداث
بعد اسبوع
