في الصباح راح فهد المستشفى يشيك على الكاميرات وبصمات الظرف او الصور ورجع مكتبه
فهد: مافيه الا بصمه شخص وهو المندوب اللي وصل الظرف نجيبه نتكلم معاه كيف اخذ الظرف
مساعده: تمام الحين اكلمهم يستدعونه
في بيت خالد:
روان: ماما مين عزمتو؟
زهره: اكيد عمتك رهف و اسيل ونجلاء وهنوف وباقي اهلنا
روان: عمه رهف ما عندنا مشاكل لكن الباقين
زهره: عاد اهلنا
روان طلبتك يا ماما
زهره: لا ما ينفع ذا الكلام ابدأ ضروري يجون
روان: الحين الغثيثه هدى اكيد بتجي
زهره: ما عليك منها اخوك طاير ب ليان
روان: لكن هي سوسه مو مرتاحه لها
زهره: عاد الله يعديها
مروان: اشوفكم متجمعين؟
روان: اي قعد نعزم الا انت وين رايح
مروان: طالع
روان: طيب اسمع بابا وين؟
مروان: طالع مع عماني
روان: ماما ايش ذا مو قاطعناهم احنا
زهره: بالنهايه هم اخوانه وانتي شايفه حاله
روان تنهدت: وعم ابراهيم؟
زهره: طار من يوم ما تزوج ماله حس
روان: احسه غريب كيف ترك عياله
زهره: الله يصلح الحال
عند فهد
فهد: تكلم؟
مساعده: اي تكلم دلنا على واحد
فهد: جبتوه؟
مساعده: موجود داخل
راح له فهد ومسكه: ايش غايتك؟ مين بالشنا فيك
الشخص: ما اعرف
فهد بصراخ: كيف ما تعرف كنت بتدمر حياه البنت
الشخص: انا عبد المأمور
فهد: مين مأمورك؟
الشخص: ما اقدر اتكلم
فهد: بتتكلم ولا والله معد بتطلع من هنا باقي عمرك
الشخص: صدقني ما اعرفها
فهد: هي وحده؟
الشخص: انا ما اعرف الا صوتها غير كذا ما عندي علم
فهد: وليش طلبت كذا
الشخص: برضو ما عندي علم لكن اعطتني ٥٠ الف على سويته
فهد: و ب ٥٠ الف عادي تدمر انسان
الشخص: انا ما عندي رزق وحالتي كسيفه وديون كنت محتاج هذا المبلغ
فهد: عطني الرقم
الشخص: جوالي مو عندي اخذتوه
فهد: بنستضيفك شوي اليوم
طلع فهد وطلب جواله وفتحه وقعد يشوف الرسايل والارقام ونسخ كلشيء
بيت هيفاء:
هيفاء: الله يسامحك يا سيف كان سمعت من اختك تعبت وانا اقول اسمع منها
سيف: ما كنت اسمع اللي حولي ادري غلطت
هيفاء: اعتذرت لها؟
سيف: اعتذرت لها لكن مافي فايده ما اعرف كيف اصلح غلطي
هيفاء: وانت اللي سويته محد يرضيه طحت بالبنت ضرب
سيف: ملكتها بعد ٤ ايام وودي يطيح الحب
هيفاء ابتسمت: بترضى هي تحبك روح لها
طلع لها سيف غرفتها
سيف: طالعه؟
هزت راسها بالإيجاب
سيف: ما ينفع نتكلم؟
ليان: ما خلص كلامك؟
سيف سحبها وجلسها: لا لسى
ليان: شعندك؟
سيف تنهد: مو ناويه تسامحني؟ ادري غلطت والمفروض اسمع منك لكن عيني انعمت معد صرت اشوف قدامي
ليان: يليتك سمعت مني
سيف: يليت يرجع الوقت واصلح غلطي لكن ما يرجع ملكتك بعد ٤ ايام عاد ينفع كذا نكون زعلانين من بعض؟
ليان: ما علمتنا انك تعبت
سيف: فهد قال لك؟
ليان: اي
سيف: هذا انا مافيني الا العافيه
ليان: تأخرت ممكن اروح؟
سيف: بس للحين زعلانه
ليان: اخوي الوحيد ما اقدر ما اسامحك لكن للحين بخاطري
حضنها سيف: اسف والله اسف
